..خالد واهو يحوس بالممر رايح راد
واهم على هالحالة جو عمانه كلهم
بو فهد:وين حمد شفيه..؟!!
حنان أول ما شافت عمهــا زاد بجيها وقعدت تشاهق وتبجي
بو خالد:شفيج حنان حبيبتي شصاير خالد فهمنا
بو فيصل:تكلم يا خالد ترى احنا جايين هني ومو فاهمين شي..!!
خالد مرتبك:شتبوني اقولكم اذا انا مثلكم مو فاهم شي
ابو خالد:حنان شسالفة شصاير..؟!!
حنان تبجي وتشاهق لا يتكلمون زياده قاعدين يحسسوني بالذنب اكثر آآآآآآآه يا قلبي شلون بقولهم اني ما أقصد والله ما اقصد
بو خالد حس ان السالفة جايده ففضل يسكت
دق بو خالد على ام خالد يمكن يكونون عرفوا السالفة
ابو خالد:السلام عليكم
ام خالد ببجي:وعليكم السللام
ابو خالد:شفيج شصـاير..؟!!
ام خالد:السالفة يا بو خالد حنان كانت ما خذه سيارة حمد تتمشى فيها مع مروة داخل المزرعه وشافت حمد وقاعده تلحقه بالسيارة واما قدرت تسيطر ع السيارة وصار اللي صار
ابو خالد بصدمه:لا حول ولا قوة إلا بالله
ام خالد:يا ابو خالد ام فهد تبجي وتون وحالتها ما تسر شلون ولدها الحين
ابو خالد:والله لمن الحين ما طلعوه
ام خالد باستسلام:اذا صار أي شي دقوا علينا ترى ننطركم
ابو خالد:خير ان شالله مع السلامة
ام خالد:مع السلامة
ويرد بو خالد عند اخوانه واهو حاس بذنب بنته ويمكن هالشي يشتت العايلة
بو فهد:ها بشريا بو خالد عرفت السالفة
بو خالد مرتبك ما يدري شنو يقول:والله يا بو فهد مادري شقولك..؟!!
بو فهد حس الموضوع كبير:خير عســى ماشر يابو خالد تكلم
بو خالد:والله البنات كانوا ماخذين سيارة حمد حنان تطالع ابوها بنظرات ترجي انه ما يكمل ويزيد بكاها
بو خالد صد لنظرات بنته اللي تعور قلبه بس لازم يكمل غصبن عليه مو طيب
يكمل:وحنان كانت تسوق فيهم شافوا حمد من بعيد قالوا يبون يتغشمرون وياه ولحقوه بالسيارة وطاح حمد ع الأرض وحنان ما قدرت تحكم بالسيارة و صار اللي صار سامحنا ياخوي
بو فهد وهو مو مصدق:شنو ولدي لو يروح منــي مرح أسامحكم والله ما أسامحكم يا بو خالد
حنان انصدمت من كلام عمها ما توقعت جذي بس اهي اللي سوته مو شوية
حنان ودموعها تنزل على خدينها:عمي انا السبب اذبحني انا مالك شغل بأبوي ابوي ماله شغل انا يا عمي سو فيني اللي تبيه
بو فهد حز بخاطره:ما أقدر يا حنان حبيبتي انتي مثل شوق عندي وانا ما كنت اقصد هالكلام كنت منصدم وما كنت اقصد السالفة جذي ان شالله حمد بيقوم بالسلامة
ومــرت ساعتين واهم علــى هالحــآل..
..بالمزرعهـ..
..هديل:لا حول ولا قوة إلا بالله
دلال تبجـي بصمت
شوق تبجـي من صوب على اخوها وهديل تهديها
مروة غــآبت عن الكل قاعده عند الشجرة اللي كانوا عندها وتبجي وتون
مشعل يلمح اخته من بعيد
مشعل:مروة حبيبتي خلاص ان شالله ما فيه إلا العافية
مروة ترتمي بحضن أخوها كانت منتظرة هالحضــن اللي يخفف من آلامها ومن خوفها
مروة بصوت متقطع:وحـ ـ ـ نـ ـا ن..؟!!
مشعل:شفيها حنان عمي بدر يحبها مثل ما يحب شوق ومن صجج عمي بدر بيقاطع عمي جاسم عشان بنته شكو ما اتوقع وانتي تعرفين شكثر عمي بدر يحبكم انتي وحنان وشوق ويدلعكم مستحيل صدقيني مستحيل
مروة هدت شوي من سمعت كلام اخوها اللي يرد الروح
مشعل:يلااا قومي الحين غسلي وجهج وروحـي عند شوق مسكينة منهارة
وبإنتظار دام طويل طلع الدكتور وجهه ما يبشر بخير
وين والد حمد
بو فهد:بشر دكتور
الدكتور:تفضل معاي
ويروح بو فهد معاه وهو خايف على ولده حبيبه
الدكتور:كل شي بهالدنيا قضاء وقدر وقال الرسول صلى الله عليه وسلم من كمال الإيمان ان تؤمن بالقدر خيره وشره
بو فهد خاف من كلام الدكتور:تكلم يا دكتور ما يحتاج هالكلام
الدكتور:حمد فقد الذاكرة نتيجة نزيف حاد بالمخ واحنا وقفنا بعد صعوبه كبيرة وما يقدر يمشي لازم يخضع لعلاج يمكن يستمر سنتين او اكثر وركبناله صيخ لأن السيارة مشت على جنبه الأيسر فقط وهالصيخ نشيله ان شالله بعد 6 أشهر
انصدم بو فهد حبيبه حمد توه بعز شبابه وقوته يصير فيه جذي بس بو فهد كان فيه ايمان قوي:اللهم لا اعتراض اللهم لا اعتراض اللهم لا اعتراض
بو فهد:أقدر اشوفه الحين يا دكتور
الدكتور:إي تفضل بس نفس ما قتلك ما يذكر شي واحنا نوقف النزيف يكرر اسم حنان
ابو فهد:إي بنت عمه حنان عن اذنك دكتور ابي اشوفه
الدكتور:تفضل
راح بوفهد عند اخوانه واللي فزت حنان اول ما شافت عمها جاي
بو فهد:لا حول ولا قوة إلا بالله
بو خالد:عســى ماشر يابوفهد..؟!!
