مها : خالد !!
خالد :ههه امزح وياج .. شوفي الي تصوييرة بيطلع مب حلو بيركظ فالمطر لين المطر يوقف
مها :اوكي
خالد :يلا انتي صوري اول .. لحظة
مها :شو ؟
خالد قام وياب العدسات !
خالد :اي عدسة تبين ؟
مها : ههه انا فهال سواالف ماعرف
خالد : يلا اختااري اي واحد
مها :انزين ,, همم بختاار هذا
خالد :ههه ويا ويهج اخترتي الي كنت بختارة !
مها :ههههه
خالد ركب العدسة وعطى الكيمرة مها وخلاها تصور
ومها فتحت الجاامه وصورت المنظر الشير والمطر والحوش ! وكانت الصور طرر !
خالد :دوري
مها :يلا بنشوف !
خالد ياب كرسي ووقف ع الكرسي وماسوى زوم وصور السما معا الاشير والمطر بس ماصور الحوش بس الصورة كاااااانت طر !
مها : اشوف
خالد :شوفي
مها : مااااااااابي انته احلى مابي مابي
خالد :ههههههههه قلت لج انا احلى
مها : يعني انا امس طالعه من مستشفى كيف اتخليني اركظ فالحوش
خالد :يلا بسرعه جداامي
مها : انا براويك بس تعال معاي تحت
خالد :انزين
راح خالد وياها تحت وصلو الحوش
وكان المطر ينزل بالقوو !! ووواايد يعني صبيب
مها : لاا ! خلوود
خالد : بوسه وبرظى
مها : من عيووني بعطيك احلى بوسه !
تجربت صوبه ويوم وصلت دزته وخلته يروح فالمطر
خالد : يالدببببة !!
مها :ههههااي شرايك فالبوسة !؟!^.~
خالد :انا زعلت =(
مها :خلااص بنزل فالمطر
خالد :لا لا بتمرظيين
مها :مالي خص
ونزلت فالمطر
خالد : مهوي ردي
مها :انته اول
خالد :لا انتي ترا بشلج
مها ركظت وخالد كان يلحقها شيلت مها طااحت ف هي كانت لابسة جاكيت من ورا فيه شرات الشي الي يحطونه ع راس فحطته ع راسها وتمت تركظ
خالد : مهووي لاتركظين وايد مب زين لج
مها : اويييه نسيت آخذ الدواا ابوك بيذبحني !
خالد عطس
مها :يرحمك الله
خالد : هدانا وهداج الله !
مها :خخخخخ !
سمعو صوت ظبية : يعيااال دشو بتمرظوون
خالد : ركظي ركظي بننخش عنها !
مها :ههه اوكي !
ركظو وانخشو ورا البيت !
وظبية شلت المظله وطلعت ادورهم !
وكانت تتحرطم
خالد :ههههه حليلها امي !
مها :حراام
خالد :اشش
ظبية :خلود ترا انا حامل لو اتزحلقت وطحت بعدين مافي بيبي !
خالد :اوييه نسيت انها حاامل !
مها :روح لها
خالد :بتتزحلق حرام !
مها :رووح
خالد :هههه ويت بخوفها
مها :بتطييح
خالد :لا بيودها
مها : حماار !
خالد :ريلج !
مها : سخيف
خالد :ريلج !
مها :افف
خالد :بعد ريلج !
مها :خخخخ خبلة !
جربت ظبية
خالد :بوووووووو
ويودها من ظهرها عشان ماتطيح !
ظبية :حسبي الله عليك ! عند ابووك
خالد :احبج !
ظبية :قوم عني !
محمد كان ياي صوبههم
محمد : شو تسون برع ؟!
ظبية :محمد تعال شلني عن ولدك بغى يطيحني !
محمد : خالد !! ماتعرف ان امك حاامل
خالد :اعرف عشان جي خوفتها ومسكتها !
محمد :لو صار فيها شي
خالد : انا قبل لاسوي شي افكر ! ف فكرت وعرفت انه مابيصير شي
محمد : شوفي لساان ولدج شطوله شوتبيني اقول
خالد :ابويه ماقلت شي انا !
محمد : وانتي بعد طالعه
مها : انا مالي خص ! [ واتشوف خالد ]
خالد : ايي لاتردين عليه
مها : شوف خالي ها كله من خالد هو قال لي انا وخالو ظبية نطلع !
