بالسيارة كان الصمت سيد الموقف
بعد ماوصلوا فله فواز
الجوري .. قبل لا انزل كراتين بالملحق ولا
فواز .. بابتسامه .. بالملحق
الجوري .. اها
نزل فواز ونزلت وراه
فواز .. نورتي بيتك
الجوري . قصدك بيتك وبيت كراتين وانا ضيفه موقته
فواز .. وشنو لازمه الكلام هذا يالجوري
الجوري ... هذا الواقع يافواز وانا لو اللى بطني مارجعتلك
فواز .. طيب خلاص قفلى على هالموضوع وتعالى اوريك غرفتك
الجوري .. اوكي
فواز .. وصلها غرفتها .. تفضلى هذى غرفتك
الجوري .. شكرا
فواز .. العفو
الجوري .. خلاص تقدر تروح حق كراتين الحين
فواز .. مايصير اقعد معك شوي
الجوري .. لا الحمل متعبني ومالى خلق ابي انام
فواز .. طيب براحتك ذا احتجتي شى عندك رقم جوالي
الجوري .. الله لا يحوجني لك
فى بيت خالد
كان خالد توة صاحي من النوم وغلا بعدها نايمه
نزل تحت وطلب من الخدامه جهز الفطور
ريتا .. استاذ
خالد .. نعم فى شى
ريتا .. انا فى يكلم انت شوى
خالد .. قولي شنو تبين
ريتا .. بابا انا في يشوف من كب موي عشان ماما غلا يطيح
خالد .. من اللى كب الماي
ريتا .. ماما سلوى
خالد بعصبيه .. انتى متاكد من اللى تقولينه
ريتا .. ايو بابا انافى يشوف
خالد .. خلاص انتى روحي وذا المرة الثانيه جات البيت لا تفتحولها الباب مفهوم
ريتا .. مفهوم بابا
بعد نص ساعه نزلت غلا
غلا .. صباح الخير حبييبي
خالد.. صباح النور حياتي كيف الصبحتى
غلا .. باحسن حال
خالد .. ان شاء الله دوم
غلا .. بوجودك حياتي بس اشفيك مو على بعضك
خالد .. مافي شى حياتي لا تشغلين بالك
غلا .. بدلع .. افا تخبي على غلوي حبيتك
خالد ... حياتي انا عرفت السبب اللى خلاك تسقطين
غلا بخوف .. كيف عرفت
خالد .. الخدامه قالتلى ان سلوى كبت الماي متعمدة
غلا نزلت دموعها .. ياربي ليش انا شسويت عشان تسوي كذا كل هذا لا نى وافقت تزوجك
خالد .. حبيتي هدى والله ان عتبت البيت مرة ثانيه ماتلوم الا نفسها
غلا .. وعد خالد
خالد .. وعد ياعيون خالد
انتهى البارت
والمعذرة على التاخير
البارت الجاي راح يكون قبل الجمعه ان شاء الله
بانتظار توقعاتكم وردودكم