تكملة بارت 12 انا بنزلها لأنه بينك ما يطيع ينزل وياها
بارت 12
[ 3 ]
طارش:يوم دخلتي البيت امج طلعت شرات بودرة وحط ع ايدها وعقب شفطته بخشمها يعني تتعطاى مخدرات !
نورة :لا والله ؟!
طارش: والله العظييم اني ماخرط ! شفت بعيني حتى يوم شفت يودت رااسي بس الرياال بطل ليت السيارة وقمت ماشوف شي !
نورة :يمكن تتخيل
طارش: مادري بس تأكدي !!
نورة :اوكي مشكور
طارش:العفو !
وسكرو
ورد الفون لمها
مها : شو كنت اتقول لها
طارش:خليها هي اتقولج
مها :اوكي
ودقت لنورة
مها :نورة
نورة :ها !
مها :شو قالج ؟!
نورة : مااعرف باي !
وسكرت فويها !
مها شو السالفه ! مها سوت طااف وتمت تصور ! وهي اتصور ! قلبها نغزها !فتمت ادور خالد
وهي تمشي شافت نوف شاله اختها الصغيرة
نوف : ادورين منو ؟
مها :خالد
نوف : همم مها ابي اقولج شي
مها : هلا ؟
نوف : همم شوفي انا بقولج هال شي عن عيلتنه يمكن عيلتكم عادي عندكم جي بس نحن لا
مها : شوهال شي ؟!
نوف : عيب يوم وحدة شكبرها ولا يعني مب منا وفينا تتلزق في ولد اكبر عنها ولا يصير لها شي ! عيب ترة خلود يقفط منج بس مايقولج عشان ماتنحرجين ! ودوم يحااول يبتعد عنج بس انتي ورااة ! وكل حد لااحظ ! فجي كل حد بياخذ عنج فكرة !
مها تمت سااكته وقافطة !: آسفهـ بس انا ارتااح لخاالد واايد !
نوف : كل حد يرتااح له ! بس مب انج تتلزقين فيه
مها : سوري
وراحت عنها تمت تمشي راحت تمشيي وهي تمشي كانت ادمع سكرت الكيمرة دخلت غرفة الأولاد وحطت الكيمرة فشنطه خالد وطلعت وتمت تمشي وهي تمشي شافت فارس فغيرت طريجها بس فارس ركظ
فارس:مها اتريي شوي ابي اقولج شي !
مها : شعندك ؟ مكفااك الظرب الي ظربتني ياه ! تبي تكمل الظرب هني ؟!
فارس:لا والله مابي اظربج ابي استسمح منج ! انا آسف بس انا كنت معصب من شي وطلعت كل الي في خاطري جدااامج انا آآسف ادري كلمه آسف ماتسوي شي بس ماعرف شقولج والله ابي اسوي اي شي عشاان اخليج تساامحيني ! انا آآسف !! حتى خالد مب راظي يسامحني ! ولا خالي محمد ! مها بليز سامحيني !!
مها سكتت وعقب شافته شافت صدق ناادم ابتسمت له وقالت : خلاص سامحتك =)
فارس: صج ؟!!
مها : هي والله
فارس: والله انج طيبة ومافي حد مثلج !
مها : ثانكيو !! يلا بروح
فارس:اوكي
مها :باي
فارس:باي
وراحت مها وراح فارس عند خالد
فارس:خلوود
خالد : ها ؟
فارس:مها سامحتني !
خالد شافه بنظرة : رمستها !؟
فارس:هييه وقالت سامحتك !!!=)
خالد عصب : وليش ترمسها .!؟
فارس:تمييت ارمسها واعتذر منها لين ماسامحتني !
خالد : حتى لو هي سامحتك انا مابسامحك !
فارس:خلود شفيك .!؟
خالد طلع وتم يدور لين مالقى مها
خالد : ليش ترمسين فارس ؟!
مها مشت وسوت له طاف
خالد : ايي انتي ارمسج !!
مها تمت تمشيي ومسوتله اكبر طااف
خالد يودها من ايدها : مب علي انا هال حركات ؟!
مها : شو انته بعد بتظربني !! انتو عييلة متوحشة عفان الله !
خالد سكت : مابظربج ! مستحييل اظربج ! بس قوليلي ليش رمستي فارس !
مها : هو رمسني !
خالد : سوييله طاف
مها : كان يعتذر !
خالد : حتى ولو !
مها : احين شو تبا ؟!
خالد : شفيج ترمسيني جي !
