السلام عليكم ..
صح معناتها : be right back
و هم يوم يكتبونها بالانجليزي مختصره ما يكون معناها اللي هو : بـ رب ، بالعربي ..
لو يبون يقولون بـ رب ، نفس المصحف بأحرف انجليزي جان صار الاختصار : Be rab .. مو brb
يعني كل ما شفنا كلمة مختصره ندورها بالمصحف عشان ما نقولها ..
يعني هذا كلامهم و طريقتهم باختصارهم للكلمات من سنين و هذي الكلمات موجوده من سنين ..
و الغريب انه مدورين اسم الرب ، مع حرف الجر يعني ياريت اسم الله بدون اضافات !!
و حتى هم عندهم رب يعني ! شنو الفايده يغيرون و يتعمدون ! و لا عشان هي كلمة موجود بالمحصف !
يقدرون يسوون كذا شي و كلمات غير بالمصحف مو على هالاختصار يعني !
لو هم متعمدين جان سووا اشياء ثانية غير هالتفكير إلا ما يكتشفه إلا العبقري اللي مطلع هالموضوع !
اكيد واحد سرحان و هو يقرا و شاف كلمة برب و تذكر اختصار المسنجر ، و قال افتي ..
يعني الواحد يفكر شوي و يقلبها بمخه ..
لي هالدرجة الناس صار تبي تحس انها مستهدفه و مظلومه بأي طريقه !
هذا مو دفاع لا عن الغرب و لا عن أحد ، و لا أقول انه ديننا مو مكروه أو مستهدف ..
لكن إنه الواحد يسرح و يشطح و يقول إنها تسقط غضب الرب ! يعني لا يحط بذمته !!
و الشخص اللي يكتبها بالعربي برب ، ما تكون نيته شينه و الله عالم بنيات الشخص و مقاصده !
اذكر انتشر موضوع قبل جم سنة عن كلمة باي حرام ، و نزلت فتواي تقول انها حلال ..
و هذي الفتوى لو تبين تقرينها ..
|
 |
وإذا نظرنا إلى النطق القديم لهذه العبارة تظهر لنا المشابهة بينها وبين (goodbye):
God be wy you
god b'w'y
godbwye
god buy' ye
good-b'wy
ثم تم إبدال كلمة (God) وهي بمعنى "الله" بكلمة (good) وهي بمعنى "الخير"، وتم هذا بطريقة القياس على عبارة أخرى: (good day) وهي بمعنى "صباحُ الخير".
أما كلمة (bye) فإنما هي اختصار لـ(goodbye). وهي للمخاطبة الشفوية وغير الرسمية فقط.
وأما (bye-bye) فإنما تأتي بطريقة تكرار (bye). وهي دون (bye) في مستوى الاحترام وغالبا تستخدم مع الأطفال.
فليس في أصل كلمة (goodbye) ولا كلمة (bye-bye) صبغة كنسية أو عقيدة دينية مخصصة.
والله أعلم.
أجاب عليه: سامي بن عبد العزيز الماجد
|
|
فيعني لو كان الرجوع لأصل كلمة باي يعني إنها حلال ، فالرجوع لأصل كلمة برب ، يعني إنها حلال ..
ياريت يكون العنوان ألطف من جذي ، على الاقل يكون انتبه من كلمة برب ، و المحتوى يقول قد يكون المقصود منها برب الفلق ..
و أتمنى تكون وصلت وجهة نظري