...: منو قال خالد لنوييف ؟!
ام محمد : انا قلت ليش حاط عينك ع نويف ؟
...: يمكن ليش لا !
نوف قافطه !شو يقول هآ !><!
سمر : عآآش أخوي !
ميثة : طلع عآشق هع !
فارس راح وسلم ع يدته وعماتهـ !
ام فارس: ليش ملابسك جي ؟!!
فارس: متظاارب ويا واحد ليش؟
ام محمد : منو هال هرم !؟ توة ظارب خالد واحين ظاربنك انته !!
فارس : واحد من الفريج !
ام محمد : منو امه ؟!
فارس: ماتعرفينهم ! من راس الخيمه
نورة عرفت ان هاي النغزة لها !
نوف كانت منزلهـ رآسهـ قآآفطهـ !
سمر :هههه شوفو نوف كيف قافطة !
ام محمد : شفيج .. مايسوى ع الولد قال انه يباج
نوف قامت وراحت فوق
فارس:حرام احرجتوهآ !
ميثة : هههه مايرظى عليها بعد !!
فارس: ماعندج سالفه ! .. انا بروح الميلس
وراح الميلس بس شاف طارش بس ماشاف خالد
عند خالد !
أمل : خالد خلاص روح
خالد : مااروم اودرج بروحج!
امل : انا بخير مافيني شي انته روح بيتكم !
خالد : افف عنييدة .. انزين يتلي فكرة
امل : شو ؟
خالد :بخلي خليفة عندج
امل:خالد والله مايحتااي !
خالد :اشش احين بدق له
دق خالد لخليفة !
خالد : هلا والله
خليفة :اهليين
خالد : طلبتك !
خليفة : تم !
خالد : تعال مستشفى ******
خليفة : شوووو !! خلوود شوفيك ؟!!
خالد : بل صمخت اذني !! مافيني شي بس ام أمل تعبانهـ
خليفة : ايوا احين ياي
سكرو وبعد نص ساعه خليفة يهـ !
خالد : مابغيت
خليفة :شسوي انزين زحمه
خالد :انزين خلوف تم ويا امل وظحكها وونسها
خليفة :ههه من عيوني ! كم اموله عنا ؟
امل : اموله فعينك !
خليفة :هههه
خالد :انا بروح لو بغيتو شي خبروني !
امل : مشكوور !
خالد :لاتقولين جي !
خليفة :انزين فحسبة امه!
خالد :اي امي قول يدتي ولا ام يدوتي
امل : ايي حراام انا صغييرة !
خالد :هههه كم عمرج ؟!
امل : شوف بقولك شي شيْين لاتسأل الحرمه!
خالد :شو هال شيئين ؟
امل : عمرج وو وزنج !!
خالد :هههه معلومه يديدة !
امل : هههه يلا روح !
خالد : ههه انزين بآآي !
وراح
دخل خالد بيتهم وراح الميلس وماشاف حد راحل الصاله
خالد : احمم !
دخل ماشاف حد ! طلع شاف الخداامه
خالد: سورينا وين ماما ؟
سورينا : داخل حديقة !
خالد:اها اوكي
وراح خالد صوب الحديقة
شافهم كللللهم هناك اولاد وبناات
محمد : انته وين كنت ؟!
خالد : انا وخلوف رحنا عند ربيعنا فالمستشفى
محمد :منو ؟
خالد : ابراهيم بعدين بروح عنده تعال وياي
محمد : خلاص اوكي
ظبية : خالد يهـ احين بقولكم شو سبب العزيمة
خالد : هي يلآ قولي شو السر ؟!
ظبية ابتسمت وعقب نزلت راسها !
جاسم : يلا امييه قولي !
ظبية : شوتتوقعون !؟
عليا: خطبوا سوم ؟
اسوم :اي انتو بلاكم علي !!
خالد :ههه لا بيخطبون لي احم احم
ظبية : مصدق روحك !
خالد :هي انا ابا اخطب !
ام محمد : يلاا قر مكاانك كمل درااستك وعقب قولي البنت وانا بروح اخطبها لك !
خالد راس باس يدته عراسها !: فديتج والله
مها قاعده تظحك عليه !
ام ظبية : يلا ظبية شوسالفه ؟
كان محمد يالس حذال ظبية ظبية مسكت ايده حطت ايده عبطنها
سمر شهقت : بيبي !!!!!!!!!
خالد :شووووووووووووو!
اسما : OMG !
خالد راح صوب امه : صج والله !!!
ظبية غمظت عيونهـآ !
خالد : لااا ! بيحتل مكااني !
اسما :هههه سير لا !! ماما من متى ؟!
ظبية :من شهرين !
عليا: ولا خبرتيينا !
ظبية :لا انا اليوم الصبح عرفت !
جاسم : سعود بيكون عندك عم انته اكبر عنه !
سعيد :هآ !
جاسم : همبا !
سعيد :تيمون وبومبا ![ وطلع لسانه ]
عنود : سعود شوها ! منوم علمنك
خالد : احم احمم يمدحون عمه المحترم !!
جاسم : ابويه شل ولدك عن ولدي ! يالس يخربة !
ام محمد : سكتو شويه ! احي نشو بتسمون الياهل ؟!
محمد شاف ظبية : المدااد هي الي بتختاار !
ظبية : همم ماعرف
نوف : سميه نوااف شرات اسمي :p
خالد :لا شونواف كويتي الولد ؟!