مها : شوف خالد لو انا احرجك جداام هلك مافي دااعي اتيبني بيتكم او مع هلك ولو كنت تشفق علي ! فـ اقولك لاتشفق علي لأنه لو شو صاارفيني مستحييل ابين للناس الي فية ومستحييل اخلي حد يشفق علي ! ولو سمحت لاتتقرب صوبي مابي هلك ياخذون عني فكرة !
وراحت !
خالد ميت اللف علامه تعجب عويها ! : شسالفه !! فرووس الحمار شو قالها !!
راح خالد عند فاارس وتم يظربة !
فارس: ايي انته شفيك
خالد يود فارس من اكماام قميصة : شوقلت لمها !!
فارس:والله بس اعتذرت !
خالد : جذااب ! قول الصج !!
فارس: خلود شفييك !
خالد : فاارس لاتلعب بعصاابي لو سمحتت !! وقوول يشو قلت لها !
فارس:اوكي ...[ وقالهـ ]
خالد: بس ؟!
فارس:هيه والله
خالد : انا لازم ارمسها وبشوف شو صاير بس والله لو طلعت قايلها شي والله مب احسلك !
فارس طلع وراح يدور ع مها ! ولقاها تتمشى معى ميثة
فارس:مها تعالي شوي اباج !
مها : تباني انا !!
فارس:هييه ظروري !
ميثة : شوتبا منها ؟
فارس: مالج خص ! تعالي يلا
مها : انزين
راحت مها عنده وراحو بعيد
مها : خير شوفي؟
فارس: ليش تغيرتي ع خلود ؟
مها : ماتغيرت عليه !
فارس:عيل ليش ياي عندي ويقول لي شو قايلها ومادري شو
مها : انته مب مسوي شي ! بس الي انا اسوي مقتنعه منه واايد !
فارس: شو السالفه
مها : مااشي !
ونوف يت صوبهم
نوف : على معتقد الكلام الي قلت لج عليه مب بس لخالد لكل الأولاد !
مها : اعرف بس هو الي قال ابا ارمسها
نوف : فروس شو يبا منج ؟! ابا اعرف انتي من وين طالعه لنا !! افففففف
مها صاحت وتمت تركظ
فارس: مهاا وييت !
نوف :شو تبا فيها !
فارس :شو سويتي لها !
نوف : ليش تخاف عليها ؟!
فارس:حرام عليج ! ولحظة شو هال كلام الي قلتي لها ؟!
نوف:اي كلام
فارس: عن خالد !!
نوف : افف قلت لها الصراحة !
فارس:اي صراحة .!
نوف : قلت لها انها لازم ماتم لازقة فخلود لأنه عيب ! وثاني شي هي غرييبة وكبييرة عيب اتم لازقة فيه وانا احس ان خالد يتظاايق منها ! و شو بيقولون عنها الناس ؟!
فارس: اي ناس؟ !
نوف : خواتك و عماتي وحريم عمامي !
فارس:كلهم يعرفونها !
نوف : يعرفون انها ربيعه اسما !
فارس:اعرف بس يعرفون انها واايد ويا خالد ! وتعالي منو قالج ان خالد يتظاايق منها ! بالعكس خالد يبووس الترااب الي هي تمشي عليه !
نوف : خلود ماينزل مستوااه لهال اشكال !
فارس بدا يعصب : اي اشكاال ؟
نوف : اشكالها هي واختها انا مرتحت لهم !
فارس اتذكر نورة !وتم سرحان
نوف : حوو انا هني
فارس : شوبلاها اختها ؟!
نوف : مارتحت لها و هيه كنا رايحين بحر ممزر شفناها تركب سيارة سودة وقم خالد لحقوها !
فارس انصدم : معقولة !
نوف : والله
فارس:يمكن انتي فاهمه السالفه غلط !
نوف : لا فاهمه السالفه صح !
فارس: هيييه تعاالي ! منو قالج ان مها غريبة ؟!
نوف : هي غريبة !
فارس:لا مها عمي محمد يعتبرها بنته وحتى عمو ظبية ! واسوم وجاسم وعليا يعتبرونها اختهم
نوف : وليش ماقلت خالد
فارس: لأنه يا حبيبتي خالد يحب مها !!
نوف انصدمت !!: شوووووووو؟!
فارس:شفيج ؟!
نوف : كيف يحبها !!
فارس:شوبعد ! توني اقولج هو يبوس الترااب الي هي تمشي عليه !! هو مايتظاايق منها بالعكس يستاانس يوم اتكوون حذالهـ !