خالد : مهوي الله واكبر عليج !!
مها : انا ماخرط ! بس اطلع اعذار :p
محمد :ههههه يلا دخلوو دااخل
محمد مسك ظبية ودخلها
خالد : ماعليه انا زعلان
مها : وانا بعد زعلانه ! اختي الحمارة مايايبة لي غير بدلة وحدة واحين ماعندي لبس
خالد : تعالي بلبسج لبسي
مها : تنكت ؟!
خالد :والله صج ! يلا امشيي !
مها : انزين عقب برد بوية !
خالد : مهوي لاتقولين جي !
مها :انزين سوري
راحت مها فوق ويا خالد
خالد : همم شو اعطيج ! همم
مها : اي شي
خالد :ويت انا وانتي بنطقم !
مها:ههههه
خالد : شوفي عندي من هال قميص 2 واحد اسود والثاني ابيظ بنس نفس الشكل ! اي واحد تبين ؟!
مها :الأسود !
خالد :لا خذي الأبيظ !
مها :طااع !
خالد : بدور لج بنطلون اوكي !
مها : انزين
خالد : همم شوفي ها قدج !
مها : ماعرف بروح اجرب !
خالد :انزين انزين شلي ولبسي فانيلتي
مها :ايي قلت بلبس لبس اولاد بس مب البس فانيله وحاله ! بس ناقص البس وزاار !
خالد :ههههه شلي الفانيلة !
مها : مابي
خالد :اقولج شلي
مها :انزين
وقبل لاتطلع
مها :ماشي وزاار ؟!
خالد :ويا ويهج ! يلا روحي بدلي
طلعت مها وراحت وبدلت وكان البنطلون وسيع مسكته وراحت صوب خالد
خالد :ههههه وسيع ؟!
مها : هيه !
خالد : عندي بنطلون ظيج علي .. يمكن يصير قدج ! تعالي شوفي
مها :انزين
عطاها وراحت وجربت وصار قدها !
مها :هي قدي
خالد:خذيه حقج !
مها :هههه لا والله
خالد :هههه ,, انزين لبسي هال ساعه ! و بس يلا بننزل
مها :انزين ,, ابا اتعطر بعطر رجالي !
خالد :هههه اوكي يودي تعطري بهال عطر ريحته فنانه
مها :انزين [ وتعطرت ] هي والله حلوة رييحته ! تولهت ع عطوورات الرجاالية !
خالد :لاوالله
مها :لا لا امزح بلاك !
خالد :انزين يلا بنننزل
مها :انزين !
نزلو
ظبية : خلود شو مسوي فالبنت ؟!
خالد : شراايج ؟! انا وهي طقمنا !
ظبية : مها فدييتج روحي لبسي جلابية من عند اسما !
مها : خالو انا ماحب شي اسمه جلابيات !
خالد : هي ها احسن لها ! شوفي طالعه حلوة
مها :جب !
نزلت اسوم !
اسوم : مطقميين وماتقولولي ؟!
مها : فااتج لعبنا كلنا فالمطر !
اسوم : ماابي يلا بنرد نلعب
خالد :لا تعبنا !
اسوم :اففف شوها
دخل محمد
محمد : بنروح العزبة ! يلا تجهزو
خالد : يسسسسسس !
اسما : الله كشخه !
مها كانت ساكته وماتقول شي
محمد :وانتي مها مب مستانسة ؟!
مها :لا انا مابروح برجع بيتنه !
محمد :لا بتين ويانه ! مابترديين بيتكم !لين باجر !
مها :بناام بعد يوم ؟!
اسما : هييه ! كلمت نورة امس وقلت لهاقولي لأمج تنام بيتنه ويوم رحت بيتكم قلت لأمج تنامين عنا لين قبل الأمتحانات بيوم !
مها : بس عندي امتحان
اسما : انا بعلمج انجليزي واايد سهل ! انا هال ماده ماذاكرها اروح لها وانا مب فاتحه شي
مها :لأنه انتو امريكي انا يالله يالله اكتب اسمي بالانجليزي !
اسوم : شوفي تبين تنجحين ! خلي خلود يذاكر لج ! والله مرة اتذكر ذاكر لي يبت 100 !
مها : صج تعرف اتذاكر ؟!
