التكملة سووري ع التأخير بس كنت مسآفرة
عذرا تم تعطيل الرابط لحمايتك
مها تمت تشوف مريوم ومريوم تشوف مها
مها : زخييتج ليش تركظين ؟
مريوم :هاا همم مادري هههه بغيت اشرد من الحصة
مها :لا والله شو تشردين ؟!
مريوم :همم مادري
مها :يلا جداامي الصف
مريوم : اول شي انتي ليش تركظين
مها : همم اقول ولا اسكت ؟
مريوم :قولي
مها : اشتقت لج
مريوم ابتسمت عقب قالت : وانا بعد
ومريوم حظنت مهاا وجآآن اتشوفهم المشرفه
المشرفة : شو تسون انتو ؟!
مها : مااشي اتولهت عليها من اسبوع ماشايفتنها
مريوم :هي
المشرفة :لا والله يلا جداامي ع الأيدارة
مها : ابلة الموضوع مب مستااهل
المشرفه : لا مستااهل يلا جداامي
وراحو الأداارة
المشرفه : انتو حبايب صح ؟!
مها : اوييه طاع هاي اونه حباايب
المشرفه :مهااا رمسي عدل
مها :انزين افف ,,
مريم:لا مب حباايب ربع
المشرفه : صدقتكم
مها :اوييهـ ابلة لاتيلسين اتخرفين وطلعين سواالف
المشرفه : ها اسلوب اترمسيني فيه
مها : ابلة ها سلوبي !!
المشرفة : راح اعطيج تعهد ع هال اسلوب
مها :اوكي عطيني .. اسمي مها جاابر ***** وكتبي السبب الأسلوب القبيح
المشرفه :ومستانسة ؟!
مها : شو يعني الآ هي ورقة
المشرفه : انا بحولج عند المديرة
مها :انا بروح اندل الغرفة
مريوم : مها بلا عبط
مها : شو يعني الآ هي كمن هزبة وورقة ملون وتوقيع وبس !
مريوم : مهوي اعتذري للأبله
مها :طااع شو اعتذر وين يالسين
مريوم :مهااا !!
مهوي :بل انتي عصبية
مريوم :ههههه
مها :فدييت هال ظحكة
مريوم :ههه جبّ! اعتذري للأبلة
مها : من عيوني
وراحت مها ورا الأبلة ولوت عليها وعطتها بوسه
مها :فدييت انا مشرفتي احبها والله كنت امزح وياج شكلج يكون حلو يوم تعصبين
المشرفة :ههه فديتح اعرف انج مب قاصدة
مها :انزين عادي اروح الصف
المشرفه :هيي فديتج
مها :اوكي بااي
وطلعت مها
مريوم :خييبة حتى المشرفه تقردنينها !
مها :هههههه اكثر وحدة اقردنها غاايو حليلها
مريوم : احين الأبلة بتقول ليش اتأخرتي شوا قولها ؟
مها :منو قال بنرد الصف ؟
مريوم :وين بنسير عيل
مها : بنروح نيلس فمكان
مريوم : اوكي
وراحو ويلسو وهم يالسين
مها : انا انسانه فيا رقااد
مريوم : انزين ناامي
مها : وين انام ؟
مريوم : هني حطي راسج وناامي
مها :وخلييج بروحج ؟
مريوم :عاادي
مها :لامب عاادي
مريوم :والله عادي نامي
مها : بطيح بس مابنام
مريوم : انزين حطي راسج ع ريلي
مها :اوكي
ومها حطت راسها ع ريل مريم هم طبعاً قاعدين ع الأرظ
مريوم كانت تلعب ف شعر مها و مها كانت رافعه راسها تشوفها
شوي مها مسكت ايد مريوم وباست ايدها
مها : احبج مريوم
مريوم صار ويها طمااط !
وجان يشوفون وحدة ياية .. وجان تطلع غاية
غااية :لاوالله
مها : هلا والله
غاية :بالخاينة ! تشردين وماتخبريني
مها :هههه
غاية :افف تقهرين مهووي !
مها :سوري
غاية :والله صاايرة سخييفة افف !
وجان تروح
مها :ايي اتريي
وغاية سوت طاف
مها : طااع زعلت ..! اقولج بروح عندها
مريوم :اوكي وانا برد الصف
مها :اوكي وقامت وعطت مريوم بوسه ع خدها وراحت صوب غاية
مها : غاايو شفيج ؟
غاية : لا روحي كملي ويا الأخت مريم ويوم بتذكرين انه عندج ربيعه اسمها غااية تعالي
مها :غيوونه شفيج كنت بروح الحمام فـ شفـ..
