[رفيعة المقام]

السلام عليكم ورحمة الله وبركاته

بصراحة بتكلم عن ايجابيات وسلبيات الجامعه >>من اول شهر اكتشفت هالاشيا
ملاحظه : انا في جامعه الامارات
والطالبات من الامارات السبع مع بعض الوافدات
والاساتذه من كل الجنسيات


الاشيا الحلوه في الجامعه,,

انج تقدرين تشوفين ربيعاتج ع كيفج ومتى ما تحبين وتيلسين وياهم سوالف وضحك بعكس المدرسة اللي الفسحه ما فيها الا 30 دقيقه ..
وممكن تستفيدين من هالشي في حل الواجبات او ان احد يشرح لج او تسوين مشروعج ويا البنات..

وبعد تتعرفين على واايد بنات مني ومناك من كل منطقه وثقافه وأصل..~


اشيا ما احبها في الجامعه,,

لبس البنات اللي تقول رقدت بلبس ومكياج عرس البارحه..
يعني استغفر الله تخيلو واايد بناات الشيلة ع الكتف عادي ولابسه بنطلون ضيق وعبايه مفتوحه والمكياج حدث ولا حرج وتمشي قدام الاساتذه والهنود عااادي ..
ولا الوافدات من الجنسيات العربيه الوحده لابسه قميص ضيييييق تقول مال اختها الصغيره وبنطلون اضيق و"حجاب"..!
ما يعرفون ان الحجاب هو ستر مب قطعه قماش ع الراس .. :(

والبويات بروحهم مسلسل تركي ممل وطويل وماله نهايه ,, لا تعليق اكثر ..~


مع احترامي للجميع لكن 80% من البنات جذيه
ما اقول غير الله يهديهم



والسموحه ع الاطاله ^^"