نوف : وهي تحبة صح ؟!
فارس:هي ! وانتي خربتي من بينهم مها صارت تسوي لخالد طاف وخالد جالب الدنيا وظربني بعد !
نوف : اونه سوري فرووس ! بس تحسبت انه خلود مايحبها ! ويتظايج منها
فارس:تعرفين ليش تحسينه متظايج ؟!
نوف :ليش ؟
فارس:لأنه مب رايم يسعدها !
نوف : كيف يعني !
فارس: ماعرف السالفه بظبط بس مها عندها واايد مشااكل مع اهلها وخالد مايروم يسوي لها شي فيوم تكون قربة يتظاايق ان الأنساانه الي يحبها مب رايم يسعدها
نوف : هو واايد يحبها صح
فارس تذكر يوم خالد كان يصيح عشانها : اكثر مما تتوقعيين يموت فيها هي كل حيااته !
نوف: اوييه انا شو سويت !!
فارس:روحي ورمسيها !
نوف : اوكي
وراحت نوف ادور ع مها ولقتها تصييح !
مها شافت نوف ونزلت راسها
نوف راحت صوبها وشافت مها بنظرة حزينة ومها كانت اتصيح نوف شلت مها فحظنها
نوف :انا آسفه
مها تمت تصييح وكانت تصييح بصوت
نوف : خلاص مها والله اني آسفه كنت فاهمه كل شي غلط !
مها بعدها تصيح كانت اطلع كل الي فخاطرها !!
.. عند خالد
وهو يمشي سمع صوت صياح ويوم جرب صوب الصوت شاف مها تصيح ! خاف عليها راح صوبها
خالد :شوفيج
مها صدت وتمت تصيح
خالد جرب صوبها ويود ويها وخلاها تشوف ويها: شفيج ؟
مها راحت فحظنه واتطلع كل الي فخاطرها
خالد ! : خلاص مهوي
مها :ليش جي قاعد يصيرلي !
خالد : انا آسف
مها :لا انته مالك خص
خالد :لا لأني مب رايم اسعدج ولا اساعدج
مها : انته اتسوي كل الي تقدر عليه ! بس انا جي مكتوب لي ! خلاص لازم ارظى بالي قاعد يصيرلي !!
نوف : لامها لاتيأسين !! الحياه جداامج ,, لو تبين تسوين شي حطيه فباالج ولاتتخلين عن هال شي لو شو يصيير وصدقيني بتنجحين
خالد ابتسم لنوف
مها شافت خالد : صح كلامها ؟
خالد : هيه !
مها مسحت دموعها : وايد اشياء فبالي
نوف : فكري فالشي اذا حليتيه كل الأشياء بتنحل لج !
مها : هال شي وااايد صعب !
نوف : حطيه فراسج ومابيكون صعب !
مها تمت تفكر فأبوها كيف تروم اتخوز السحر ! وققالت فخاطرها : صح كلامها لازم ماستسلم لازم ادور ع مطووع لاازم !!!
نوف راحت وخالد ومها بقو
خالد :شو كان فيج
مها : ماشي
خالد:قولي
مها : خلاص خالد لاتذكرني
خالد :براحتج , , انزين شو خليتي فبالج ؟!
مها : اني لازم اخو عن ابوي السحر !! لازم ادور مطوع !
خالد ابتسم وقال فخاطره : ماتعرفين ان بعد كم يوم بتكونين بين احظاان ابوج !
مها : مابستسلم خلود !!
خالد : وانا معااج !
مها ابتسمت !ونزل مطر
خالد :شفتي يوم ظحكتي المطر نزل !
مها : ههه عيل مابظحك عشان ماينزل مطر !
خالد : لا حرام عليج تحرمينا من هال نعمه !
مها :ههههههه
رن فون خالد وشاف رقم نورة ورد
خالد : هلا
نورة : خالد اللحق !
خالد :شو السالفه ؟!
نورة : خايفة من عادل !
خالد :لييش ؟! شوصار !
نورة : توة رمس طارش
خالد :طاارش ولد عمي ؟!
نورة : هييه !
خالد :كيف؟
نورة : من تلفون مها ,, المهم قالي شي خلاني اخاف من عادل
خالد : شو عرفة فيه !
نورة : خالد سالفه طوييلة !
خالد :قولي ياها
نورة : منو عندك ؟!