غايه قاطعتها : ماابي اعرف !!\
وغاية راحت ومها تمت وااقفة مكانها
مها : اففففف شوها !!
مريم يت صوب مها
مريم :شفيج ؟
مها :ماادري شفيها زعلت !
مريم : شكلها واايد تحبج !
مها :اوكي انا بعد احبها !! بس هي ماعطتني فرصة اشرح لها السالفه !
مريم : خلاص انا برمسها
مها :لا انا يوم برد البيت برمسها
مريم :خلاص اوكي
مها :يلاا ردي صفج !
مريم:اوكي
ومها راحت الصف
كانت الحصة الأخييرة توها بادية
مها دخلت بدون ماتقول سلام عليكم او ادق الباب وراحت صوب غاية
مها :انتي دوومج جي ماتعطيني فرصة اشرح لج الساالفه وتزعلين وتمين اتعقين رمسه ويوم تعرفين اتين واتقولين سوري وجي !
غاية : انتي احين تبين شي ؟
مها :غاايو رمسيني عدل
غاية وقفت : انتي الي رمسيني عدل انا مب اصغر عيالج اتيين واتصارخين علي
مها : لا والله !
غاية : وثاني شي احترمي الأبلة الي واقفة وقاعده تشرح الدرس !
مها شافت الأبلة وقفطت وعقب قالت : اوكي يـ غاايهـ
وطلعت من الصف وراحت الحمام وتمت تصيح
وشوي وجاان اتشوف غاية ياية وعلى طول غاية حظنت مها ومها تمت اتصييح
غاية :خلاص حيااتي
مها تمت اتصيح
غاية :سوووري والله
مها بعدها
غاية :اذا تميتي اتصيحين بصييح وياج !
مها بعدها
غاية :اول مرة اشوف بوية اتصيح
مها :ههه وياهال ويه
غاية : احبج
مها :وانا اموت فيج
غاية :انزين قوليلي شو بينج وبين مريوم
مها :ياخي احبها!!!
غاية :اوييه مهوي تحب غرييبة !
مها : والله مخبلة فيني هال انساانه !
غاية :هه وقلتي لها انج تحبينها ؟
مها :هيي
غاية :هههههه
مها : فدييتها !!
غاية :جب اغاار !
مها :هههه فدييت الي يغااارون ;p
غاية : ههه عن تسمعج مريووم !
مها : عادي اختي !
.....
فـ بيت مهآآ ..
مها دشت البيت سلمت ع امها وعقب راحت فوق بدلت ملابسها ونزلت عشان تتغدا وعقب راحت فوق ودقت لغاية
مها : اللوو
غاية :هااايوو
مها :هاااي
غاية :كييفو ؟
مها : تمتووم ^^
غاية :دوومز يآ ألبي
مها :هههه وياج .. احييم اقولج غيوونه ؟
غاية :تبين رقم مريوم ؟
مها : هيي >< !
غاية : ماعندي
مها :دووري
غاية :شوا تشوفيني اتصالات ؟!
مها :هههه يلا عاادي
غاية :اوكي برب
مها :تيت
وسكرو الخط
بعد 10 دقاايق رن فون مها
غاية :باكوو
مها :ولجم ولجم ..!
غاية :يثلموو
مها: ها شو يبتي ؟
غاية :أجل !
مها : كم ؟
غاية : كم تددفعين ؟
مها : الي تبينه
غاية :ههه خبلة
مها :يلا كم ؟!
غاية : 999
مها : يلا عااد !
غاية :050-*******
مها : ثااانكيو ^^
وسكرت الخط
غاية اتقول فخاطرها : بل !! فالويه مرة وحدة !
عند مها ..
مها : >< استحي ادق !! شسوي ؟؟!! همم بطرش مسج D=
مهآ طرشت لها :
من هاداني الشوق "اهدي له سحاب"
ومن عطاني الحب "اشيله في العيون"
ياخذ افراحي ويترك لي العذاب.
وان تغلا كل شي لاجله يهون لوتروح الروح مانحسب حساب.
[ عند مريم ..~
كانت قاعده اتشوف تلفزيون وجان توصل لها الرسالهـ ..
