بارت 12
[ 2 ]
خالد تم يفكر شو السالفه ! منو هاي وليش مها صاحت ؟!
دخلت البنت !
محمد : وين راحت مها ؟!
البنت : ماعرف لحقتها بس تمت تركظ ومادري وين اختفت !
خالد : كيف يعني ماتدرين وين راحت ؟!
البنت : مااعرف شو السالفه
فارس: يمكن عشاني ؟!
خالد : انته شو يخصك !!
خالد شل تلفونه وتم يدق لها بس ماترد !
خالد :انا بروح ادورها !
خالد قام وهو قايم سمع سمر اتقول
سمر : تعالي مريوم يلسي !
خالد : لحظة ! انتي مريوم ؟!
مريوم : هيه انته كيف تعرفني
خالد : احين عرفت كل شي !!
مريوم : انته هاذاك الولد !
خالد : هيه انا
محمد :شو السالفه !
خالد : لو صار شي لمها والله مب احسلج فاهمه !
مريوم صاحت
وخالد طلع وتم يدور مها تم يركظ وعقب لقاها قاعده تحت الشير !
خالد : مهوي شفيج ؟!
مها : مابي اشوفها !
خالد :ليش؟
مها : مابغيها ترمسني عن هال سالفه !! خلوود يوم اتذكر اني قبل بوية واحب
عذرا تم تعطيل الرابط لحمايتك
ويوم يت صوب مريوم سوت طاف
مها : أي صورة احلى ؟
مريوم قالت الي خالد مصورنها !
وخلصت !
خالد : ها منو قالو ؟!
مها : احمم ولا احد اختاار صورتك كلهم اختارو صورتي
خالد :جذب !
ظبية : والله صورتها حلوة
خالد : كييف جي صورتي انا احلى !
خالد بطل صورته وراواهم !
ظبية : هاي هي مصورتنها
ومها هني ظحكت !
خالد : يالوتية !
مها : هاهاهاها !
خالد : انا براويج !
ظبية : عمو اليوم خالد كان بيطيحني ع الأرض !
خالد : امييه شحالج ,, او يدوو هلا والله خشمج يدو !
ام محمد : ها يالهرم تبا تعق امك ؟!
خالد : يدو محلوة !
ظبية : ومها معاه !
ام محمد : شبيهت خلود تعالي
خالد :هه تعالي عيل قبل تردين كل شي علي !
مها : انا مالي خص ! خالو انا دافعت عنج !
ظبية : عمو يلا ظربيهم
مها : خاليي شوفهم !
محمد : هي امييه كانو بيعقون مرتي !
مها : خلود دافع عني !
خالد : انا مالي خص
مها : ماعليه براويك !
ام محمد : عيل تبون تعقون مرت ولدي !!
خالد : بس ماطاحت والله !
مها : هي خلود مسكها !
ام محمد طلعت عصاية جي مب خيزرانة بس عصاية مادري مال شو المهم بغت تظربهم والا فجئأهـ خالد ومها طاارو وين راحو محد يعرف !
ظبية :ههههههه شردو !
ام محمد : وين ذلفو ؟!
محمد : طلعو برع
صوب مها وخالد
مها : ماعليه خلود انا برااويك !
خالد : ههههههه
وفجأهـ مها اتشوف جلب
الجلب :هااو هااو هاو
مها : ماماماماا !!
وتركظ والجلب يلحقها
خالد :يالخبلة لاتركظين
مها دشت عندهم دااخل
مها : خالي الحقني !!! ماماماما آآآآآآآآآآآ !
كلهم مستغربين شوفيها !
عقب خالد دش وشال الجلب وهو ناااقع ومايروم يرمس ! ومها تخشت ورا محمد
خالد : ههههههههههههه خواافة !
مها: طلعه !
خالد : هههه مايخوف والله !
مها : خالي قوله خله يطلعه
محمد : خلود ايب الجلب !
مها :لأا لا حرااام !! اسوم سوي شي ! خالو بلييز !
وخالد ياب الجلب !
مها : آآآآآآآآآآ
ام محمد : وصمخ ! صخي !
مها : يدوو يايبين جلب !
ام محمد : ادري
مها : بياكلني !
ام محمد : مايسوي شي !
مها : انا اخااف
مها شلت عصاية الي كانت حذا لام محمد وترمس الجلب
مها: لو فكرت او حاولت انك اتي صوبي اتشوف هال عصا ع راسك ! فاهم !
خالد : ههههه ابوية البنت تخبلت !
محمد :هههههههه
الجلب :هااو هااو
مها : جب !! صخ !
الجلب :هااو هااو
مها : مابتسكت يعني !
خالد : ياغبية مايفهم عليج !
مها : مرتك الغبية !
والجلب ظهر وعقب مها شافت خلود !
مها : عيل انا الي ساعدتك ها !!
خالد : مهوي عقلي
مها يت اونها بتظرب خالد
خالد : يالبطة !
مها هني ظحكت !فرت العصاية ويلست مكانها وتمت تظحك
سمر : خلود شي اغنية يديدة ناازلة ع اسمك !