فارس: اذا بنت فاطمه !
اسما:لا نبا اسم غريب !
طارش: اليازية !
محمد :لالا !
ميثة : مايد !
ظبية :لا اخوي مايد !
سمر : سالم !
خالد : يد امي سالم !
مها : راشد
خالد : هيه بوسنيدة !
اسما:هي حلو !
ظبية :ها عليا شرايج
عليا: لو عبيد بيكون احلى !
جاسم:سيري لا ! حلو الأسم
محمد:هيه
خالد:انزين لو بنت !
اسما:لاا ابي ولد !
خالد :انا با بنوته !
سمر :انتو العكس ! لازم البنت تبا بنت والولد ولد !
سعيد : روظه حلو موصح بابا؟
جاسم : هي روظة حلو !
خالد : هههه مانروم نسمي روظة
روظة :ليييش؟!
خالد : فطامي بتزعل !
نوف تساسر ميثة : خلوود واايد مسولهم سالفه !
ميثة:حراام عليج !
نوف :سكتي سكتي ام قلب طيب !
مها ساس رامها :يلا بنرد البيت
شهد:اوكي
شهد :عيل نحن بنترخص !
ظبية :وييين توة الناس
نوف قامت وسلمت ع مها ..خالد هني انقهر يعني نوف بينت لهم انهم لازم يطلعون !
مها :يلا مع سلامه
مها شلت روااظ وفطاامي وراحت صوب السيارة ونورة لحقتهم وشهد سلمت عليهم وعقب يت [ سهيل كاان راايح من زماان ]
فالسيارة :
مها :هاي نوف بذبحها
نورة :اففففف تقهر الله ياخذها
شهد :مب زين تدعون ع الناس
مها:اففف ويا ويها
عند قوم خالد
نوف قالت بصوت عالي:احين اروم اخذ راحتي !
محمد :ليش كانو يالسين ع جبدج ؟!
خالد: والحركة الي سويتيها ترا بايخآ !
نوف :شوسويت انا ؟!
خالد : شو ها بعدهم يالسين ماقامو قمتي وسلمتي عليهم شوها !
ام طارش: هي ماما شوهال حركة عيب !
نوف اونها دمعت : انزين ماكنت ادري
بومحمد :خلاص لاتصيحين
اسما تساسر عليا:عيني عينج تمثل
عليا:اففف هاي بنت عمج وغدة
اسما:صدقج
خالد:خواتي العزيزاات شو قاعدين تقولون
عليا:سوالف بناات !
خالد :اكييييييييييييييد اكيييييييييد تحشون فحد !
عليا : سير لا ! يعني البناات ماعندهم شي غير الحش !
طارش: هيه ماعندهم غير الحش شوفي لبس هاي وشوفي شعرها ومادري شو !
عليا : وانتو ظرااابة وشيا شباب وتغاازلون البناات ! مافيي بنت ماتعرفونها
خالد :حشى علي مارمس بناات !
طارش:وانا بعد
فارس : وانا بعد !
خالد :فرووس اعترف كم بنت فتلفونك
طارش:اقص ايدي لو تحت 10 !
ام فارس:شوو ها فارس ؟!!
جاسم : فرووس عطني وحدة
عنود : نعم نعم ؟!
جاسم :ههههه امزح وياج !
عنود : اتحسب !
فارس: خلود كم بنت فتلفونك ؟!
ظبية :ولدي مايغاازل !
فارس: همم فتلفونه بتلاقون 4 او 5
خالد : جذبب !
فارس:علينا !
خالد : والله بس وحدة !
فارس:شوفو يعترف انه وحدة !
خالد :وحدة مب اكثر عن 10
فارس: اشك انهـ 1
خالد : ليش انشالله ؟
فارس:احييد لطوف وشوق ونورة ومادري منو بعد !
خالد : لطوف مارمسها !
فارس: اوونهـ ! شووصار !
عليا: اخخ لاتيب طاري هال خايسة
اسوم :هي لاتيب طاريها الله يقطعها !
فارس:تعرفونها
عليا:هي الله يلعنها
خالد: ومنو نورة ؟!
فارس:هاذيج !
خالد:منو ؟
فارس:همم نوورة ! همم راعية الأستاار بكس !
خالد :سير لا ! مارمسها
فارس:علينا ؟
خالد:والله
فارس:انزين شوق
خالد: همم احين صارلي يمكن اكثر عن شهر مودرنها !
فارس:لييش ؟!!!!
خالد: بس
فارس:ومنو هاي الي ترمسها
سمر:اكييد حبيبتك !
خالد :احمم !
ميثة : هاا خلود طلعت مب هين
ام محمد : خلوود ترمس بنت يالهرم ؟!
خالد : هااا ! منو قال اففااا انا ارمس بنت !
ام محمد : عيل شوقاعدين تقولون ؟
خالد : قاعديين نقول اتزوج منو ..
ام محمد : هي تبي منو ؟
خالد : تبغيني اخذ منو ؟
ام محمد : كنت اباك تاخذ نوييف بس خذوها
خالد :او نوف منو خطبج ؟
ام محمد : فروس الهرم !
فارس:افا انا هرم !
