[الورد المديني]

غاب ابوه اللي يضمه = ولا بقي له غيرامه
أمه الأم الرحوم = وكل طيب تحتويه
كلها عطف وأمومه = شالت الوقت بهمومه
ودها تسعد ولدهـا = بأي شيء وتحتميه
أمنت له كل شي = وحبه بها نبض أحيي
ولو طلبها ما طلبها = ساع يطلب تشتريه
كافحت في هالحياة = سوت له المعجزات
وأن تأخر ما تنام = الليل كله تحتريه
تبكي والدمع غشاها = تمسحه لامن جاها
ما تبيه يشوف دمعة = حزن ألمها يكتسيه
ومن بعد ما شب عوده= واستوى كبرت عضوده
وصارمتزوج بعذراء= لا معاها تصير أيه
نستهأم وفت له = يوم الأجواء ما صفت له
لا وقالت له أنا أبغي = بيت أمك ما تجيه
كيف أصبر ببيتي حرة = وأنا أشوف الأم ضرة؟
وخططت له ودبرت له =وسوى كل اللي تبيه
ولأن شخصيته ضعيفه = أمه أشبه بالكفيفة
ماتوانا لو دقائق= يطرد أم ترتجيه
وقام وسوى له جريمة = وشالها شيله غريمة
وعقب وصلها الرعاية = صوتت له ياولدي هيه
ياولدي وين انت رايح = قالته والدمع سايح
والتفت فيها ورد = برد متنكر سفيــه
قال انا رجال تاجر = منشغل بين التاجر
وان بغيتيني بحاجه = هذا رقمي واطلبيه
ولأجل ما تجرح شعورة= طاعته بأمره وشورة
وابتعد عنها وقفى = وكل ما سوت نسيه
وهمل امه ياحسافه = وصد وأعلن انحرافه
وصار ما يسأل عليها = ولا تلا قو بالوجيه
واصبحت في وضع مؤسف = وضع ما تحسد عليه
وضع كل به تأثر = عاشت اسبوع وأكثر
لين روح الطهر فاضت = من جسد طاهر نزيه
حلمها اللي في ولدها = لا كبر يكبر سعدها
مات لحظه كفنوها = ولا بق ياكود ليه