البارت الثامن عشر
فى بيت ابوفواز
هذي الاحداث صارت قبل لا يرجع فواز الجوري على ذمته
فراس ,, يبه ممكن تكلم معاك موضوع
ابوفواز .. تفضل يبه قول اللى عندك
فراس .. يبه اذا الجوري طلعت من العدة ابي اخطبها منك
ابو فواز سكت فترة وبعدين ....هههههههههههههههههههههه
فراس .. يبه انا قلت شى يضحك
ابوفواز .. اصبر شوي ورفع سما عه التلفون وطلب الجوري لمكتبه
فراس .. يبه ليش ناديت الجوري
ابوفواز .. عشان تسمع ردها بنفسك
بعد دقايق معدودة دخلت الجوري عليهم
الجوري .. السلام عليكم
ابوفواز .. وعليكم السلام
فراس ..وهو يصد عنها .. يابنت عمي روحي الستري نفسك
الجوري كانت داخله بدون عباه او شيله
ابوفواز .. تعالي يالجوري قعدي
فراس .. يبه شلون تقعد وهى كذا
الجوري.. شفيك فراس ترى ماتسوى ليش معصب
ابو فواز .. قعدى يبه وانت فراس كلم جوجو بموضوعك
فراس .. بخجل .. لا يبه ان تكلم احسن
ابوفواز .. طيب جوجو فراس يبي يخطبك منى بعد ماتخلصين عدتك
الجوري .. تتكلم جد عمي
ابوفواز .. ايه جوجو
الجوري وقفت وراحت صوب فراس ..فراس طالعني
فراس .. الجوري انتي مو طبيعيه اليوم
الجوري .. لا ياعيوني انا طبيعيه بس انت اللى ابد مو طبيعي فى احد يفكر يخطب اخته
فراس ........ شنوووووووووووووووووووووووووو؟
ابوفواز .. اللى سمعته يافراس
فراس .. بعصبيه... يعني انت مو ابوي انت عمي
ابوفواز..يهدي .. فراس اهدا واسمعني شوى
فراس .. كيف تبيني اهد وانتم تقلون ان الجوري اختى ومخبين علي
ابو فواز .. الجوري اختك بس مو من امك وابوك اختك من الرضاع
فراس .. اختى من الرضا شلون تصير وانا اكبر منها وليش ماهي اخت فواز
ابوفواز .. خالتك ام الجوري ارضعتك مع ولدها زياد الله يرحمه
فراس .. طيب وليش ماعلمتوني من قبل
ابوفواز .. الجوري كانت رافضه
فراس .. يطالع الجوري.. ممكن اعرف ليش ياختي
الجوري ودموعها ماخذه مجراها على خدها .. خفت التعلق فيك وبالاخير تتركني مثل ماتركوني اهلى وبدت تصيح بصوت عالي
فراس عورة قلبه على اخته وحبيبته راح لها وخذها بحضنه وصار يمسح على شعرها .. الجوري خلاص اهدي
الجوري .......................
فراس .. جوجو حبيتي اهدي ولا ازعل عليك
الجوري .. لما اسمعت كلامها .. لالا خلاص بسكت بس لا تزعل علي
فراس .. ههههههه ايوة خلك شاطرة
الجوري .. ضرته على كتفه .. شايفني بزر عندك
فراس .. ههههههههه واحلى بزر
الجوري بزعل .. روحي عني ماحبك
فراس .. هههههههه شفتي انك بزر
الجوري .. عمي شوف فراس
ابوفواز .. ههه فراس اعقل عن اختك
فراس .. ان شاء الله يبه
ابوفواز .. الله يهديكم ويخليكم لي
فراس والجوري .. ويخليك لنا
وهذا سر فراس ..
الحين نرجع لا احداثنا
فى بيت الوليد
بعد ماخلصوا الغداء قام الوليد ولم السفرة
وبعدها سوالهم شاي وراح حق شهد
الوليد .. تفضلي
شهد .. دام فضلك
الوليد .. اخبار رجلك الحين احسن
شهد .. الحمد لله تمام
الوليد.. الحمد لله شرايك بالشاى حقي
شهد .. حلو تسلم ايدك
الو ليد .. ربي يسلمك امم امى والهنوف بيجون يزرونك بس انا بعتذر منهم
شهد .. ليه
الوليد .. عشان رجلك
شهد .. رجلى طيبه وانت مكبر الموضوع زايدة عن اللزوم
الوليد . بهدؤء .. قلت كلمه وحدة ومراح تراجع فيها
شهد ..وقفت .. ومشت صوبه .. الوليد كان مدنق راسه ويطالع بالارض هى وقفت وماتكلمت
الوليد حس فيها ورفع راسه ........ وقال بكل عصبيه .. مجنونه انتي
شهد بدلع وهى تهز راسها .... لا ماسويت شى انا كان شعرها يتحرك معها بحركتها هذى خلت الوليد يسرح فيها
شهد ...... بصراخ ...... الوليييييييييييييييييييييييييييييييييييييد
الوليد .... فاق من سرحانه .. خير وشفيك تصارخين
شهد بستهبال .. لا بس اجرب صوتي
الوليد .. قولى والله
شهد ..... ههههه امزح بس صارلى ساعه اكلمك وانت سرحان اعترف فمين سرحان
الوليد .. ليه يهمك
شهد .. وبعدها واقف هزت كتوفها .......... بكيفي تبي تقول ولا براحتك
الوليد .. طيب قعدي ليه واقفه على راسي
شهد .. عشان اثبتلك ان رجلى مافيها شى
الوليد .. طيب قعدي عشان اقولك فمن كنت سرحان
شهد .. وهذى قعدة قول اسمعك
الوليد ..بوصفلك اشكل بس
شهد طيب
الوليد .. طويله وشعرها ناعم وسمراء بس اموت بسمارها جسمها ضعيف ورووعه ولا رقبتها رقبت غزال وعيونها عسليه وخشمها مو طويل حيل بس يعجبني وشافيها زي التوت (( هو يوصف شهد ))
شهد بعصبيه .. لا والله ويوم هيمان فيها هالكثر ليش ماتزوجتها
الوليد .. عرف انها مانتبهت انه يوصفها. وكمل لعب معها. هههههه النصيب انى اخذك ماخذها وحنه الهنوف وامي على انى اتزوجك ولا ماكنت ابي اتزوجك كنت ابيها هي
شهد ... بعصبيه وغيرة تحاول تخفيها ..وهى تحبك
الوليد تذكر كلام الهنوف لما قالتله ان شهد تحب .. مدري بس سمعت انها تحب ويمكن اكون انااللى تحبه
شهد ..اها وشرايك اخطبها لك
الوليد يمثل الفرح ..من صدق تتكلمين
شهد ... ايه بس شوي شوى على نفسك لا ينطلقك عرقك
الوليد .. فدها ومتى بتخطبينها لى
شهد وهى تصد عنه عشان مايشوف دموعها .. خلاص قبل الرمضان بروح اخطبها لك وبعد ماتملكون طلقني
الوليد .. ويمثل انه فرحان وسعيد .. مشكورة شهد لانك بتحقيقن لى حلمى
شهد بصوت مبحوح .. العفو عن اذنك
الوليد .. وين بتروحين
شهد ..وبعدها صادة .. بروح غرفتي
الوليد .. طيب انتظري خليني اشيلك واوصلك
شهد .. مافى داعي وطلعت من الصاله من غير لتسمع ردة
دخلت غرفتها ورمت نفسها على السرير وتركت لدموعها الحريه بانها تنزل من غير قيود على حظها وزوجها اللى بعتقدها يحب غيرها