خالد: مهوي
نورة : ايوا انزين انا بسكر وقول لطارش يقوللك ياها و لاتقول لمها شي
خالد :ااكييد مابقول يلا باي
نورة :باي
وسكرو
مها : منو ؟
خالد :خليفة !
مها :شو صاير ؟!
خالد : ماشي ظرابة اولاد اونه مدخلين طارش فيها ! انزين شوفي بروح عنده وبشوف شو السالفه
مها : اوكي
خالد :باي
مها :باي
وراح خالد عند طارش وكان قاعد ويا الريايل
خالد :السلام عليكم
كلهم : وعليكم السلام
خالد : طروش تعال اباك !
طارش: شو تبا !
خالد : عن عادل
طارش:اي عادل ؟!
خالد : راعي الهمر
طارش:اي همر
خالد: مادري انته تعرف ابا اعرف السالفه منك
طارش: ويييت ! عرفت
خالد :انزين قوم نطلع برع وقولي
طارش:اوكي
محمد : خالد شسالفه ؟!
خالد :يوم بعرف بخبرك
محمد : خلاص اوكي
وطلع خالد ولحقة طارش وراحو ويلسو فمكان
خالد :يلا قولي
طارش: همم شوف [ وقالها كل السالفه ]
خالد : اونه !
طارش: والله
خالد : !! اوييه الفلوس عند عاادل لازم ارد الفلوس
طارش: اي فلوس
خالد : عقب بقولك !
راح خالد ودق لنورة
خالد : نورة
نورة : هلا؟
خالد : همم عطيني رقم عادل وبدق له بخلي اي صوب عزبتنا وبقوله ان يعطيني الفلوس عشان ابوي قال بيخلهم عنده ويمكن يزييد عليه !
نورة :اوكي الرقم 050-*******
خالد :اوكي مشكورة
نورة :العفو
وسكرو
راح خالد واتصل فعادل
خالد :الو
عادل:الو
خالد :مرحبا
عادل:مرحبتيين
خالد : عادل؟
عادل:هيه منو ؟
خالد :انا خاالد
عادل : هييه خالد شحالك
خالد : تمام ,, اقولك تروم اتي صوب *** [ قاله المكان ]
عادل : هيه ,, بس في شي؟ !
خالد :هيه ابا ارمسك شوي
عادل:اوكي نص ساعه وبكون هناك
خالد :اوكي اترياك
سكرو
وخالد راح وشل مفتااح ابوة بدون مايعرف ابوة وبطل السيارة ودخل فارس وطارش معاه وحرك وراح المكاان الي قال لعادل وقفو يتريون
طارش: افف شو السالفه ؟!
خالد : احين يوم بي الريال قول هو ولا؟
طارش:اوكي
فارس:اي ريال؟
خالد : ممكن تسكتون شوي ؟!
وصل عادل ونزل وركب سيارة الي خالد فيها
عادل : مرحبا
كلهم :مرحبتين
عادل : خير خالد شوفي ؟
خالد شاف طارش وطارش غمز لخالد
خالد : همم عادل قلنا حق ابوي انه كم يمعنا وجي فقال ايبو الفلوس عشان قال انه بيزيد عليهم وبيخلهم عنده وهو بيمع انى يوم بنروح
عادل : عادي خلوهم عندي
خالد : قلت له عند ربيعي قال لا خلوهم عندي
عادل : ايواا عيل جي السالفه
خالد :هيه
عادل:اوكي دقيقة بيب الفلوس
خالد:اوكي
نزل عادي وركب سيارة وبطل السيارة وحرك وشرد
خالد : حقيييييييييييير !
طارش: الحقة
خالد قام ولحقة بس عادل ظيعهم !
خالد : اففف وين ذلف ؟!
فارس:شسالفه ؟!
طارش:خالد احين فهمنا كل شي !
خالد : آآخ ! اوكي بس اول شي بدق لنورة
فارس:نورة ربيعتي ؟!
خالد : هيه
ودق خالد لها
خالد : نورة !
نورة : شو صار؟ !!
خالد : شرد !! وشل الفلوس !
نورة :شووووو !
خالد : نورة شوفي انا برد الفلووس ! اكييد بردهم
نورة : كيف بتردهم !! خاالد اخااف
خالد : من شو!
نورة :يظربني !!
خالد :يخسي ! اقولج بمر عليج وبيبج عندنا
نورة : وخواتي
خالد :مابيصير فيهم شي
نورة :لا مااروم !
خالد: يمكن اي بيتكم
نورة : هييييييه ! لقيتها
خالد : شو ؟!
