SMS : { و لقد خلقنا الإنسان و نعلم ما توسوس به نفسه و نحن أقرب إليهِ من حبل الوريد }
اليوم الــرآبع // ~ قمنا الساعة 12 ماما قومتنا عشان كنا معزومين >>> كل يوم معزومين أدري انزين خالتي و ريل خالتي عازمينا اهمه بيتهم بالشارجة بس يايين دبي عشان بيعزمونا على دبي مول قمنا كلنا جهزنا و لبسنا و ضلينا ناطرينهم على ما يون و يوا و رحنا دبي مول ماشاء الله كان كبير و حلو أول ما دخلنا كان في نفس شلال التفتنا لقينا ناس تطيح اخترعنا قلنا شنو هذا و لا يطلع تماثيل معلقينهم لووول براويكم الصورة أول شي سويناه رحنا عند الاكواريوم عاد ريل خالتي قال ان يبي يدخلنا الاكواريوم و قصينا تذاكر عشان ندخل اول شي صورنا صورة جماعية طبعا صورتي انا تلوع الجبد cat19. كلنا كنا نضحك و نلوع الجبد لوول بس يلا عادي للذكرى قبل لا ندخل بالواجهة الأمامية مالت الاكواريوم من برة شفنا غواص داخل ويا السمج ونااسة والله تشوفون الغواص ونااسة صح حوالينا كله سمج و شفنا القرش بعدين يمه يخرع صح عاد انا ما ألزق بالجام لوول اصور من بعيد اسنانه تخرع والله و شفنا ضفدع عاد قعدنا ساعة و احنا ندور الضفدع ليمن لقينا والله ما يبين لونه نفس لون بيئته سبحان الله عاد هني مقربة لكم الصورة انا لونه اصفر و اسود جنه لعبة بس هااا ترى هو صجييي مو لعبة و شفنا هذا الي مادري شسمه لوول يمكن قنديل البحر والله ماني متاكدة بس احبه هذا احسه مو صج خخخخ عاد ترى الليت الي بالمكان جذي لونه لان هو يعيش جذي و ماقدر اصور بفلاش لانه بيطق عالجامة و ينعكس ما يبين انزين بعدين شفنا فقمة بس يعني معروضة كتمثال و قلت بصور معاها ركبت فوقها و قلت حق اختي الصغيرة صوريني معاها خذت كامرتي و طيحتها بالارض و اخترتب الكاميرا إلى هنا >< قامت ما تشتغل عاد عصبت انا و تضايقت بس يعني ما قتلها شي هي هم تضايقت و ضليت باقي الرحلة متضااايقة و ببجي الكاميرا يديدة بعد قبل لا اسافر طلعتها من علبتها و هدية من يدي بعد بس لا تخافون مو يعني ما بصور عندي كامرتين ترى المهم رحنا تغدينا بعدين و انا دمعتي بعيني ابيهم يسوولي اي شي عشان بس ابجي حدي متضايقة كنت و ما تغديت طبعا من الضيقة حسيت ماني مشتهية شي و بعدين تمشينا بالمول شوي و ريل خالتي ودانا محل ايس كريم نسيت اسمه والله بس لذييييييذ براويكم الايس كريم الي انا طلبته على موكا عاد اناعشقي شي اسمه موكا و قهوة و كابتشينو اول ما اشوف هالاسامي كل شي متعلق بالكوفي اذووووب و طلبت على موكا عاد بصراحة بصراحة كان عذااااااااااب طعمه اينن والله حدده عجبني انا ذبت رحت عاالم ثاني والله ألذ ايس كريم ذقته و شفتوا هذا الكوب المحطوط فوق داخلة شوكولاته سوس ترى الكوب من كاكاو و ينوكل اول شي ما كنت دارية بس دادي قالي و عبالي يتشغمر معاي بس شفته والله هو كلاه جان اقوم استانس و اكله بس لذييييييييذ الايس كريم بس والله كليت نص و خليت ثلاث ارباع >> حلفي لوول شبعت حدي ما قدرت معني ترى كنت مو متغدية :هيهي: و بعدها رحنا محل الكترونيات مادري شنو كانوا يبون من هناك فسيدة توجهت حق قسم الكاميرات عشان كامرتي و سالت واحد و عطيته الكام و قالي الخلل بالبطارية ترى شسمه البطارية كانت يديدة و توني شاريتها بس لانها طاحت شكلها اختربت البطارية و قلت الحمدلله شريت بطاريات يدد الحمدلله و بعدين خلاص تعبنا قلنا بنرد البيت رجعنا البيت و بنت خالتي يت لنا كانت تبي أمي بشغلات و احنا انثبرنا بالبيت و قعدنا نحن نحن نحن عليهم الا يطلعونا طبعا عصبوا علينا و طردونا من المطبخ cat9. و كانوا محتاجين شي من السوبر ماركت فطلعوا ييبونه و كلنا احنا البنات قلنا بنروح وياهم خخخخخخ و رحنا السوبر ماركت عاد شرينا حلاو كاكاو و بطاطات و ذرة بعد شرينا و عاد شفنا ميكي ماوس و ميني ماوس خخخ كنا فاصلين تخيلوا شنو سوينا انا قتلهم شرايكم نصور معاهم عاد ضحكوا قالوا يلااااااااااا بس بنت خالتي الي اصغر مني بسنة قالت لاااا فشلة عاد انا طنشتها و رحت حق ميني .. قتلها نبي نصور عاد قامت تسوي حركات يعني مستحية بطيناها ضحك احنا و جان نصور معاها و يا ميكي الي يغار و الا يصور معانا و صور بعد ياليت احطلكم الصورة بس للأسف فيها احنا ماقدر ×× و بعدين ردينا البيت كانت امي تعلم بنت خالتي هذي المتزوجة اشياء رمضانية تعلمها شلون تلف سمبوسة و سبرينغ رول المهم طبيت عليهم و قتلهم بسوي معاكم عاد انا خبيرة بهالاشياء اعرف اسوي باتقاء *_^ و سويت و تعببببببت و تعشينا بعدين و نمنا و بانتظار ي وم حافل غدا يلا انتظروني باليوم الخامس برب ~