قرت الرسالهـ بس ماعرفت منو اليم طرش لها الرساله فردت وطرشت
منو ؟!
مها كتبت ..
انا وحدة ^^
مريم ردت
انزين منو هال وحدة ؟
مها :
وحدة تحببج !
مريوم :
همم انتي مهآ ؟
مها :
هيييه =]مريوم :
شحالج ؟!
مها :
تماام .. ومن صوبج ؟!مريوم :
يسرج الحاال ,, من وين يبتي رقمي ؟!
مها :
هع هع بعد ربج ..مريوم :
هههه انزين انا احين بخليج
مها قالت فخاطرها :اها بعدني ماشبعت ! افف
فردت وقالت لها :
اوكي حوبيكآ ^^ تيك كير
مريوم :
يوتو
قامت مهوي وفتحت شنطتها وتمت اتذآكر ويوم خلصت راحت واتسبحت وعقب حطت رااسها وناامت ..
يوم الثآآآني ..
ام مها : مهاا يلاا نشي
مها : ماما وعي نورة قبلي
ام مها : انزين نورة يلا قوومي
نورة :ماما وعي مها قبلي
ام مها : مهووي يلا نشيي !
مها : ماما نوورة قبل !
ام مها : نوورة يلا !
نورة : ماما
ام مها : طفرتوني تراكم هاي قبل وهاي قبل يلا ثنتيناتكم قومو !
وهم الأثنين بعدهم رقوود !
ام مها : بتقومون ولا لي تصرف ثاني ويااكم ؟!!
وعلى طول هم الأثنبن قاامو !
بقولكم شو هال تصرف
[ اتشل عنهم الآآآب و الفون ^^ ]
مها راحت وغسلت ويها وعقب راحت واتريقت وبعدين راحت وبدلت ثيابها وتعطرت وطلعت ورااحت الصاله!
تمت اتشوف تلفزيون
مها قاعده اتصرخ : نوااار و رووظوو والله لو مايتوو بروح عنكم !!
جان اتي نورة ! لو اتشوفونها اتقولون رايحه عررس !
مها : تعالي تعالي !!
نورة :هاا ؟
مها : اولاً رمسي عدل ووثانياً ليكون بتروحين المدرسة جيي ؟!
نورة :عيل كيف تبيني ارووح ؟!
مها : شلي هال اررف الي عويهج بسرعه !
نورة : مهووي انا حاامده ربي ان ماعندي اخو اتين انتي لي بلييز ! بلا مصخرة
مها : انتي الي بلا مصخرة يلا بسرعه شيلي هال مصخرة الي حاطتنهـ !!
نورة :اففف مابشيل انزين !
مها قامت وشلت فاين [ ترا فاين كلنس بس انا اسميه فاين ف طول القصه بقول فاين مب تستغربون اتقولون شوها ! ] وراحت صوب نورة ومطت شعرها ومسحت الجلووس الي نورة حاطتنه ووشلت حلقآن نورة لأنه كاانو طوااال ! وودتها الحماام وغسلت عيوونها لأنها كانت رااسمه عيونها ..~
نورة :اففففف شوها !
مها :جب يلا ركبي السيارة بسرعه !
ونورة ركبت وهي تتأفف وعقب يت روظة وربكت ومها وعقب ركبت
مها : انور اول وصل روظة عقب نورة وعقب انا
[ ترا دوم يوصل مها عقب روظة وبعدين نورة ]
انور :اوكي
وصلو روظة ..
فسيارة وهم فالطريج رايحين يودون نورة
مها : نووار لو شفتج جي مسويه بعد وانتي رايح المدرسة يااويلج !
نورة :انزين افف
مها :انور وقف عند الشيشة
انور :اوكي
ووقف عند ايبكو
مها :مابتنزلين ؟!
نورة :لا
مها :انزين تبين اشتريلج شي
نورة :نوو ثانكيو !
مها :كييفج !
ودخلت مها واشترت 3 اورنمنسي 1 سفن آب واشترت 4 كتكات وردت السيارة
اول شي عطت انور سفن آب وكتكات
انور :شكراا مها
مها :العفو ^^ اعرف انك تحب السفن آب فيبتك ياهـ
وطلعت 1 اورنمنسي وكتكات وفجت شنطه نورة وحطت دااخل
نورة :ماابي !
مها :جب !!
