[Ms.KuwaiT]

السلام عليكم ..
قايله مراح أرد إلا مع تطبيق و أمثله و كواليسي ..
لكن ،، شكلي مطووله /: ..
مادري يمكن لأنه مخططه إني بنزله فمو عارفه أفكر ..
أكون مفكره أسوي شي ، و أصور شي ثاني ..
و أغلب صوري كانت تصوير تجريدي مو الحياة الساكنه ..
الشي اللي طلعت فيه صورة الورده اللي حطيتها بموضوع خيوط الضوء ..
و مو مقتنعه إنها تناسب الموضوع ، أو إنها تصلح لمثال ..
لأني ما كنت مخططه لها ، و لا حاطه ببالي ورد .. و الفكره اللي بالي ما ضبطت ..
فيعني تقدرين تقولين فكره بديلة مو أصليه ^^؛
بالنسبة للخلفيات ..
مثل ما قلتي ورق A4 ، أبيض أو ألوان ثانية .. عندي هو أحسن شي ..
و لا مره جربت عبايه - شكلي من بعد كلامكم بجرب - ، أو لا حتى جربت قماش ، مرات أي رف أي طوفه أي خلفيه ساده ..
عندي بوسترات للتصوير من سنة ! اختفوا ، ما لقيت إلا واحد أسود و صورت عليه الوردة الحمره ..

بالنسبة للإضاءه ،، عندي إضاءه الشمس أحسن شي ..

جربت أحط ليتات من كل اتجاه عشان ما يطلع ظل .. ما عجبني

جربت إضاءه بعيده ، و إضاءه خافته .. شمعه أباجوره كله .. ما عجبني ..

يا لمعه يا انعكاس الليت يا ظل ..

عالعموم هالشغلات ممكن الواحد يتخلص منها بالفوتوشوب ..

مره جربت اخلي الاضاءه على الخلفيه ، و محيت تأثير الليت و بقعه الضوء بالفوتوشوب .. و فكيت نفسي ..