خالد : احم احمم !! وايد ناس يبوني اذاكر لهم ..[ اسوم قاطعته ]
اسوم : اسكت اسكت احين بيتخقق
خالد :طاع ويهج
ظبية :خلاص ذاكر لمها
خالد : انتو عن شو تدرسون ؟!
مها :عن الـ ing و s وهال سواالف
اسوم :حلفي؟
مها :والله
خالد : اوييه اشك انج صف 9 ! ها مال صف 4 !
مها :هههه شسوي هالي يعطونه وصعب !!
خالد : سهل بخليج اتيبين 100
مها :انا اول شي خلى ايب 70 عقب بيب 100
اسوم :ليش كم اتيبين ؟
مها : 66 همم 65 جي !
خالد :لا خلاص بخليج اتييبين فالـ 90 !
مها : بنشوف !
محمد :انزين يلا روحو تجهزو !
مها : انزين عادي اروح بيتنه ايب لبسي !
محمد : انزين هال لبس الي لابستنه اوكي !,, لحظة انتي وخلود امطقمين ؟!
ظبية :لابسة لبس خلود !
محمد :هههه ! خلاص خلود بيعطيج لبسة مب لازم اتيبين لبس !
مها :لأا مايصير اروح جي !
خالد :لا يصير بجهز لج ولي لبس !
مها تمت ساكته ! راحو فوق
خالد : تعالي اختاري لج !
مها :أوكي
دخلت معاه تمو يختارون !
مها : انزين خلود
خالد : هلا ؟
مها : بشل كيمرتك عشان اصور
خالد :اوكي تعالي بعلمج ع العدسات
مها :اوكي
خالد :همم حق البر شلي هال عدسة وايد اوكي ! ووشوفي ها جي [ وتم يعلمها ]
مها :اوكي
خالد : مها يمكن فآ[ مها قاطعته ]
مها: اعرف اعرف ابوك قالي كل شي !
خالد : متى ؟
مها : الصبح تراني تريقت وياه وجي تمينا نسولف وقالي
خالد :ايوا ^^
مها توها لاحظت ع ايدها لزقة : لحظة ! انا تووني لاحظ ان ع أيدي لزقة !!
خالد : اشوف وين !
مها : هني
خالد شاف ايدها من فوق وكان يبين انه محترقة
خالد : ها من الحرق
مها غطت ايدها !: هيه انزين احين الكيمرة فيها جارج ؟!
خالد : ايدج جي بتم ؟!
مها نزلت راسها ودمعت : هيه
خالد رفع راسها : لاتصيحين ! حتى لو جي بيتم ! انا عادي عندي
مها : بس شكله يخوف !
خالد : مايخوف !! لاتقولين جي ! يلا مسحي دموعج
مها : انزين ! ليش حاطين لي لزقة ؟!
خالد : لأنه امس ابرة دشت فأيدج وزيين لحقو عليج !
مها : اها شو صار امس ماذكر شي مول كيف رحت المستشفى وانته كيف يت ؟!
خالد :ساالفه انا كنت وياج فالأسعاف
مها : اسعااف !!!
خالد :هيه
مها :قولي كل شي
خالد :اوكي [ وقالها]
مها :ها كله صار وانا كنت نايمه
خالد :او بالأصح مغمي عليج !
مها : انزين يلا بروح البس عبايتي !
خالد :أوكي
راحت مها غرفة اسوم
اسوم : مابغيتي ؟!
مها :هههه تمينا نسولف
اسوم : منو قدج طول الوقت يالسة ويا الحب !
مها : جب انزين !
دق دق دق
اسوم :ادخل
خالد : خلصتو ؟!
مها : هي انا خلصت !
اسوم : مهوي كم مقاس ريولج ؟!
مها :يآ 37 او 38 بس اكثر شي 38
اسوم : ايوا انزين ويت بدور لج جوتي ع قدج
مها :عندي نعال عادي
اسوم: هنااك كله رمل لازم جوتي
مها :أوكي
خالد : انا البس 39 !! يعني ماينفع لج !
مها : هههه مب كل شي بآخذه منك !
خالد :ههه عادي !
اسوم :يودي لقيت لج !
ها من زماان مب لابستنه شارتنه من لندن
مها : اها اوكي
مها لبست الجوتي
مها: تعرفون احس اني رديت بوية ><!
اسوم :هههههه
مها : والله قبل جي كنت ><!
خالد : احمم
مها : يلا بنروح ! لاا لحظة !