وعقب نورة وصلت وقبل لاتنزل قالت
نورة :شكرا
مها :العفوو
وسكرت الباب وراحت دااخل ومها توجهت لمدرستها .. وصلت المدرسة دخلت الصف عطت غايو الأرمنسي والكتكاات
وعقب تمو يتمشون ويسولفون وهم يتمشون
مها شافت مريم تتمشى ويا ربيعتها و مريم ماكانت تسوي لمها سالفه
مها تمت اتغني بصوت عالي :
هاذآ الي شاايف نفسه ماشي ولا معبرني ..
يتلفت هنا وهناك ولاكنى شايفني !
والله انا اوريكم فيه والله انا ماخليه موهو لعب وياي خلووه يتحملني !
غايو : عااشت مهووي !
مها : اقولج غايو تعالي شوي
غايو :ليش
مها :تعالي وانتي ساكته
مها راحت ورا مريوم بدون ماتعرف وتمت تمشي عقب تجدمت منهاا واايد وساسرت مريوم وقالت
مها :ثانكس ع الطااف !
مريوم نقزت
مريوم :ويي ,, من وين طلعتي ؟!
مها : ليش مسويه طاف ؟!
مريوم :مب مسويه طااف !
مها :عيل ؟!
مريوم : ماكنت مسويه
مها : عيل شو كنتي تسوي ؟!
مريوم :ماعرف بس والله ماكنت مسويه طااف
مها :اوكي
وراحت
مريوم :اوييه زعلت !!
راحت مريووم فوق وكتبت ع الورقة
:.. مهوي حيااتي سوري لأني كنت اسويلج طاف بس انا مبقصدي اسويلج طاف بصرآآحهـ كنت مستحية منج ><! عشان جي ماشوفج بس يوم انتي اتصدين ويهج على طول ايلس اشووفج احبج حياتي =) (l) (k)
وراحت تحت وتمت ادور مها فـ شآفتها جان تعطيها الورقة
مها :شوها ؟
مريم:اقري وبتعرفين
مها :اوكي
راحت مريم ومها فتحت الورقة وقرت
مها اتقول فخااطرها :فدييتج مريووم احبج
فـ تمت مها تتمشى ويا ربيعاتها ويوم شافت مريم غمزت لها ومريم ابتسمت
رفيعه :اي مهوي من صجج انتي احين تحبين ؟!!
مها :هي ليش في شي ؟1
رفيعه :بلا عبط مادري منو قبل كان يقول لنا شوا احب بس اقردن ويوم نقولج ليش اتقولين يعني يوم بكبر بتزوجهم ؟
مها سكتت قفطت : انزين شسوي حبيتها !!
رفيعه :الله يهدييج !
مها :ويهدييكم !!
...
عند نورة
عذاري : نورة ليش ماحطيتي جلوس قلتي بتحطين ؟!! ووين الحلق ؟!
نورة :افف اخوي العود شلاهم ؟!
عذاري :اخووج؟!! انتي ماعندج اخو
نورة :قصدي مها اختي !!
عذاري : اوييه هاي شخصها ؟!
نورة :عذاري هاي مهووي تقهر صاير لي شوكه فبلعوومي افف شوها !
عذاري:لاتخاافين يبت قلووس ^.~
نورة : اممووآآحح , تفهميني
عذاري :ههه وسمعت ان اليوم بيون واايد
نورة :حلفي ؟!
عذاري :والله
نورة : الله يلعنج يا مهووي ماخليتيني اتكشخ !!
عذاري :عادي باجر حطي المكياج فالشنطه
نورة :هي فكرة ^^
عند مها ..
فالحصة :
مها : كح كح كح حسبي الله على الي قااعد يطريني يعله يتخرطف ويطييح ع ويها وخشمه يحمرر !!
غااية :هههه شوهال دعااء الغبي
مها :شدراني هع هع
عند نورة ..
عذاري نوورة حــآ سـ
وجاان نورة اطييح عويها
نورة قامت :آآي يعورني
عذاري :هههههههههههههههههههههه
نورة :شو يظحك ؟
عذآري : خشمج صااير احممر
نورة :اونهـ !!
عذرااي : والله
نورة :اهى اهى يااارب يخووز بسرعه !!
عذااري : هههه اذا شافوج بيظحكون عليج !!
نورة :مااابي !!
....
عند مها كاانت سرحاانهـ !
غاية :هاا سرحاانه فالحب ها !؟!
