وعلييييكم الســلاااااام والرحمة والله الموضوع عالجرررح شهووور وسنيين عانيتها بسبب ادماني للنت بداياتي مع الادمان لما كنت ثاني ثانوي وزادت لما دخلت الثانوية العامة كنت ادخل بدرررجة فظيعة حتى وقت الامتحانات آآثر النت عليهم كنا نشبك بخط البيت ،، وكنا دائمي الضرابة انا واخوي مب يعني ضرابة والسلام لا ، ضرابة ضرابة ضرابة فيها مط شعور وقتل وذبح مرات توصل لانه يكسر الكيبورد او يمط الماوس او يكسر الهارد ديسك >>> اعوذ بالله بعد الثانوية ودخولي الجامعة ادمنته اكثر >>> ما تتوب كنت اتأخر في الجامعة بس علشانه بعدين لما نزل معدلي حسيت بالغلطة ، وحاولت اتدارك الامر قدر المستطاع بس ما في فايدة :sm.31: كل يوم يزيد ادماني حتى في البيت دائمة الضرابة مع اخواني لانهم بدوا يدمنون الانترنت مثلي >>>> هي السبب :sm.64: مرات اشل اللاب واسير بيت قوم عمي اشبك مناك صار دوام يومي لبيتهم :sm.52: وبنت عمي كانت في كل مرة تعاقبني بس ما في فايدة وجهي حطبة ما ينفع وياي شيء :sm.29: في السنة الثانية ،، تشاورت مع اخواني وقررنا ندفع للدي سي ال كل شخص 70 درهم والحمد لله مشت الاحوال تمام تقريبا لكن لا يخلو من جو ضرابة القعدة على الكمبيوتر اخوي اللي كان دايما يضاربني عالنت الله هداه واشترى لي لاب مثل العسل ( سميته بلبل للمعلوماتية :sm.42:) انا واحد وهو واحد وما شيء الحين قاعدة مرتااااااااحة ، محد يضاربني عليه ، ومحد يقول لي قومي ولا شيء ادخل على كيفي واطلع على كيفي الحمد لله حتى هو اللي يدافع عني لو احد ضاربني عليه . . اذكر مرة من المواقف اللي اضحك عليها الحين ايام الستايل الوردي كانت في مسابقة احلى مقابلة مع عضوة وكنت مختارة سيرين الله يذكرها بالخير علشان اسوي مقابلة وياها فلما جاء وقت عرض المقابلات في الموضوع المخصص دخل اخوي الصالة فجأة وجاء صوبي وقطع واير النت وجااااان اصررررخ صريييخ هههههههههههههههه واروح اشتري بطاقة تلفون من الدكان ، وبسرعة بسرعة اشبك بالانترنت قبل ما يجي مرة ثانية فللاسف ، شوي وداخل علينا وقعد وراي يقرا المواضيع بصوت عالي ويقرا الردود وكذا وانا اصاارخ وخّر عني وخّر عني وانادي على امي ، بس لا حياة لمن تنادي :sm.30: آخر شيء نزل الموضوع من دون تنسيق ومرة من المرات ما ادري كيف صاد موضوعي اللي كتبته عن النملة اللي ماتت عالكيبورد بالغلط وقام مسكها علي شهوور شهوووور :cat51: . . الحين الحمد لله الحمد لله ، قدرت اضبط نفسي والقى البديل لو ما في نت وآآسفين عالاطاالة