ام محمد : ترمس 10 بناات يالهرم
فارس:لاااا انقول ان انا بتزوج 10 بناات
ام محمد : اتخسيي نويف وبس
فارس: امزح يدو بلاج عصبتي
ظبية :والله محد امسنعكم غير عمتي
وتمو يسولفون وعقب كل حد ترخص ..~
فبيت قوم مها
كانو يالسين فصالهـ كلهم وعقب دخل سهيل
وتمو يسولفون وجي
سهيل: شهد
شهد :هلا؟
سهيل: رمستي البنت ؟
شهد : اي بنت !؟
سهيل: شمسه !
شهد :هييييييه ! هي كلمتها
سهيل: انزين شو قالت
شهد :اسبوع الياي يوم الأثنين بنروح
سهيل:كلمتي امي ؟
شهد : هي
سهيل: ايوا زين زين !
شهد : عيل بتتزوج ياسهيلان !
سهيل: احم احمم
نورة : الله كشخه بررقص !
مها :ههه انا مااعرف اقولج علميني
نورة :افا عليج !
تمو يسولفون وعقب مها راحت فوق ودقت لأمل
مها : الو
امل : هلا
مها :اهلين
امل : شحالج ؟
مها:تمام وانتي ؟
امل: بخير
مها : شحال امج ؟
امل : مثل مااهي مافي أي تغير
مها : في حد عندج ؟
امل:هي
مها :خلود ؟
امل:لا خلوف
مها : اها زين تبين ايج ؟
امل :لا فدييتج
مها : اوكي اذا تبين شي على طووول دقيلي
امل : اوكي
مها سكرت ودقت لغاية
مها :الوو
غاية : انا زعلاااااانه !
مها :افا لييش؟
غاية : اهى اهى
مها : فديييت الزعلانين انا !
غاية : شكلج نسيتي انع ندج ربيعه اسمها غاية
مها :انسى النااس كلهم ولا انسااج
غاية:هي قصي علي
مها :غيووونهـ شوفيج ؟
غاية : مهوي انا متظاايجة مادي شو فيني ؟
مها :تعاالي بيتنه
غاية :لا شو فظييحة
مها :نعم نعم ؟! شوقلتي ؟!
غاية : ههههه انزين احين بي
مها :يلا اترياااج
غاية :اوكي باي
مها :اقوولج
غاية:هلا
مها : لبسي كاات و ايبي غترة
غاية :انزين
وسكرو
وراحت مها تحت
مها :ماما
شهد : ها ماما ؟
مها :غايو بتي احين
شهد :حياها
مها :انزين قولي لستي اتسوي كيك و عصير وجي
شهد :بتيلسون فالغرفة ولا الميلس ؟
مها :الميلس
شهد :اوكي بخليها ترتب الميلس ودخنه
مها :ثااانكيو ^^
شهد :ولكم
مها راحت فوق وهي رايحة تمت اتقول فخاطرها
مها : امي وااايد طيبة معانا بس انا لين احين مب مصدقة الي قاعد يصير شكلها برييئ ومالها خص فهال سواالف ! آآهـ وينك يابووي
دخلت الغرفة وشافت نورة ترمس عادل
نورة : عدوول ثاانكيوو !
مها اشرت عليها انها سكر
نورة :انزين انا احين بسكر ..يلا بااي
وسكرت
مها : تعالي قوليلي ليش رحتي ويا عادل السيارة ؟
نورة : اهدااني اغنية وبعديين نزلنا وغناالي ياها فنقزت فحظنة وبس
مها :اها وليش ماتبين حد يعرف
نورة : لأنه هاي من خصوصياتي
مها :ويا هال خصوصيات انزين تلبسي غيونه بتي
نورة :اوكي
وتلبسو وعقب غاية يت وراحو الصالهـ
فصاله
مها : غايو افصخي عبايتج
غايو : هاج يودي
مها:نورة سيري علقي العباية
نورة :انزين
وراحت نورة وعلقت العباية
غاية : مهوووي بقولج شي !
مها :قوولي [ كانت تشرب عصير وتااكل كييك ]
غاية :اول شي ودري الاكل عشان اعرف اقول
مها :انزين [ قآمت وخلت الكيك ع طاولة ويلست مجاابلة غاية ] يلا قولي
غاية :احمم ! مااعرف كيف ابدئ
مها :يالله يلا غاايو قولي
غايو : مهووي ! [ وراحت فحظنها]
مها :الحمدالله وشكر ! شوفييج !
غاية : انا احب !
مها كانت تشرب عصير جان تغص [ كحح كحح] !
غاية :شوفيج
مها :عيدي الي قلتييهـ !
غاية :افف مهوي بلا استهبال !
مها :والله ماستهبل عيدي
غاية :انا حبيت !
مها : بوية ؟!
غاية :خسي !
مها :ولد
غاية : هيه [ونزلت راسها]
مها :انتي اي يالمينوونة !
غاية :شوو
مها :شوتحبيين واحد
غاية :ولد خالتي!
مها :ايوا وهو يحبج !
غاية :ماعرف
مها :كيف ماتعرفين !
غاية :بقولج شو صار
مها :أولي ياستي !
غاية : احمم اليوم الصبح ساعه 7 ابوي وعانه وقال يلا بنروح العزبية قمت وتلبست وركبت السيارة ساعه 9 وصلنا ونزلت انزين شفت خالاتي وجي سلمت عليهم وعقب خذت مفتاح درااجتي عشان اركبها رحت وبطلتها وسخنتها وبعديين ..