مها :هههه اي حب ؟!
غاية :مريوم !
مها :ههه لا والله مب سرحاانه فيها ..~
غاية :عيل ؟!
مها :تبين الصرآحهـ ؟
غاية :هيييييييه .~
مها :سرحاانهـ .. فـ الغدآ ..~ّ
غااية : نعععمممم ؟!
الأبلهـ : غااية اوقفي
غاية :لا البلة آآخر مرة
الأبلهـ : شو كنت تقولين حق مها ؟!
غاية :لا ماشي !
الأبلهـ :عيل تمي وااقفهـ ..~
غاية :لا خلااص بقول ,, هي كانت سرحاانه فقلت لها فشو سرحاانه قالت فالغدا
كل البناات ظحكو ..~
مها:شو يظحك ؟! والله يوووعاانه ياارب يكوون غدانا سمج مشواااي !!وعييش ابيظ ! الي امي تسوييه مع مادري شو وريحته تطير العقل وسلطة فتووش و عصيير برتقآآآل فرررش ويآآسلآآآآآآآآآىم ! وهي شوربه دياي وذرة وبتااكلون اصابعكم وراا هال اكل !
الأبلهـ : مها وين احنا يالسين فمطعم ؟!
مها : شوا نزين انا يووعانه وقاعده اتخيل بصوت عالي
الأبلهـ : مها اوقفي
مها : خلاص خلاص آخر مرة !
الأبلهـ : اذا سمعت بعد صوت بطلعكم برعع
وجان يدق الجرس
مها وغايه شلو شنطهم وقالو حق الأبلة : بآآآآي
ومها عطتها بووسه من بعيد
الأبله ظحكت وقالت :هههه هاي مهآ خبلة !!
برع المدرسة
مها : غاايو امج يت
غاية :لا ماابي ارووح
مها:هع هع يلاا جلبي ويهج
غاية :طااع ! ويا هال ويهـ !
مها :يلا بباي
غاية :بااي
وغاية راحت ومها تمت تتريا الدريول وعقب يهـ ..~
مها ركبت السيارة
مها : ليش اتأخرت ؟!
انور :سووري مها بس وااجد زحممه !
مها :لا عادي .. يلا نروح نمر ع نورة اكيد خااست
انور : اوكي
وراحو مدرسة نورة ونورة يت وركبت السيارة
مها يوم شافت ويه نورة كانت تلااحظ شي شوي لمعه ع حلج نورة
مها : همم في شي فحلج ؟!
نورة : لا مافي شي ليش ؟!
مها : ها لا ماشي ..~ [ بس مها مارتااحت حست ان في شي ! ]
وردوا لبيت واتغدوو وعقب راحو فوق
مها شافت فونها لقت رسالهـ من مريم .. ومكتوب
مهوي حياتي انا اليوم بطلع بروح صحآرى اذا ترومين اتين تعآلي ^^
مهوي شقت الحلج وكتبت :
اكييييييد بي بس ساعه كم ؟!مريوم ردت عليها :
ساعهـ 5 ونص انا بروح
مها ردت :
اوكي خلااص ^^وراحت مها تحت عند امها وشافتها فالغرفه
مها : ماما ابي اطلع اليوم
شهد :وين تبين اتروحين ؟!
مها : صحارى
شهد :مهوي انا مفتقرة احين آخر الشهر تريي علي المعاشات بينزلون جريب !
مها : ماما بليز كل ربيعاتي بيروحون ابي اروح وقلت لهم اوكي خلاص
شهد :اعتذري ليهم وانتي ع كيفج اتقررين لو بتروحين او لا ؟!
مها :ماما بلييز
شهد :من وين ايب لج فلووس ؟!!
مها :دبري
شهد : لاوالله !
جان مها تسمع صوت خالها سهيل
سهيل :خلااص انا بعطيج
مها قفطت : لا عادي خلاص
سهيل :جب !
مها :خلاص خالي مابي
سهيل :جب قلت لج .. ها كم تبين ؟ [ وفتح بوكة ]
مها : 50
سهيل :لا والله .. ماتبين حق السينما والأكل واكيد بتروحين كوفي او شي او تشتريلج اغراظ
مها :لا عادي عندي اغرااظ
سهيل : 500 يكفونج ؟
مها : لا وايد ! ابي بس 50
سهيل: عيل خلاص هاج 1000
مها فتحت عيوونهآ
شهد :لا سهييل واايد هذا !
