[مرت سعود]

السلام عليكم ..

يسعد مساكم ياخواتي العزيزات
الصراحه الموضوع ماعليه كلام
وراعية الموضوع تساتهل [ احلى بوسه ]




يانواعم .. ياشطورات ..
فـي امور لازم الزوجه تعرفها وتطقنها قبل الزواج

بتكلم عن تجربه شخصيه
انا متزوجه من شهر تقريبا
قبل الزواج كنت ادش المطبخ \ اسوي خفايف
سويت \ مقبلات \ سلطات \ شوربات

وبعد الملجه . .
كنت اسأله شو الاكله الي تحب اسويها لك
وكان دايما جوابه ....> اي شي من دياتج باكله :sm.63:


عرست والحمدالله . .
احين نفس السؤال يتكرر . .
شو تحب اطبخ لك . .
يقولي اي شي تسوينه باكل . . ادمج طبختي اكيد بيعيبني =)


بس يوم اسأل امه \ تقولي لا
ولدي ماياكل الا [ .. .. .. .. ]
ولازم اتعلم ها الاكله
فـ مرت سعود حاليا في [ اجازه فالمطبخ ]
كل يوم تفتح هـ الكتب والمواقع وتستشير اصحاب الخبره فالمطبخ
والحمدالله شوي شوي بكون طباخه ماهره لزوجي =)






بـ اختصار حبيباتي

المطبخ مكان أروع من الرائع
خلي عندج نفس فالطبخ

فالبدايه جربي وخربي واحرقي
بس فالاخير بتطلعين مبدعه فالطبخه الي بين ايدج



>> اعرف وايد اتكلم \ بس شو اسوي تراني حرمه :sm.61:
اشوفكم على خير