غاية :اففف بلاها ماتمشي !! .. يالله امشي
...: ماتمشي لأن انتي مب حاطه ع ريس
غاية :اووهـ ثانكيو ولد خالو
....:ههه ولكم
[ قمت وسقت وتميت وجي رحت صوب الحيوانات وتمييت اخوفهم بعدين شفت انم حد برع العزبة قلت ليشم اشرد قمت وطلعت وتميت اللعب شفت صعدة وكاانت عودة قلت بركبها ! ويوم بغيت اركبها وانا فصعده الدرااجة وقفت وكنت بنجلب ]
غاية :ماما !! لحقو علي بنجلب
...: انتي اي يالمينوونة شو تسوين هني؟
غاية :شملان !
شملان :ليش طالعه برع ؟!
غاية :بلييز ساعدني عقب بقولك
شملان : انزين انزلي
غاية :اخاااف !
شملان راح صوبها
شملان :يلا نزلي انا ميود الدراجة
غاية :اخااف !!
شملان قام ويودها من خصرها
شملان :يلا قومي
غاية اتقول فخاطرها : قفطة !!!!!
شل غاية وعقب نزل الدرااجة وغاية لحقته
غاية وهي قافطة :ثانكيو
شملان : احين اباج تقوليلي ليش طالعه ؟!
غاية :شفت محد برع قلت ليش ماروح اللعب
شملان :لاوالله
غاية :والله
شملان : لو احين ابوج درى !
غاية :بيذبحني
شملان : زين انهـ عندج ولد خاله مب فتاان احم احم
غاية :هههه تراك وايد مصدق عمرك
شملان :من حقي [ وغمز لها ]
غاية : هني انا دختت زين ماغمى علي ! رجعت العزبة وكل ماروم مكاان اشوفه فويهي !والله انه يخببببببل !!
مها : اها زين زين يعني حب من طرف واحد
غاية :لا انشالله من طرفين
مها :ههههه والله انج مينونه !
غاية : مهووي ابا اشووفه !
مها : روحي بيتهم
غاية :كلهم اولاد !
مها :اها زين زين وطلعت غايو تحب !^.~
غاية :اي مهوي !
مها :تستحيي البنت !
غاية :ايي !
مها :هههههههه
رن تلفون مها وكان خالد
مها تشكل ويها
غاية :ردي !
مها :انزين
مها :الو
خالد :هلا والله !
مها :اهلين
خالد : شحالج
مها :تمام يو ؟
خالد :انا بخييير ! في حد عندج ؟
مها :هيه
خالد:منو ؟
مها :غايو
خالد:انتي فبيتهم ؟
مها :لا هي فبيتنا
خالد:ايوا سلمي عليها
مها : غايو خلود يسلم عليج !
غاية:الله يسلمه
خالد : انزين يابطه شوتسوين بعد
مها : مرتك البطه
خالد :انزين اعرف
مها :هههه ويا ويهك !
خالد:انزين قوليلي شوتسوين !
مها :آكل كيك واشرب عصير
خالد:عصير شو ؟
مها : برتقال
خالد:ولاتعزمين !
مها :هههه هاي بس عزييمة بناات !
خالد :اها .. =(
مها :شوفيك ؟
خالد : هي صح لازم اسكر
مها :ليش؟
خالد :ترا هاي عزييمة بنات ولازم ماترمسين ولد بس بناات
مها :ههه خلود يادلوع انته امزح وياك
خالد: انزين بسكر
مها :خلوووووووود !
خالد:شو ؟
مها راحت الحمام
مها : خلودي شوفيك ؟
خالد : عيديها !
مها :شو ؟
خالد : انا منو ؟
مها :خلوودي !
خالد :احبج
مها استحت :انزين انا بسكر يلا باي
خالد :ويا ويهج ماعليه انا بأدبج
مها:ههههه باي
خالد:باي
وسكرت وردت لغايو
غاية :شوقلتي !
مها :سر
نورة دخلت : مهوي عطيني فونج شوي
مها :هاج
طلعت نورة وراحت الغرفة ودورت رقم خالد لقت مكتوب خوله شلت الرقم ودقت لخالد
نورة :الو
خالد :منو ؟
نورة :انا نورة
خالد:ايوا
نورة :اقولك
خالد :هلا؟
نورة : انا قلت لمها شي ثاني ماقلت لها عن الي صار
خالد : لاتقوليلها بنسويلها مفااجئهـ !
نورة :انزين بتساعدنه ؟!
خالد : اوكي !! بسوي اي شي بس عشان اشوف مها مستاانسة
نورة :شكلك تحب اختي واايد !
خالد :هههه
نورة :انزين شوف عادل هو الي يودي ماما عند هال ريال الي يسوي سحر انزين و هو يندل المكاان
خالد:انا بعد اندل
نورة : كييف !!
خالد : انا دوم الحقهم !
نورة : طلعت مب هين !
خالد :هههه انزين قوليلب شسوي ؟!
نورة : همم شوفا ول شي لازم نلقى مطوع عادل قال بيسأل امهـ !
خالد :وييت ليش يسأل امهـ ليش نحن مانروح عند هال الي يسوي سحر وانخلي يفج السحر !
نورة :ترا انا قلت له جي وقال انه هو واايد اوكي ويا ماما !
خالد : اوكي شوفي بنعطيييه !دبل
نورة : كيف يعني
خالد: مثلا بنقول هو ياخذ 5000 نحن بنعطيه 15000 اللف
نورة :بل من وين بنييب ؟!
خالد : ماعليج انا بيب
نورة :لا شو اتيب ؟!