نورة :بخلي سهيل يطلعنا
خالد : هيه اوكي !
نورة :يلا بروح ادق له
خالد :اوكي
وسكرو
فارس: شسالفه !!!
خالد : عقب بتعرفون
طارش:لابتقول لنا كل شي !
خالد : السالفه تعقدت !!
طارش:قول يمكن نساعدك
خالد : انزين ! ......[ وقالهم كل الساالفه !]
فارس:ول ! ها كله !
خالد :هيه
طارش: السالفه معقدة ! شو بتسون ؟!!
خالد :بدق لأمل
فارس: منو هاي؟ !
خالد : مرت ابوهم !
ودق لها
خالد :الو
امل: توني كنت يايه ادق لك
خالد : خير شو في ؟!
امل : نقلو امي المستشفى واحين بدو يسون لها الفحوصات
خالد : زين ^^ انا ابا اقوللج شي بس بيعكر مزاجج !
امل : شو ؟
خالد : عادل طلع واحد جذاب وشل الفلوس !
امل : شوووووووووو؟!
خالد : شل الفلووس طلع كان يجذب علينا وتعالي بسألج شهد تتعاطى مخدرات
امل : مادري مادري
خالد :امل لاتخشين عنا قولي كل شي !
امل صاحت : هييه ! ومرة كانت تبا تعطيني وانا كنت باخذ بس دقت لها مها وقالت ان فطوم تعبانه فقالت مرة ثانية !!
خالد : وليش ماقلتي لنا !
امل : مااعرف خفت اطيح من عينكم !
خالد : انتي ماسويتي شي ماخذتي ولا شي ! يالله شو بنسوي احين !
امل: ماعرف ,, اقولك الدكتور يه عقب بكلمك اوكي
خالد :اوكي
وسكرو
خالد : اويييييييه !
طارش:شو ؟
خالد :ااكييد شهد عرفت كل شي !
فارس: اويه هي صح !!
خالد دق لنورة بس نورة طلع فونها مغلق !
ودق عفون مها
مها : الو
خالد :عطيني رقم بيتكم !
مها : ليش.؟
خالد :ابا العوز رواظ
مها :اوكي ********
خالد :اوكي ثانكيو
مها :ولكم
وسكرو
ودق ع فون البيت ورد فطامي
خالد :الو
فطامي: الو
خالد : وين روظة
فطامي: منو انته ؟
خالد : انا خالي خالد
فطامي : خاالي =) !
خالد : فطامي حبيبي عطيني روظة
فطامي :انزين ,, روودة روودة
روضة : ها
فطامي:تلفون خالي خالد
روظة ركظت ع تلفون
روظة : خاللي
خالد : عيون خالي
روظة : ماما فوق تظرب نورة !
خالد : شتت !
روظة : انا أخااف
خالد : حبيبتي قولي حق خالج سهيل طلعنا ودنا العاب انا وفطامي ونورة
روظة : اخاف يظربني
خالد : لا خالي سهيل يحبكم
روظة :انزين باي
خالد :باي
وسكرو
خالد : امهم عرفت !
عند شهد :
شهد : يالحيواانه !! قلتي كل شي حق مها عيل هاا :@!
نورة : هديني اقولج !
شهد : مابهدج لين ماتقوليلي كل شي
نورة : مافي شي اكيد عادل خبرج !! وتعااالي طلعتي مدمنه مخدراات !!
شهد : هيييه عندج ماانع !
نورة : اشك انج ام !! يمكن انتي مب امي ,, ذبحتي امنا ورحتي عند الساحر وحولاج ع شكل امنا !
شهد تمت تظرب نورة
نورة : خلى اتي مها والله بترااويج !
شهد : شوفي لو قلتي لها شي يااويلج !
نورة : تعرف خبرتها كل شي وخبرتها انج تعرفين !
شهد قامت وظربت نوورة
نورة خلاص بدت ادوخ
نورة : ارحم م ميني
شهد : انا بذبحج اليووم !!
نورة : انا اباا امووت ! ظربيني اكثر !!
شهد : مووتي وفكيني ! [ وتمت تظرب نورة ]
نورة شافت مقص حذالها راحت ومسكته
نورة : لو اتجدمتي !! بالمقص فبطنج !
شهد : نورة نزلي المقص
نورة وكل الشر فعيونها : والله العظييم لو ماطلعتي برع بحطه فبطنج وانا حلفت !