بو فهد:والله شقولك يا بو خالد حمد فقد الذاكرة وما يقدر يمشي إلا بعد سنتين من العلاج
حنان تجمدت بمكانها انا السبب انا السبب بيكرهني حمد دمرت حياته هدمت مستقبله كله مني ومن غشمرتي المليقة اللي نفس وجهي انا السبب وتبجي
حس بو خالد ان احد صب عليه ماي حار
بو خالد بحزن وقلة حيلة:إن شالله بيرد نفس أول واحسن
بو مشعل:وينه نقدر نشوفه ألحين..؟!!
بو فهد:يلااا مشينا
يقومون كلهم إلا حنان اللي ما تحركت من مكانها وعمانها راحوا بدون لا ينتبهون لها
حنان انا السبب الكل الحين يكرهني واولهم حمد انا هدمت حياة انسان بعز شبابه ومراهقته حرام علي انا السبب
وراحت تلحق عمانها وقفت عند باب الغرفة وتبجي وتبجي وتبجي انا هدمت حبيبي اول مرة اشوف وحده تهدم حياة حبيبها هذي انا انا الوحيدة اللي بهالعالم سويتها انا اللي خليته ينساني عقب ما كان يحبني انا السبب ابيهم يطقوني يزفوني يسبوني يذبحوني ولا يقعدون جذي ساكتين حرام عليهم ابيهم يسون فيني شي تعذبت بسكوتهم
طلع بو خالد وشاف حنان عند الباب ودموعها تنزل وعيونها منتفخه وحمرا من كثر البجي
بو خالد:حنان يلا ما تبين تشوفينه من منساع واهو يناديج يقول حنان وحنان
حنان:؟؟؟؟؟؟؟؟؟؟؟؟؟؟!!!!!!!!!!!!!!
بو خالد يكمل: حتى الدكتور يقول واحنا نوقف النزيف يقول حنان ابي حنان
حنان:.............
مصدومة مو مستوعبه اللي يقوله ابوها
اخاف يجذب علي ابوي عشان يسكتني ولا يتغشمر معاي لأ ما أصدق
بو خالد ويهز بنته اللي دموعها تنزل واهي مصدومة خاف على بنته:حنون حبيبتي يلااا دخلي
حنان بخوف ودموعها متواصلة
تدخل عند الباب شافته متدد بسرير أبيض ولافين راسه ووجهه في خدوش وايده مجبسينها
حمد بصوت واطي: يبا ابي حنان هذي حنان..؟!!
بو فهد:إي يا يبا هذي حنان من منساع واهي تبجي عليك تقطع قلبها
حنان مو مستوعبه اللي يصير جدامها ودموعها ما زالت تنزل ومرح توقف
طلعت بره الغرفةواهي تبجي وتشهق كل هذا اللي سويت فيه ومسامحني واهو فاقد الذاكرة ينادي بإسمي
بو خالد استأذن بيرد البيت لأن حالة بنته ما تسر أبد
بو خالد:حنونه حبيبتي يلااا بنرد البيت
حنان:لأ يبا ما بي اروح
بو خالد:لا مايصير يا حنان نبي نروح نرتاح
حنان:لأ يبا ابي اشوف حمد شوي
بو خالد:يلااا روحي
حنان تمشي وتجر رجلينها اللي خاذلينها وتسحب دموعها اللي ما رضوا يوقفون
وقفت مرة ثانية الغرفة وكان فيها بو فهد بروحه لأن الباقين ردو المزرعه ياخذون الأهل
حمد بصوت كله تعب:شفيج حنان رحتي منساع..؟!!
حنان:...........
حمد:حنان ابيج تقوليلي شصار فيني ابوي مو راضي يقولي
حنان مصدومة:............
حمد:حتى انتي ما تبين تقوليلي خلاص كيفج ما اغصبج
شنــو..موقــف..حنــآن..من..بعــد..رد..حمــد..؟!!
..وشنــو..اللــي..ممكــن..تسويـهـ..حنــآن..حــق..ح مــد..؟!!
..وهــل..حنــآن..بتكــون..المذنبــهـ..؟!!
..وشنــو..ردة..فعــل..شوق..لمن..تعرف..اللــي..مسوي تــهـ..بأخوهــآ..؟!!
..وفيصــل..وسـآرهـ..خربت..سهرتهــمـ..الليلــهـ..
وشنــو..الحــدث..اللــي..بيقلــب..حيـآتهــمـ..شقــ آ..؟!!
..وهديــل..هــل..بتنتظــر..خـآلد..وهــل..بتعرف..مش ـآعرهـ..تجــآههــآ..؟!!
..كــل..هــذآ..بالبـآرت..اللــي..عقبــهـ..
..ســآمحونــي..بنــآت..البــآرت..صغيــر..
..لكــن..ان..شــآللــهـ..مــرهـ..ثــآنيــهـ..أنزل. .أطول..^^
..تقبلــوا..حبــي..
..جـــوجــو..^^