اسوم :شو ؟
مها : حطي هال لبس عندج !
اسوم : اها ! ههه لبس خلود ؟
مها :هي
اسوم حطت لبس مها الي خلود عطاها عشان تلبسهم فالشنطه
ونزلو
خالد :يلا بنروح شو تتريون ؟!
محمد : لحظة جاسم احين بي
خالد : ايوا !
وشوي ويشوفون سعييد دش
مهوي : سعدون تعال
مها شلت سعيد وتمت تبووس سعيد
خالد يشوف مها شوي وبيظربها !
مها : تعرفين اسوم تذكرين قبل يوم روااظ عطتج بوسه !
اسوم :متى ؟!
مها غمزت لها اسوم : هيييييييييه اتذكرت انزين
خالد تم يفكر شو تقول هاي وعقب اتذكر يوم روظة تعطييه بوسة ومها قالت انها بتراويه
خالد :ماشالله مب ذاكرة عليج !
مها تمت تبوس سعييد
خالد :بس عاد ! مصختييها!
مها :انزين اسوم ! قومي نروح المطبخ
اسوم وسعيد ومها راحو المطبخ !
وخالد لحقهم !
خالد : ليش تبوسينه ؟!
مها : همم ماتعرف؟
خالد :اعرف
مها : عيل خلاص [ وقامت وباست سعيد ]
خالد طلع وياب هند وتم يبوسها
ومها تبوس سعيد
اسوم :بسسس خيستووهم !
هند صاحت
مها :هههه ماتبااك ! ! تعال سعود بعطيك بوسه
سعيد :مابا !
مها : ايي
خالد :ههه مايباج !
اسوم :خلاص ! مايبونكم انتو الأثنين
مها و خالد :هههههههههه
رن فون مها !وكان مسج !
خالد تحسب مريوم !
مها شافت و خافت !
خالد :شوفيج ؟!
مها : اقرى !
خالد قرى !!!
خالد : وانا بعد نسيييت !!! همم هييه ! عرفت شو اسوي
مها :شو
خالد دق لخلوف
خالد :خليفة
خليفة : هلا؟
خالد : ام امل شو فيها ؟
خليفة : شي فالشراين والقلب
خالد :ايوا اوكي اجلب ويهك ! [ وسكر فويها
خليفة : مالت عليك ! انا براويك
راح خالد عند ابوه
خالد : ابويه !
محمد : هلا ؟
خالد : اي مستشفى اوكي حق امراظ القلب والشراين !
محمد :ولكير !
خالد :اوكي ؟!
محمد :هي هال مستشفى واايد زين
خالد :خلاص اوكي
راح خالد ودق لأمل
خالد :امل
امل :هلا خالد ؟
خالد : همم في مستشفى واايد زينه فدبي
امل :اي مستشفى ؟
خالد :ولكير !
امل : عرفتها !! بس غالية !
خالد : اوكي انا بدفع !
امل :لا شو تدفع !!
خالد : همم انزين شوفي انا بدفع النص وانتي النص !
امل : همم اوكي خلاص
خالد : يلا احيين وديها ! واي شي يصير قوليلي !
امل :خلاص اوكي
خالد : خليفة عندج ؟!
امل :هييه هاذو عندي ويتحرطم عليك !
خالد:ههه قوليه سوري
امل :اوكي
وسكر فويها
امل : ايي خلوف ربيعك شوفيه يسكر فويهنا !!
خليفة :صااير قليل ادب !
امل :هههه
عند خالد
خالد راح عند مها
خالد : خلاص بتودي امها احسن مستشفى فـ دبي
مها : بس خلود انا خايفة شوف شو كاتبه ! عدل
خالد :ادري قريت !
اسوم :شو كاتبه !.
مها : كاتبة مها امي وايد تعباانه وماعندي حل يا انها تروح عني او يسون لها عملية ونجاحها 2%
خالد : انزين هي احين بتنقل امها فأحسن مستشفى
مها : تتوقع بتصير اوكي ؟
خالد :انشالله !
اسوم :يلا قومو نروح الصاله
مها :يالله
راحو الصاله
محمد : يالله بنروح
جاسم : خلى اسما ومها ايون معانه نحن عندنا مكان
محمد : ونحن بعد
جاسم :خلاص خلى خلود اي ويانه واسما ومها معاكم
خالد :لا مابي اكون بروحي بمل !