شهد : ماعليه احين بخلييج بس بعديين بأدبج انتي واختج
نورة : اذا يت مها مابترومين تقولين أ
شهد :بنشوف
وطلعت شهد
نورة تمت تزاعج : فطاامي روووظة
فطامي وروظة يو فوق
نورة :بسرعه دخلو
ودخلو وقفلت الباب
روظة تمت اتصيح : نورة شو صار فيج !
نورة اتحس بصداااع وبدووخه فظييعه: ماشي ماشي تعالو
حطتهم فحظنها وطاحت غشيانه
روظة وهيت صيح : نورة لاتناامين قوومي نخن نخااف من ماما
ونورة كان مغمي عليها
فطامي: رودة خلي نورة تنام هي تعبانه
روظة وهي تصيح : خلى تنام فوق مب تحت
فطامي وهي خاايفة : رودة تعالي ننام فوق
روظة : انزين
روظة يابت لحااف ولحفت نورة وراحت وهي وفاطمه وناامو
...
عند خالد
خالد رد العزبة وتمت يصرخ
خالد : مهاااا مهوووي مهاااااا
مها طلعت : شفييك .!
خالد : مابتردين بيتكم !
مها : شو !
خالد : مابروم اخليج تروحين هناك !
مها :شو السالفه !
خالد نزل راسة
مها :قولي شوفي !
خالد : امج عرفت كل شي
مها :شوووووووو!! خوااتي شوصار فيهم
خالد : امج قاعده تظرب نورة ورواظ وفطامي يصيحون !
مها :لاا خالد ابي اروح البيت ردنيي البييت !!
خالد : مااروم !
مها وهي تصيح : اقولك ردني !! لو مارديتني برد بروحي
خالد : مابتردين
مها وهيت صيح وتصاارخ : مب عكيييفك برررد هاذييل خواتي لو صار فيهم شي !!
راحت مها ودخلت ع ريايل وراحت عند محمد
محمد :شفيج !! في شي يعورج
مها : ردني بيتنا الله يخليج !
محمد :ليش شو صار؟ فارس سوالج شي ؟!
بو فارس: ولدي شو سوى ؟!
مها : ماسوى شي بس ابا ارد
خالد دخل : ابوية امها عرفت كل شي
محمد :كيف ؟
خالد :والفلوس راحت
مها :اي فلوس !
خالد : كنا بنروح باجر عند هال ساحر الي امج تروح عنده وبنعطيه 200 اللف جمعناه كلنا يدتج عمج انا اسوم امي ابوية وعادل كان ويانه بس النذل طلع كان يقص علينا !
مها : شوووووووووو!
مها حست ان راسها يدور مارامت تستحمل واغمى عليها
خالد : مهووي ردي !! مها رديي !!
محمد :اييب دواها والأكسجيين بسرعه
راح خالد ودش ع البنات وماكانو لابسين شيل !
سمر : خلود شوها !
خالد : اسوم وين اكسجين مها ؟!
اسوم :شو استوى فيها !
خالد :اغمى عليها
مريوم : شوو ؟!
اسوم :يود
وراحت اسوم وياه وكل البنات لحقوهم
دخلو عند الريايل وظبية كانت هناك
ظبية : مها حبيبتي ردي
ركبو الأكسجين وحطولها
ظبية :شو صار فيها !!
مها : نو ورة ن وو رة
خالد : اوييه نورة شو صار فيها !!
دق خالد ع تلفون بيتهم محد رد !
مها قامت : ما ااي
محمد :ايبولها ماي
اسوم :انشالله
راحت اسوم يابت لها ماي وشربوها
مها : خالي ردني بيتنه الله يخليك
محمد : بس اسوم بتكون معاج
اسوم : ابوية خلني انام بيتهم وباجر مرو عليه
محمد :خلاص ماعليه
مها : شكراً
قامت مها وجهزت اغراظها وركبو ويا محمد
فالسيارة محمد كان يسوق وخالد يالس جدام ومها واسوم ورى
وصلو بيت مها ..
مها : خالي تمو برع لاتتحركون لين مادق لخالد واقوله خلاص روحو
محمد :انشالله
مها : بسم الله
نزلت مها واسوم لحقتها
ودخلو البيت كانو فالحوي ماشوفو سيارة امهم كملو راحو الصاله كانت فاظية راحو غرفة فطامي وروظة محد هناك
مها :بسم الله وين اختفو ؟!
اسوم :يمكن فغرفتج !