خالد : اي اغنية !؟
مها :همم لبيك يا خالد ؟!
سمر :صح !
مها : هي سامعتنها !
سمر : انا سمعتنها من عند ربيعتي وعيبتني وابي انزلها
مها : عندي ياها نغمة تبيني اطرشها لج ؟!
سمر سكتت لأنه فونها عند فارس !
سمر : اويييه نسيت فوني فالبيت ! طرشي الأغنية ع فون بنت خالتي وعقب بطرشة ع فوني
مها : اوكي !
وطرشت الأغنية ع فون مريوم !
[ ياحبي الخالد اموت بغرامك من قلب يحيابك وهو ميت فيك من كثر ماحبك وذوب بكلامك لو ترمش بعيينك انا اقول لبيه ]
خالد : احممم فديت اسمي !
طارش: نحن بنروح برع بتي خلود ؟
خالد شاف مها ومها تسوي بعيونها انه مايروح !
خالد ساسر مها : عييب ماروح بيقولون ها بلاه لاصق فيها !
مها : اففف مابي ايلس وياها
خالد : روحي قعدي عند امي
مها :اوكي
ومها قامت وراحت ويلست صوب ظبية
وخالد قام
طارش: شبيه خلود مابتين ويانه ؟! انتي لبسج مثل الأولاد فيلا تعالي ويانه
مها : صج اوكي !
ام محمد :يلا ماشي قري مكانج
مها :افاا ! [ يابتها بطريقة حلوة خلود تخبل ]
خالد : غيرت راي ابا اتم
طارش: يلا طووف !
خالد :ههه
وطلعو
يوم طلعو محمد قام !
مها : خالي ابا ارمسك شوي !
محمد : اوكي تعالي
اسوم شافت امها !
وطلعو
مها : خالي
محمد :آمري؟
مها : مايآمر عليك عدو ! ,, بس كنت ابا اقولك لاترمس فارس فشي خلاص سوله طااف بس قوله مايرمسني ولا اي صوبي وبس ولاتقوله شي ثاني !
محمد :بس انا برمس ابوة !
مها :لا مايحتااي ! خلاص انا بخير مافيني شي !
محمد : فديتج والله انهـ قلبج ابيض
مها: =)
ودخلت مها داخل وراحت ويلست صوب ام خالد
ميثة : اقول قومو بنروح نتمشى
سمر :يلا
كلهم قامو
اسوم :يلا مها قومي
مها : مابي اي
اسوم ليش؟
مها : بتم ويا امج
اسوم :يالله عاد
مها : مابي !
ظبية :خلاص اسوم خليها
اسوم : اوكي
وطلعو البنات
ام محمد : مها ليش مارحتي وياهم ؟
مها : عايبتني قعدتكم وسوالفكم
ام محمد : بس هال كلام سوالف حريم كبار
مها : انزين انا كبيرة
ام محمد : سوالف حريم متزوجات
مها قفطت قامت ! وشلت الكيمرة وطلعت ولبست الجوتي وتمت تمشي بروحها وتصور !
وهي تمشي كانت تغني
[ وش جآه خلودي مشى وخلاني مابين نيراني وبين احزاني والي يسوي اسواته ماهو عاقل يحب موت ويصاحب ثاني خلوودي مشى وخلاني !!– اغنية راشد الماجد هو يقول محبوبي بس انا كتبت خلودي ^^ ]
طارش: عاشت العاشقة !
مها :بسم الله ! انته من وين ظهرت لي !
طارش: من السما !!
مها : هههه
طارش:وين اختج ؟!
مها :فالبيت ليش؟
طارش: كنت ابا ارمسها
مها : ترمسها !! ليش ؟!
طارش:ابا اقولها شي!
مها :شوهال شي !
طارش: همم يمكن هي ماترظى اني اقوللج ياه !
مها :اختي ماتخش عني شي
طارش:انا يوم بشوفها بقولها واذا هي تبا تقولج خلها تقول !
مها :شي مهم !
طارش:وايد
مها :اوكي بدق لها وقولها
طارش:اوكي
مها دقتل لنورة
مها :نورة
نورة :هلا
مها :همم طارش ولد عم خالد يبي يقولج شي
نورة :شو ؟
مها :مادري
نورة :اوكي
مها : يود
طارش شل الفون وراح بعيد
طارش: الو
نورة :الو
طارش: شحالج ؟
نورة :تمام ,, شو كنت تبا تقول ؟
طارش : همم انا شايفنج مرة ! ويوم شفتج شفت شي يمكن انتي ماتعرفين ويمكن تعرفينه بقوللج يا لو تعرفينه قوليلي
نورة :اوكي
طارش: في مرة انتي كنتي نازله بيت حد وكنت نازله من سيارة همر
نورة : هييه اذكرت
طارش: وكان في معاج فالسيارة ريال وحرمة
نورة :هيه امي وخالي ليش؟[ هذا عادل مب خالها ]
طارش: همم ماعرف كيف اقوللج !
نورة :قول !
...
يتبع