جاسم : همم خلاص ابوية شل عيالي وانا بشل عيالك !
مها حست عمرها منهم وفيهم حست انها اختهم يعااملونها كأنها بنتهم ! ومايقصرون معاها فشي ويخافون عليها وايد !
اسوم :انزين عليوه مابتي ؟!
محمد : هي فطريج
اسوم :ايواا
ظبية : محمد عطني التلفون ابا اقولها تلبس شوااخ شي ثجييل
محمد : اكيد لبستها شي ثجييل
ظبية :لأا اخااف ! عطني
محمد :انزين يودي
ظبية دقت لعليا
ظبية :ألو
عليا: هلا ماما
ظبية : اقولج لبستي بنتج شي ثجيل ؟
عليا: هي لبستها هالي يبتيلي ياه الأزرق
ظبية : هيي زين
عليا: وينكم .؟
ظبية : فالبيت
عليأ: يلا طلعو نحن فالطريج
ظبية : احين بنطلع
عليأ:اوكي مع سلامه
ظبية : مع سلامه
وسكرو
ظبية : عنود يبتي لهم جاكيتات ؟!
عنود : هي عمتي
ظبية : انزين خلود ماما يبت لك جاكيت !
خالد : امييه ! لاترمسيني جي احس عمري ياهل
جاسم : اونك احين جدام مها مستحي !,, مهوي ماعليج منه لوتي !
مها :هههههه
خالد : هي يبت
ظبية : وانتي اسوم ؟
اسوم : هي فالشنطه !
ظبية : وانتي مهوي ؟!
مها : انا لا بس لابسة شي طويل يعني اوكي !
محمد :كلنا لابسين شي طويل ! روحي خذي لج جاكيت من غرفة اسوم
خالد :لأا لا ويت نحن الاثنين متفقين انطقم بيب لها جاكيتي !
راح خالد فوق وياب لمها جااكيت ونزل
خالد :يودي
مها : اوكي ثانكيو
خالد : نو نيد !
ظبية : وانته جاسم يبت ؟!
جاسم :عنود يبتيلي ؟!
عنود : هيه
ظبية : وانتي عنود ؟
عنود : هيه عمتي
ظبية : مافي شي ناقص لكم !
خالد :اميييه خبلتيني ! يللا نروح
محمد : وانا كأني ولد بطه السودة ماتسأليني لو يايب ولا؟ !
ظبية : انا حطيت لك فالشنطه
محمد :اها ! اوكي !
خالد : عااش الواالد يغاار!
جاسم : خلود كفك !
خالد سوالهـ بس يوم بغى يظربة ع ايدة خلود خوز ايدة
خالد : حق باجر !
جاسم : سخييف
خالد : طالع عليك !
اسوم :افففففف يلا نروح !
محمد :عصبت اسوم
اسوم :ههه
ركبو السيارة واتوجهو صوب العزبة !
فالسيارة دقت نورة لمها
مها :الو
نورة : مهووي
مها :هلا ؟
نورة :الأمتحااان سهلل !
مها : الحمدالله يعني اوكي !؟
نورة : هي واايد سهل يعني قولي بيب 95 او 90 شي جي
مها : اوكي شو عندج باجر .!؟
نورة : اجازة !
مها :ايوا ! ورا باجر ؟!
نورة : ماث !
مها : الله يعيينج
نورة : عدوول بيعلمني لانه هو شاطر فهال سوالف
مها :هههه بكتب لج مسج ! عن شي
نورة :ليش انتي وين ؟!
مها : رايح عزبة قوم اسوم
نورة :اونه يالخااينه ! مري عليه
مها :ههه يلا منااك !
نورة : ماعليه بخلي عدول يمر علي وبروح معاي البر
مها :يااويلج ! لاتفكرين فهال شي
نورة : ليش ؟
مها : بكتب لج مسج !
نورة : اوكي باي
مها :باي
سكرت وكتبت لها
[ نورة صح يعتبر ريلج بس ! حتى ولو ! يوم بيصيير صج ريلج روحي معااه اي مكان وطلعي وياه ! وهيه انتي بيذاكر لج عدول وانا بيذاكر لي خلود :p ]
نورة قرت وكتبت :
[ اها اوكي ,, هههه نفس الشي هع !]