خالد:جب !
نورة :ترا بخبر مها
خالد:اففف يعني من وين بتيبون ؟!
نورة : بنيمع انا باخذ من عادل شوي من يدو شوي وجي !
خالد :انزين عادي اساهم ؟!
نورة :لا
خالد:مب عكييفج !
نورة :بخبر مها !
خالد : لو خبرتي كسرت رااسج !
نورة : والله انا اخاف منك ! مها ليش ماتخاف منك ؟!
خالد:بس ويااك جي معاها لا !
نورة :ايوااا !
خالد :انزين شوفي انا برمس ابويه وجي وشوفي بعد مانفج السحر انا نسيبي فالشرطة بخلييهم يزخونه وجي !
نورة :وامي شو نسوي فيها ؟
خالد : همم ماادري !
نورة : مايهون عليها اندخلها السجن !
خالد :ادري مابندخلها بس ! سالفه امج شوي صعبة يبالها تفكيييير !
نورة : اوكي انا بدق ليدو وعقب برمس عدول وعقب برد ادق لك
خالد:اوكي ها رقمج ؟
نورة :هيه
خالد: اوكي يوم بيصير شي بدق لج !
نورة :اوكي !
وسكرو وخالد دق لأمل
خالد:اموووول
امل :هلا؟
خالد: خلااص كم يووم وريلج بيكون بين حظنج !
امل : شوووووو ؟! شوتقول ؟!
خالد : بيع ندج وبقولج كل شي
امل :اوكي بسرعه تعاااااااال
خالد:اوكي !
سكر خالد وراح عند ابوه
خالد:ابويه
محمد : ها خلود شو تبا؟
خالد : رمست نورة احت مها ولقيينا حل !
ظبية :شو ؟
خالد :شوفو ! [وقالهم السالفه ] !
ظبية : اوكي انا بساهم !
محمد:وانا بعد
اسوم توها كانت نازله
اسوم :شو وانا بعد !
خالد:تعالي بقولج
وقالها
اسوم :اوكي بساهم
محمد : انزين كم يبي عشان يفج السحر ؟
خالد:مادري .. ويت بدق لنورة وبخليها تسألأ عادل
محمد :منو عادل ؟
خالد:اميه انتي قوليلي وانا بروح ارمسها
ظبية:اوكي
راح خالد الميلس ودق لنورة
نورة :الو
خالد:اقولج
نورة :هلا
خالد: سألي عادل بكم يفج السحر ها ؟
نورة :اوكي دقيقة وبرد ادق لك
خالد:اوكي
وسكرو ودقت نورة لعادل
نورة :الو
عادل: هلا
نورة :عدوول
عادل:عيوونه
نورة : همم خالد يقولك بكم يفج السحر ؟
عادل : هو يسوي سحر قولي بـ 30 اللف
نورة : كم !
عادل :شفيج في اكثر بعد
نورة :يعني حواالي كم
عادل:انتو بتدفعون دبل صح ؟
نورة :هي
عادل : 80 اللف او 100 اللف
نورة : واابوية !! ..
عادل:عيل كم تتحسبين ؟
نورة : 10 اللاف جي
عادل:هههه لا حبيبي اكثر !
نورة : افف ! وايد
عادل : شونسوي !
نورة:اوكي انا بسكر بقوله وبرد لك !
عادل:اوكي ولاتطولين وياه
نورة:ههه من عيوني
عادل:فديت عيونج
نورة :يلا باي
عادل:باي
وسكرو ودقت لخالد
خالد:هلا
نورة : خلود واايد !
خالد:كم ؟!
نورة :وااااااايد
خالد : مليون ؟!
نورة : لاا !
خالد:عيل
نورة :100 اللف !
خالد : اوكي عادي
نورة :شوعادي من وين بندبر 100 اللف
خالد : ترا قلت لج انا بساعدكم
نورة :يعني بتساعدنا فـ 80 اللف ونحن 10 الاف
خالد : مب بس انا امي وابوي وخواتي واخوي
نورة : كلهم يعرفون ؟!
خالد :هيه !
نورة : انزين مابنوصل 100 اللف
خالد:بنوصل ان شالله انتي ماقلتي يدتج وعادل بيساهمون بعد ؟
نورة :هيه !
خالد:اوكي بنحصل
نورة :اوكي بسكر برمس يدو احين !
خالد:اوكي
سكرت نورة ودقت ليدتها
نورة :يدوو
ام جابر [ سهيلة ]: هلا يمى ؟ منو انتي نورة ولا مها ؟
نورة :انا نورة
سهيلة : هلا يمى فديتج !
نورة :يدو لقينا حد بيفج السحر
سهيلة :صجج ؟!
نورة :هيه بس يبالنه واايد فلوس
سهيلة :كم ؟
نورة :100 اللف
سهيلة : ماعليه يمى برمس عمج وبخلي يساعدنا وانا كل الي عندي بعطيكم ياه
نورة :يدو في حد بيساعدنا بعد
سهيلة :منو يمى ؟
نورة :ماروم اقولج احين سالفه طويلة بس لاتخبريم مها شي بنسويلها مفاجئة وانا بيج ورا باجر عشان تعطيني الفلوس ومب لازم 100 كامله
سهيلة :بشوف كم بنحصل وبعطيج
نورة :اوكي يدو مشكورة
سهيلة :العفو فدييتج وها كله عشان ولدي
نورة : يلا يدو مع سلامه
سهيله : مع سلامه
سكرو ودقت نورة لعادل
نورة :عدول
عادل :هلا
نورة : بندبر 100 اللف
عادل : كيف؟
نورة :خال واهله بيساعدونه وعمي ويدو بعد
عادل : وانا بعد
نورة : لا لاتعب عمرك
عادل:لاوالله شقايل ماتعب عمري !
