[Ms.KuwaiT]

السلام عليكم

مساء الخير

قبل لا نلوم الأهل على اعتبارهم حب غلط ..

خنفكر .. ليش ؟

الولد لما يحب بنت ..

راح يروح يكلم أهله و يقول شفت تناسبني خطبوها لي ..

لو وافقوا عليها خطبوها ، و لو ما وافقوا راح هو بيكفه و بقوامته و القوانين اللي تسمح له و تزوجها ..

أو لو يبي يتسلى مراح يمس سمعته شي ..

لكن البنت لو حبت ..

مراح تقول لأهلها ترا حبيت واحد خطبولي ياه !

و لو الأهل وافقوا .. مراح يروحون يطقون الباب يقولون نبي نطلب إيد ولدكم ..

لأنه عندنا الخطبة من الرجل ..

و مافي حديث و لا آيه تقول المرأة تخطب الرجل !

حتى لو في رجال زين الأب هو اللي يخطب يعني السالفة فيها رجال بكل الاحوال ..

فمن جذي الأهل يعتبرونها مصيبة ..

غير إنه البنت سهل تحب و تتأثر بالكلام الحلو ..

فمو عارفين هالرجل فعلاً صادق أو يلعب عليها ..

و لا يقدرون ياخذون بكلامها و بحكمها لأنه غالبًا منجرفة بمشاعرها تحت تأثير الحب ..

و لو الرجل غلط معاها سمعت أهلها بتتأثر ..

أنا مع فكرة لو البنت عجبها شاب في أي مكان ..

تقول لأمها أو أحد كبير مو صديقاتها و لا قريبات من نفس عمرها ..

و تحط أهلها بالصورة عشان تبين لهم انها مو قاعده تسوي غلط دام حبها بريء ..!

حب بدون كلام ما ينقال غير بين الازواج و لا مقابلات ما تصير الا بين الخطاب و الازواج ..

و بنفس الوقت لما يكونون على علم تحس انه معاها عشان ما تغلط ..

إلا لو البنت حابة تعيش غراميات و قصص حب اللي تقراها ..

و كلام بالسر و معاناة في سبيل الحب ..

و تخفي عن أهلها و تكون نيتها مو بريئة ..

فهي الغلطانه مو الأهل .. ليش ما قالت لهم لو هي مو حاسه إنه في شي غلط !!

المفروض اول ما تحس و تتأكد تقول لأمها لأنه أدرى مصلحتها ..

عاد يا تنطر لين هو يحس و يخطبها ..

و لا تقعد تلمح له و تسوي شي حرام و عيب و يفمها غلط ..

و أصلن هالحركات ماتلائم أنوثة المرأه ، المبادرة عند جميع الكائنات من الذكر ..

و مثل ما قلت صعب انه الاهل يروحون يخطبون الرجل ..

يعني لو لقيتي بنت متجنبة المحضورات الشرعية و في اطار الحلال ..

ساعاتها هني نلوم الاهل .. معنه مو بيدهم شي مثل ما قلت ..

و اتمنى هالموضوع ما ينفهم انه تلميح انه يابنات سووا علاقات مع الشباب

و دوروا فرص للحب و العلاقات و حبوا و عيشوا حياتكم

حالكم حال الاولاد .. و ما عليكم من راي اهلكم اللي ربوكم و تعبوا عليكم من سنين ..

و يلا فَضّلَوا واحد عرفتوه قبل يوم او اسبوع او شهر او سنه ..

بدل أم حملت فيكم ، و أب شقى عشانكم ..

و بدلوا حب الأهل الأبدي ، بحب يمكن يتبدل أو يصير عادة ..

شاكرتلج طرحج و اسلوبج اللبق .. (=