خالد : جسوم بعطيك سيدي حطه
جسوم :اوكي وينه ؟
خالد :يود
ووعطاه
خالد نزل الجاامه
خالد : مهوي نزلي جامتج
مها :اوكي
ونزلت مها الجاامه وكاان الجو طرر
مها : كشخه
عنود : تولهت ع عيالي !
جسوم :ويا هال عيال !! خلود نصيحة مني لك يوم بتتزوج لاتيب عيال ! والله بعد ما الحرمه اتييب عيال خلاص تنسى ريلها منو ريلها ؟ ماعرف !
خالد : هي شكلي جي بسوي [ ويشوف مها ]
مها قفطت صدت ويها وتمت تشوف برع
مها ساسرت اسوم :
اخخ بشوف نوف !
اسوم : سكتي انا بعد كارهتنها
مها :ليش؟
اسوم:صايرة سخييفة !
مها : انزين هنااك لاتودريني موول
اسوم : من عيوني
مها ابتسمت ^^
خالد غنى ويا الأغنية
[ شفت خدك ع النهر عامي شفت نورة يدااعب المية والنهر هايم بك هيامي حب عذري ماله بغية ] !
جسوم : عشاااا خلوود !
مها يابت الكيمرة وتمت تصور خالد وتصور جاسم لأنهم كانو يسون حركاات
خالد طلع ويلس صوب الجاامه
مها خافت عليه طرش له مسج
[ خلوود انزل :@ ]
خلود ظحك ونزل
مها كانت تشوف برع هي واسوم
مرو صوبهم سيارة فيها شباب ونزلوا لجامه وقالو
الشباب : هلا هلاا !!
مها رفعت الجامه
مها : حميير !
خالد : اقولك جسوم الحقهم !
جاسم : اوكي
ولحقووهم وتمو يديمون لهم والأولاد نزلو الجاامه
جاسم : انتو ماتستحون ع ويهكم ؟
الولد 1 :ليش؟
جاسم : اتقول لـ البنات هلا هلا ؟
الولد1 : انسلم عليهم !
جاسم :لا والله ! وماتشوفنا فالسيارة !
الولد3 : خلاص اخوي اسمح لنا !
مها يووم شافت ولد 3 ! بطلت حلجها ! نزلت الجامه
مها : حمووود !
حميد : مهوووي !
خالد : تعرفينه !!
مها : لحظة
مها : حموود شحاالك ؟
حميد : تماام ! انتي شخباارج !
مها : بخيير ! يلا بنروح سلم سلم !
حميد :اوكي خلينا نشووفج !
مها :اوكي بااي
حميد :باي !
ورفعت الجامه !
خالد : منو ها ؟
مها : ولد خالتي بس من اليد !
اسوم : كيف كيف ؟
مها : يعني يدي متزوج 2 الحرمه الثانية الي هي مب يدوتي عندها بنت وهي اخت امي بس من الأبو وها ولدها يعني ولد خالتي بس نحن مب واايد وياهم
اسوم :اها
خالد انقهر من حمود ! يتحسب مها ماعندها عيال خال او عمام او اي حد من الها اولاد كبرها او اكبر عنها واحين طلع عندها
خالد : بس ها حمود كبير ؟
مها : لا عندي عيال عمي بس ماعرف عنهم شي
خالد :احسن !
مها شافته بنظرة : شو احسن ؟ حتى يدتي وعمي ماعرف عنهم شي ! تخيل انك مااتعرف عن هلك شيي! شو بيكون شعورك !
خالد : عادي
مها : يمكن انته عديييم احساس بس انا لاا ! وصدت ويها
عنود : صلو ع النبي شوفيك ؟
جاسم : عنود هال اغنية لج
[ ارفع الغييمه عن خدود القمر ] !
وصلو العزبة نزلو مها ماكانت تشوف خالد وماتسوي له سالفه
اول مادخلو داخل شافو كلهم قاعدين دخلو وسلمو ومها كانت تفصخ الجوتي واتأخرت يوم دخلت شافت وحدة وتمت وقافة مكانها !
محمد : مها شفيج
مها تمت تشوف البنت والبنت تشوفها
محمد : مها بابا شفيج ؟!
مها دمعت وعلى طول طلعت والبنت وقفت وراحت لحقتها
سمر :شو السالفه ؟!
اسما : منو هاي ؟!
سمر :بنت خالتي
.....
يتبع