نورة : انزين ابغي منك طلب
عادل:آمري
نورة : ودني ورا باجر راس الخيمه عند يدوتي
عادل:تامرين آمر !
نورة :ثانكيو
عادل:العفو !
....
عند خالد
خالد : قالت لي 100 اللف
محمد : اوكي ظبية كم بتعطينهم ؟
خالد :وهي صح يدتهم وعادل بعد بيساعدونهم
اسما : ويت بيب مبايلي وبشوف كم عندي فالبنك
راحت اسما فوق وشافت ونزلت
اسما : عندي 35 اللف وكم اعطيهم اول شي خلى امي اتقول
ظبية : 40 اللف
خالد: لا شو اقل مابيرظون جي !
ظبية :30 !
خالد:اوكي وانته ابوية
محمد :شرات امك
خالد:لا اقل ! جي نحن بندفع كل شي !
محمد :شوفي ظبية انتي 20 وانا 30 !
ظبية :خلاص اوكي
خالد:احين جمعنا 50 ! اسوم كم ؟
اسوم :كم ؟
خالد : 10 اوكي
اسوم:شويه !
خالد :يكفي
اسوم:اوكي
صار 60
محمد:اونته خالد ؟
خالد : 40 !
محمد : جيجمعنا 100
خالد:ادري !
ظبية :صج انك لوتي اتقول نقصو ونقصو عشان انته تدفع
خالد:خخخ انزين يلا طرشو الفلوس ع حسابي لأني بعد شوي بروح اسحب !
اسوم :ابوي انته ادفع حقي وعقب انا بردلك
محمد :شوو ترديلي مب لازم
اسوم :اوكي :p
ظبية : وانا بعد !
خالد : هههه عيل محد فيكم دفع شي بس ابوي !
ظبية :لا نحن قلنا كم بنساهم !
خالد:خخخخ
راح خالد ودق لنورة
نورة :هلا
خالد:دبرت 100 اللف
نورة :شووووو!
خالد : شو شو ؟
نورة :لييش عمي بعد بيعطينا ويدوتي وعادل !
خالد:اوكي بنخلي فوق الفلوس عشان يسكت ! شبلاج
نورة :أيوا طلعت ذكي
خالد:ههههه اويييه
نورة:اشو
خالد:لازم اروح عند امل نسيت .. يلا بسكر بروح لها
نورة :ههه يلا باي
خالد:باي
سكرو وراح خالد عند امل
امل: توة النااس !
خالد:سوري والله !
امل:انزين شو سويتو عن هال مطوع ؟
خالد:دبرنا البيزات
امل:وكم البيزات ؟
خالد :100 الف
امل : شوو ؟ وكيف دبرت ؟!
خالد :بعد
امل : انزين انا ابا اعطييكم بعد
خالد:لا مافي
امل : خلوود ها ريلي بعد
خالد :انزين بس 5 الاف
امل :فعيينك !
خالد : شوفي انتي اول شي خلى امج اتقوم بالسلامه عقب عطينا
امل : اتقص عليه ؟
خالد:هههههه
امل : خلود !
خالد: امل مايحتاي !دبرنا وخلاص
امل :افف !
خالد:خلوف خلاص رد
خلوف:لا مابرد بتم ويا امل لين ماهي ترد البيت
امل: مابرد
خلوف: مب عكيفج يلا جداامي وصليني بيتنه وعقب روحي بيتكم !
امل : واخلي امي بروحها ؟
خلوف :الصبح مري عليه وبني انا وانتي عندها
خالد:صح كلامه الصبح تعالي
امل:اوكي خلاص
خالد راح بيتهم وامل شلت خليفة وصلته بيتهم
فالسيارة :
خلوف :شوفي انا بدش البيت بسلم ع الأهل وعقب بروح فوق وبدق لج وبتم ارمسج لين ماتوصلين بيتكم
امل :ليش؟
خلوف :بس
امل:ههه لاتخاف اعرف اسوق
خلوف:حتى ولو !
امل:ههههه اوكي
راخ خليفة سلم ع امه وخواته وراح فوق ودق لها
خليفة :انتي احين وينح ؟
امل : صوب الأشارات
خليفة:باقيلج وايد؟
امل: مادري ع حسب الزحمه
خليفة:ايوا انزين قوليلي كم عمرج !
امل: ههههه شو تبا فعمري؟
خليفة: شو في انا بخمن وانتي قولي صح ولا
امل:ههه اوكي
خليفة: 22 ؟
امل:لا شوي اكبر
خليفة:27 ؟
امل:لااصغر !
خليفة : همم 25؟
امل:اصغر بشوي !
خليفة:24 !!
امل:صح
خليفة :اونه !!
امل:والله ليش؟
خليفة :انتي صغييرة
امل:هههه اعرف
خليفة:حليلج انتي فهال عمر وهال كله فيج
امل :وشوتقول عن مها !
خليفة:حليلكم !بس انا وخلود مابنهدكم!
امل: وعد
خليفة:وعد مابهدج !
امل: فديتك والله ! ليتني لو عندي اخو كبرك !