سهيل :خليها تستاانس ^^ ومعاشي اليوم نازل ف عاازم الي بيتمون فالبيت ع جلييز
شهد :فدييتك والله ياخوي
سهيل :افدااج
مها :ههه عيب عيب مب جداامي
سهيل :ههههه
وطلعت مها وراحت اطلع لها لبس .. طلعت ..
قميص اصفر عليه رسوومات وجي بلون الأسود وبنطلون جنز وجوتي لونه اصفر فااتح وعبايه مسكرة وشييلة سودة سااده ..
نورة شافتها وهي اطلع الأغراظ ..~
نورة :عوين ؟
مها :رايحه صحارى بتين ؟
نورة : هيييييييه
مها : بس شوفي انا بتم بروحي وانتي بروحج
نورة هني شقت الحلج : اوكييييي !
مها : عندج فلوس ؟!
نورة : هي عندي 200
مها : خلاص انا بعطيج 300 عشان يصيرون 500
نورة عفدت ع اختها : ثاانكس فدييتج [ وباست مها ]
مها :هههه فديتج والله يلا تلبسي
وساعه 4 ونص طلعو من البييت ورااحو ومرو ع غااية عقب توجهو ل صحآرى ..
فسيارة :
مها : اشتااق لك شوق الظاامي الى المااي !!
غاية :عااشت العااشقة
مها :ههههه
نورة :كششخه ربششه !
مها : من احين اقول لكم محد اي وياي انا بروحي !!
نورة :منو قال بني ويااج ؟!
عقب رن فون مها وكانت مريم
مها : سكرو المسجل !
مها ردت :الوو
مريوم :الو
مها :هلا والله
مريوم :اهلين اقولج مهووي ترا انا فصحارى ,, ابوي وداني من وقت
مها :وانا فطريج دقاايق وبكون عندج
مريوم :اوكي خلاص
وسكرو الخط ^^
مها : انور اسسسرررعع
انور : لا بابا مايخلي انا يسرع
مها : يلا عاد بابا مايشوفك
نورة :هي انور كشخه اسرع
غاية :عطاا رييس انور
عاد خبلو انور لين ماخترش وسرع وحااله كاانو صدق مرتبشين
وصلو صحارى ونزلو غاية راحت ويا نورة ومها راحت بروحها ,, مها طرشت حق نورة مسج كتبت لها [ غايو فديتج لاتخلين نورة بروحها اوكي ^.~]
غاية ردت [ من عيوني ]
مها كانت مستاانسه من الخاااطر بتشوف القلب.. دقت لها
مريوم :الو
مها :حياتي وينج ؟!
مريوم : فستار بكس
مها :خلاص احين بيج
وسكرو ومها على طوول راحت صوب استار بكس وشافت مريم ويلست صوبها
مها :مرحبا
مريوم:مرحبتين
مها :شحالج ؟
مريوم :تمام ومن صوبج
مها :يسرج الحاال
مريوم :دووم
مها :وياج ,, طلبتي شي ؟
مريوم :نوو
مها :اوكي شو تحبين اطلب لج ؟
مريوم : اي شي ع ذوقج
مها :اوكي خلاص
راحت مها وطلبت موكاا واكسترا جوكليت واكسترا كريمه واكسترا كرمييل
وعقب يابت ويلست صوب مريم
مها : احب موكا وااايد !
مريم : انا مااعرف شي عن هال سوالف
مها : اها عيل انا بعلمج ^.~
مريم :هههه اوكي
مها :فدييت هال ظحكه
وتمو يسولفون وجي ومها فجأهـ شافت غاية ياية صوبهم !
مها :وييييييين نورة ؟!!!
غاية :ماادري ظيعتها !
مها : شووووو ؟!
!! نورة ظااعت !! بس ويين راحت ؟!
يعني ظااعت وماراح ترجع موول ؟!
ولا هي ظيعت عمرها ؟! ولا خطفوها !
وشو راح يصير فيها ؟!!
ومها شو بتسوي !!
وبتدخل شخصيآت ثانية فالقصة !؟
وراح يكون لها دوول كبير ولا .؟!!
وابو مها ليش ماسمعنا له حس شو صار فيه بيرجع ولا خلااص ؟!!
واايد اسأل صح ؟!! 
يلا اتريآآ توقعااتكم ^^ وراايكم فالبآآرت ^^