مها :يلا نروح
مها راحت تبطل باب غرفتها بس مقفولة
مها : نووورة !! نوورة افتحي انا مهاا
روظة قامت
روظة فتحت الباب
ومها شاف نورة ع الأرظ ومتلحفه !
مها : ليش نورة نايمة ع الأرظ ؟
روظة : كانت تحظنا واتصيح وعقب فجأهـ نامت
مها :شوو !!
قامت مها وراحت عند نورة
مها : نورة ردي !! نورة نورة !!
مها دقلت لخالد
مها :خالد الحق علينا !
خالد :شوفي !!
مها : نورة اغمى عليها !
خالد : احين انا وابوي بني فوق !
وسكرو
محمد :شسالفه ؟!
خالد : نورة مغمي عليها
محمد : قوم نروح عندهم
نزلو من السيارة وراحو فوق
محمد شل نورة وداها السيارة وراح المستشفى
وخالد ومها واسوم وفطامي وروااظ ركبو ويا انور ولحقو محمد
انور : مها منو ها ولد ؟!
مها :اخو ربيعتي
انور :ايوا
وصلو المستشفى
نزلو كلهم
الدكتورة كانت عند نورة
وربع ساعه وطلعت الدكتورة
مها : ها دكتورة شفيها اختي ؟!
الدكتورة : الحمدالله مافيها شي بس يبين عليها انها انظربت واايد
مها نزلت راسها
الدكتورة : يمكن ها من كثر الظرب والخوف
مها : يعني نروم نطلعها ؟
الدكتورة :هيه بس بكتب لها فيتمينات لأنه جسمها يحتااج لفتمينات
مها : اوكي
وكتبت لنورة ومها راحت الصيدلية الي فالمستشفى وخذت الادوية وطلعو نورة وردو بيتهم
فالسيارة
مها : خالي شكراً ع كل شي
محمد : لاتقولين جي انتي فحسبت بنتي وكل خواتج بناتي
مها ابتسمت له
ونزلت واسوم كانت وياهم
راحو فوق
نورة : مها مب اتودرينا
مها :اكيد مابودركم ! وانتي ماراح اتروحين عند عادل بعد
نورة : اوكي
كلهم تمو فالغرفة ! يفكرون شوي سون
عند امل
امل : خلووف نسيت ايب اغراظ امي !
خليفة : ماشالله.. عليج عقل !
امل :هههه ويا ويهك انزين تم عندي امي بروح وبي
خليفة :اوكي
راحت امل مستشفى الي امها كانت هناك ودخلت وراحت صوب غرفة امها يوم دشت شافت رياال شيبة وكان يبا ماي ومايروم يتحرك
امل : السلام عليكم
الشيبة : وعليكم السلام
امل : ابوية تباني اساعدك ؟!
الشيبة : هيه يابنتي ابي ماي
امل : من عيوني
راحت امل وجبت له ماي و عطته
شيبة : مشكورة
امل :العفو ,, ابوية عادي اشل اغراظ امي
شيبة : وين امج ؟
امل : لا ترا امي كانت فهال غرفة واليوم طلعتها ونسيت اشل اغراظها
شيبة : ماعليه شلي الي تبينه
امل : مشكور
راحت امل وشلت اغراظ امها
امل : ابوية قبل لاروح تبا شي ؟!
الشيبة : لا سلامتج يالغالية
امل : انزين اخلي السستر اتكون عندك لين مايوم عيالك ؟
الشيبة : ماعندي عيال !
امل : انزين اخوانك او اي حد من هلك
الشيبة : انا ماعندي حد
امل : معقولة حتى ربع !
الشيبة : عايش بروحي وماعندي حد فهال دنيا
امل راحت عنده : خلاص انا كل يوم يوم بمر ع أمي اول شي بمر عليك لأن طريجي يودي ع هال مستشفى بنزل بسلم عليك وبعرفك ع اخوي وبتم معاك شوي وبخلي اخوي عندك وانا بروح عند امي
الشيبة : ماله داعلي
امل : لا لازم انته ماعندك حد
الشيبة : مشكورة
امل :مب لازم تشكرني =)
تمت امل شوي معاه وعقب طلعت ردت المستشفى عند امها
خليفة : جان مايتي !
امل : شفت واحد غمظني !
خليفة : منو ؟
امل قالت له عن الشيبة
خليفة :حليلة !
امل : شوف باجر بنروح عنده تم معاه شوي انا بروح عند امي بشوف شوفي وعقب برد عندكم !
خليفة :بتوردين امج وبتيلسين عند واحد ماتعرفينه !