خليفة:انزين انا بصير اخوج
امل: خلاص من يوم وساير انا اختك العودة
خليفة:هههه وانا اخوج الصغير
تمو يسولفون لين ما أمل راحت بيتهم !
عند مها ..
غاية :مهوي شو بتسون احين عشان ابوج ؟
مها :خالد قالي بعد الامتحانات بنتصرف
غاية:اها حليلة
مها :والله لو مب هو ماكانت اعرف شو بسوي !
غاية :الله يخليكم لبعض
مها ابتسمت : آمين !
بعد مرور يومين ! يوم الأحد .. الصبح مها كانت تتلبس ونورة بعد
نورة :مها انا اليوم مابداول
مها :وين بتروحين ؟
نورة :عاادل ويايد مرييض بيمر علي وبروح وياه المستشفى
مها :امي تدري؟
نورة:هيه
مها :اها
نورة : انا قلت لها اوني بركب السيارة يوم بيوصلوني المدرسة بنزل بتم واقفة وعقب بركب وياه [ طبعاً كل الي قالته خرط امها ماتعرف شي ]
مها :ههههه ويا ويهج تعرفين تخرطيين
نورة :انا شطوورة فالخرط
مها:هههه
لبسو وراكبو السيارة وصلو فطامي وروظة وعقب وصلو نورة ومها تمت تشوف ورة شافت نورة ركبت ويا عادل وراحت نورة المدرسة
عند نورة..
عادل: شوقلتي لأختج ؟
نورة :قصيت عليها
عادل:هههه
نورة:يلا خلنا نروح راك !
عادل:اوكي
راحو يوم وصلو راك !
نورة دمعت
عادل:شفيج ؟
نورة : راك ماتغيرت مثل ماهي ! ماصدق اني انا من رااك أهل رااك غييير نااس طيبيين ! ومايشلون شي فقلبهم مووول !
عادل : فدييت بنت راك انا
نورة :كنت !
عادل:ولين احين ! جوازج من وين ؟
نورة :راك !
عادل:عيل خلاص !
نورة : لف هال صوب
عادل:اوكي
ونورة دلته المكان ! ونزلت
عادل:انا بتم فالسيارة بترياج لين ماتين !
نورة : اوكي
عادل:يلا دخلي
نورة :اوكي
دخلت نورة داخل ووسمعت صوت يدوتها
سهيلة : لمياا .. لمياا
نورة :فديت يدوتي انا
ركظت نورة صوبها وطاحت فحظنها
سهيلة :يمى نورة ؟!
نورة :يدوو تولهت عليج
سهيلة دمعت : فدييتج يا يمى كبرتي !
نورة : وحشتيني يدوو
سهيلة : وين خواتج ؟
نورة :فدبي
سهيلة :ليش مايو
نورة :جرييب كلنا بني عندج
سهيلة : اخاف اروح وماشوفكم
نورة :يدوو لاتقولين جي .. صدقيني جرييب وكلنا بنكون فحظنج
سهيلة:ان شالله
نورة :يدو دبرنا 100 اللف
سهيلة :وانا دبرت 80 اللف
نورة :فدييتج والله
سهيلة : متى بي ابوكم؟
نورة : بعد كم يوم انشالله
سهيلة :انشالله
نورة تمت وياها نص ساعه وعقب قالت انها بتروح وراحت
عند عادل
نورة : فديتها متولها عليها واايد
عادل:الله يخليها لكم
نورة :آآمين
عادل: ها كم يبتي ؟
نورة :80 اللف
عادل:حلو عند خالد 100 وانتي 80 وانا بعطيج 20 ! وبيصير 200 اللف
نورة : هييه !
عادل : جي مو بس بيكون ويانه الا بيبوس ريلنا
نورة :هههه متى بنروح ؟
عادل : متى تبين ؟
نورة :همم شوا لكثر يبا لين ما مفعول هال ارف يروح
عادل:ماعرف يباله
نورة :شوف امي متى بتروح ؟
عادل:هي كل شهرين مرة
نورة :متى آخر مرة
عادل:قبل اسبوع
نورة :اوكي بنروح ورا باجر !
عادل:ليش؟
نورة:باجر عليه امتحان ! ورا باجر اجازة فبروح
عادل:اوكي بديتو ؟
نورة :باجر بنبدى ! عنا يوم امتحان يوم اجاازة ! افف يسو نجي عشان نخلص ويا الحكومي
عادل:هههه ويا ويهج اونه بنت مدرسة خاصة
نورة :هييه احمم
عادل:ههه ويا هال فيس
نورة:شفيه فيسي؟
عادل:قمر !
نورة :ههههه بدق لخالد وبقوله
عادل:ويا هال خاالد تراني اغاار
نورة :حليلة
عادل:يلا دقي
نورة:انزين
دقت له
خالد:الو
نورة :اقولك
خالد:انا فالحصة
نورة :هههه اطلع ابا اقولك شي ظروري
خالد:انزين ويت ....
خالد يكلم الأستاذ : استااذ انا بطلع شوي
الأستااذ :عوين ؟
خالد: عندي مكالمه ظرورية
الأستاذ : ماراح اطلعك
خالد : طااع !! بطلع مب عكيفك
وخالد طلع
خالد:الو
نورة:لسانك طويل
خالد:ههههه
نورة :انزين انا رحت عند يدوتي
خالد:صجج !
