[إحسآس ~]

يآالله عليكِ حلوة الإحساس

موضوعك مرررة مرره رهيييب ~

على طول افتكرت الآية (( ولو كنت فظا غليظ القلب لانفضو من حولك))
سبحآن الله التعآمل كان حلو ولا عكس يبقى اثره ..

ماانسى وقفة معلماتي معايا ومديرتي في المرحلة الثانوية وكنت على باب التخرج ووقتها كنت اجريت عملية.. جزاهم الله خير


دائماً أتذكر احدى العاملات الافريقيات عندنا في الجامعة في احدى المباني مهمتها بس تفتح الابواب وتشغل المكيفات بس حاجات بسيطة .. دايم اطلع لقاعتي القاها على كنبايا في الممر جالسة ومتكية نايمةو احيان تكون صاحية.. فيوم قلت ايش باخسر لو صبحت عليها اكسب اجر.. فسرت كل يوم لوامر من عندهاو انسى مااسلم او اكون مشغولة تبادر بالسلام هيا.. سبحآن الله تحولت من التكشيرة اللي تحملها كل صبآح الى ابتسامة ..

وابتسموا وسمعوا الناس احلى الكلام ..ممكن بأسلوبكم وحسن تعاملكم ..تنفسوا عن انسان كربه او ضيق وتعطوه امل في الحياة ..

 

 

اتذكرت صديقة لي عزيزة وغالية تعرفت عليها من النت.. في باديء علاقتي معاها في المنتدى كانت رسمية جداً وماكان يعجبني اسلوبها واتحاشاها ((حساسة انا حبتين))

فسبحآن الله كانت علاقتنا من اجل المنتدى وكذا احيان اكون متضايقة زعلانة هيا اللي تجي تسأل اكون فرحانة تشاركني فرحتي .. رغم كذا مرررة مررة ماكنت متقبلتها ... الى ان سبحآن الله انقلب الحآل

الله يديم صدآقتنا لله وفي الله


كمآن شغلة ...مرة كنت جالسة ارسم تبع الجامعة فجاني ولد اختي اديني ابغى ارسم زيك.. سبت شغلي وجلست معاه.. ويقولي يلا ارسميلي وانا الون قلتلو لا انتا ترسم وتلون وكانت عندي فلينة مركوزة على طرف السرير اكتب والصق فيها الاشياء المهمة وكل شويا يقولي الله حلوة الفلينة .. قلتلو يلا خلصها واعلقها لك.. ولما خلص علقتها وجلست امدحها الله يافنان يامبدع وكلمت اخواتي واخوه تعالو شوفو الولد كبر رآسه حتى اخوه وده يرسم عشان اعلقها له وكانت عندي الاستكرات الالوان الصارخة لصقتلو عليها انبسسسسسسط مرررة ماتتخيلو قد ايش.. سار كل مايجينا اديني ابغى ارسم .. يخليه ربي =)


اخيراً واللهي اعجز عن شكرك ياقمر

الموضوع نبهني لأشياء كثيرة احيان اكون غافلة عنها .. جزآكِ الله اولا واخيرا ً


ولاتحرمينا ياقمر من مواضيعك الحلوة .. سجليني متابعة لكِ

تستآهلي ال 5 نجوم