امل : خليفة امي فغيبوبة يعني اذا يلست شو بستفيد هناك هاذاك الريال بروحه بنروح عنده شوي وبنونسة وبنحصل اجر !
خليفة : والله انج طيبة
امل : وانته بعد
خليفة : يوم بتزوج انتي اختاري لي العروس اباها تكوون مثلج طيبة وحبوبة ^^ وحلوة ^^
امل :انا مب حلوة
خليفة : لا حلوة !
[ بقول لكم مواصفات امل : مب طويلة طولها عاادي هي طول مها جسمها زين لاظعيفة ولا متينة وعندها صوب شفايفها من فوق حبة خال وهي سمرة لونها شرات سمارة البدو ]
....
عند مها .~!
كانو قاعدين فالغرفة ..~!
اسوم : مها انا بروح اسبح
مها :اوكي
دخلت اسما تسبح
ومها وخواتها تمو فالغرفة
وشوي والا تدخل شهد عليهم كلهم راحو ورا مها !
مها : شفيكم خايفين ؟!
رواظ : بتظربنا
مها شافت امها وقالت : بكسر ايدها لو دقتكم !
شهد : لا والله !
مها : شوتبين ليش ياية هني ؟!
شهد : بيتي وانا كيفي
مها : ايوا عيل بيتج اوكي نحن بنروح بيت يدو واذا قالو لنا ليش ياية بقول بنتكم طردتنا !
شهد : جب سكتي
مها : مابسكت !
شهد : اشوف لساانج صاير طويل
مها : اقصة !؟
شهد اتجدمت
مها : ههههه تبين تظربيني ؟! لاتخافين مابترومين !! انا الي بظربج !
شهد :تظربين امج ؟!
مها : انتي مب امي !! انا ماعندي ام !
اسما كانت فالحمام وسمعت صريخ وراحت صوب الباب وتمت تسمع
شهد : فطامي روظة تعالو هني
روظة : نحن مانحبج
فطامي : نحب مها
مها : بنااتج مايبونج !! محد يباج ! طلعي من حياتنا !
شهد : يعني اطلع من بيت !
مها :لاتمي فالبيت نحن الي بنودر البيت
شهد :وين بتروحون ؟
مها : الله يخلي بيت ابوي وبيت يدوتي وعمي !
شهد : محد يباكم !
مها : يبونا !
نورة :انا قبل كم يوم كنت عند يدو !
شهد :اعرف !
نورة : وكانت اتقول تعالو عندي
شهد : اروم اخليها تكرهكم !
مها : ههه لا فدييتج الساحر اليوم او باجر بينزخ !
شهد : كيف
مها : والله اسما نسيبها يشتغل فالشرطة وهو يعرف وكانو يلحقونج وانتي ماتعرفين واندلو المكاان عادي احين يكونون زاخينه
شهد : وابوكم مابتحصلونه !
مها هني ارتكبت شو ترد عليها !
نورة : لا بنحصلة ! اعرف انه مب فالشقه !
شهد : وين ؟!
مها : اعرف وين !
شهد :وين ؟!
مها : مابقولج واحين ممكن تظهرين برع !
شهد : تطرديني من بيتي !!
مها دزت امها : يلا يلا فكينا طلعي !
وقفلت الباب
هني اسما ظهرت
مها : نعيماً
اسما : سمعت كل شي
مها : اها ! خايفة ؟!
اسما :لا بس صج عبيد بيزخه ؟!
مها : بدق لخالد وبخليه يروح
اسما : اها اوكي
مها دقلت لخالد
مها :الو
خالد :هلا !
مها : قول لنسيبك يروح ويزخ هال ساحر
خالد : كيف كيف ؟!
مها : شوف ماعندي وقلت اشرح لك السالفه بس روح عنده وقول له ترومون احين تزخون هال ساحر
خالد :ليش ؟!
مها :انته روح بسرعه !
خالد :انزين !
...
[ التوقعآت ..~
عبيد راح يزخ الساحر ولا الساحر بيشرد ؟!
همم امل صج مب مستعمله مخدرات ولا تقص على خالد !
نورة شو بيصير فيها !! عادل بيسوي فيها شي ولا ؟!
نوف وفارس شو راح يكون دوورهم فالقصة ! راح يدمرون حب مها وخالد ولا !؟
الشيبة شو راح يسوي لأمل !
خلييفة ! شو راح يصيير فيه !!
و جابر وين راح يكون ؟!!
وبس ^^
[ بقلم بييينك ..