نورة:هي وعطتني 80 الف وعادل 20 اللف وجي بيصير عنا 200 اللف
خالد:اوكي يوم بتوصلون دبي تعالو صوب مدرسه **** و انا بي عندكم بنروح عند ابوي عشان يعطينا 100 !
نورة :اوكي
خالد:يلا باي
نورة:باي
سكرو
وراحو صوب مدرسه خالد ودقو له ويهـ صوبه ركب السيارة
خالد:سلام عليكم
نورة + عادل:وعليكم السلام
خالد : ها متى بتروحون عند المطوع ؟
عادل:يوم الثلاثاء
خالد: اوكي برمس نسيبي
عادل : لا شوف بنروح عند ابوك اول وعقب بنروح عنده وبنرمسه
خالد:اوكي
عادل:نورة بوصلج البيت
نورة:لا ابغي اي
عادل:شو اتين ويانه ؟
خالد : هي كله اولاد
نورة : مابغي !
خالد :عنييدة مثل مها
نورة : المهم انا مابروح البيت بي وياكم !
عادل:افف انزين !
راحو عند بو خالد وخالد نزل وخذى من ابوه الفلووس وعقب رد السيارة
خالد : هاج
نورة :انا اخاف ايود مبلغ هال كبر
عادل: بخليه عندي
خالد:خلاص اوكي
نورة : وجي صار عنا 200 اللف =D
عادل:هبلة !
نورة :طاع هبلة مرتك
عادل:وانتي شو ؟
نورة :عدول !
خالد اتذكر مها !! توله عليها
خالد : بدق لنسيبي
ودق له
خالد:الو
عبيد:هلا؟
خالد: بقولك شي
عبيد :شو؟
خالد : سويت الي قلت لي عليه !
عبيد : اوكي وشو صار؟
خالد : عرفت المكان ونحن الثلاث بنروح عنده
عبيد:خلاص اوكي بعد ماتطلع على طوول قولي
خالد:يلا مع سلامه
عبيد:مع سلامه
نورة :شوفي؟
خالد : ترى عبيد عطاني خطه وقل لحقو شهد وين تروح وشوفو المكان وعقب خوزو الحسر وعقب نحن بنزخ هال مطوع !
نورة :ايواا !
خالد: واحين بس بااقي انخوز السحر
نورة :بنخوزة
عادل: بس سمعي انا وخالد بس بنروح عند الريال
نورة :ليش؟
عادل: ماابيج تدخلين هال امااكن
نورة :انزين ودوني عند ابوي !
عادل :اوكي
خالد: هو احين وين ؟
عادل : بعد ماشفتنا انته صوب البحر كنت شالنه من اليخت وحطيته هناك عشان نورة اتشوفه ويوم شفتك شفتنا يوم راحت نورة عندكم شليته ودييته الشقه عندي
خالد:ايوا
نورة :يلا بنروح عنده
خالد:شوفو نزلوني البيت وانتو روحو
نورة:ساعه كم ؟
خالد :1 ونص
نورة :ماشي وقت اففف
عادل:يلا ماعليه مرة قانية
نورة :انزين
وصلو خالد بيتهم وعقب ودا نورة بيتهم
نورة راحت فوق ومحد شافاها
ساعه 2 وربع مها يت وراحت فوق عند نورة
مها: ها شحال عادل؟
نورة :بخير
مها :زين اقولج عندج شي باجر ؟
نورة :هي امتحاان
مها :ههااي ذاكري ذاكري انا يوم الأربعاء
نورة: ويا ويهج
مها :انا بروح مع غايو آب تاون
نورة :ياحظكم !
مها : تبين شي من منااك ؟
نورة :هي ايبيلي اي شي
مها :يصير خير
نورة : شو يصر خير
مها :يعني يصير خير
دقت مها لخالد
مها : الو
خالد:هلا
مها: خلود انا بروح آب تاون
خالد:نعم ليش انشالله ؟
مها :خلود ملانه بروح ويا غايو بنروح استار بكس وعقب نحوط شوي وعقب بنرد
خالد: انا بي
مها : خلود بلا عبط ! بتي شو بتسوي ؟
خالد : تخيلي حد غازلج ؟
مها :من زيني احين
خالد: مهوي شوهال كلام ؟
مها :افف خلود لاتي !
خالد:انزين افف
مها:يلا بروح اقول لأمي
خالد:باي
مها:باي
سكرت ونزلت
مها :ماماتي .. ماماتوو .. مامي !
شهد: ها ماما ؟
مها : احمم بروح آب تاون
شهد :انزين روحي
مها :اوكي
راحت مها تلبست ومرت ع غايو وراحو
وصلو استاار بكس !طلبو لهم وعقب قعدوو
دخلو شلهـ اولاد ...
...: اوهـ مهوي انتي هني .؟ شحالج ؟
مها شافته بنظرة : شوتبا انته ؟
...: مابي شي بس كنت ابي اسلم عليج
مها:اذلف عن ويهي
....:انتي قد هال كلام ؟
منو ...ها ؟
والمطوع بيخوز السحر ولا بيقص عليهم ؟؟
و عادل قد الثقة ولا ؟ يعني الفلووس الي نورة خلتهم عندة بيسوي فيهم شي ولا ؟؟
وشهد بتعرف شي ولا ؟؟
و خلاص يعني بعد يوميين بيفجون السحر ولا بيصير شي بيخليهم مايروحون !!
ومها شو بيصير فيها ؟!