فيصل:مااهدج إلا لمن تعطيني حواوا كبيييييييرة مثل ما تعطينها مشاعل قبل لا تنام..!!!
سارة بقلة حيله:فيصل بليل عند الشجرة مو الحين خلااااص عاد حرام عليك
فيصل استانس:مدام عند الشجرة رااااااااااضي"ويغمزلها"
تروح سارة عند الحريم واهي مبتسمة وبقلبها ينبض حبها لفيصل
...............
حمد واهو كاشخ على الاخر:يلاااا بنات ما تبون تروحون..؟!! شوق:ونااااسة يلاا صبايا
مروة بدلع:حمد نبي نسوق تكفــــــــــــــــــــــــــــى
هديل:يلااا عاد حمد
حمد:حريم شنسوي يلا
شوق:أنا الأولــى
ووراها دلال ووراها هديل
حنان:حمد نبي نقطكم ونتمشى بالسيارة انا ومروة داخل المزرعه
حمد:لا والله حلوة هذي
مروة:يلااا عاد تكفى حمد
حمد:لأ لأ انا اخليكم تسوقون وخلااااص
مروة:والله اعرف اسوق وجربني اذا تبي
حنان:يلااااااا عاد
حمد :بحسبلكم نص ساعه بس وتتمشون بس بالمزرعه داخلها فاهمين
مروة وحنان مستانسين:إنزيـــــــــــــن
وعطاهم حمد السيارة ونزل المزرعه وراح عند عيال عمه
مروة وحنان مطولين ع الأغاني ويتمشون
حنان واهي تسوق:ونااااااااصة
مروة:والله صج وناااصة
حنان:إي والله وناااااااصة
مروة:أقول حنون شرايج نروح ننحاش فيها
حنان:والله نروح فيها لندن ونولع ذيج الزقارة
مروة:إي والله لا حسيب ولا رقيب شرايج..؟!!
حنان:هههههـ عشـآن من اليوم الثاني احنا بالمقبرة
..مروة:خخخخـ..
حنان:أوه حمد شرايج نخرعهـ..؟!!
..مروة:يلاااا
وحنان تقرب من حمد وتلحقه بالسيارة واهو يركض:"
يالهبلة لأ وتلحقه وتضحك عليه جان يطيح من كثر سرعة حنان واهو يركض حيل وحنان ماقدرت تسيطر على السيارة وداست السيارة على جنبه الأيسر والسيارة تمشي ومروة تصرخ:شسويتي وقفي يالهبلة
وما قدرت تسيطر ع السيارة منصدمة ما تبي تنزل وتشوف الحقيقة ما تبي تنزل وتشوف انه صج دعمته ما دعمت شي ثاني او مشت يمه
حنان مو مستوعبه وبالأخير قدرت تسيطر على السيارة ووقفتها
نزلت مروة واهي تصرخ وتبجي
وحنان ما زالت بمكانها ولا هي قادرة تمشي أو بالأصح إنشلت رجولها بهاللحظة
خالد واهو طالع من الخيمة سمع صراخ وراح ركض جان يشوف حمد ممدد ع الأرض والدم حواليه ومروة يمه وتبجي وحنان بالسيارة..!!!!!!
استغرب خالد ولاهو فاهم شي
خالد:شفيه..؟!!
..مروة بصراخ وبجي:حنان
ولا هي قادرة تتكلم من الخرعه والخوف اللي محاوطها
خالد شال حمد وحطه بسيارة حمد لأن سيارته عند الخيمة فـ أسرع وقال حق حنان تقعد ورا
حنان لحد ألآن ما نزلت منها دمعه تلف تشوف حمد والدم وتلف مرة ثانية وبالأخير قعدت تبجي وتصرخ بطريقه هستيرية:لأ حمد انا آسفة والله آسفة مــآدري كنت اتغشمر وياك تكفى
خالد يحاول يهديها:خلاص يا حنان بس اسكتي
حنان واهي تصرخ:خالد تكفى قوله والله آسفة مــآ كنت أدري خالد يمكن اهو يسمعك الله يخليك
وتمسك ايد حمد وتبجي:حمد قوم سامحني والله اني احبك حمد الله يخليك قوم رد علي تكفى
وتطلع كل اللي بقلبها ولا داريه باللي حواليها نست الي قاعد جدام نست كل شي اهم شي حمد الحين
وتستمر توسلات حنان واهي تتشهق
خالد عوره قلبه وما هو قادر يتحمل واهو دايس حده وبسرعه جنونية وكل ما يمر يم كاميرا تصوره واهو ولا مبالي
حنان تشوف دم واجد قاعد ينزل من راس حمد واهي كانت لا بسة جاكيت قصير لونه ابيض قطته وحطته على الجرح وصار الجاكيت لونه احمر غامج من كثر الدم اللي ينزف وشالته
وحطت كم نفنوفها عليه واهي تبجي:حمد آسفة قوم خلاص والله سامحتك لمن جيت بالخيمة و قعدت تطالعني والله اني راضيه والشعر اللي قلته لمن كنا قاعدين نقول كنت اقصدك والله يلاااا تكفى قوم مااقدر اعيش من غيرك حمد قوم تكفى حمد تدري ابوي كله يقولي ان تكفى تهز الرياجيل ما هزتك يا حمد تكفى الله يخليك ترضى يا حمد اني اترجاك وما ترد علي
وتستمر حنان بالبجي تبجي حبها اللي تو انولد اللي ما أكتمل نموه وعلى وشك النهايه.."الولاده"حبها اللي قبل ساعات انولد وما استمر إلا ساعات معدوده وبالأخير يموت لأ مــآ يصير ليش الدنيا جذي ليش دايم تاخذ اعز الناس لقلوبنا ولنا ليش..؟!!
وصل خالد المستشفى ونادى بالدكاترة وشالوا حمد وحنان تبجي وتقطع قلبها على اللي قبل شوي صار حبيبها
ويركضون الأطباء وحالتهم حاله وعلى طول غرفة العمليات
خالد متوتر من حنان وبجيها واهم قاعدين ينطرون
حنان ببجي واهي مغطيه وجهها بإيدنها اللــي كلهــآ دم:أنــا السبب سامحني يا حمد كله مني حمد اسفة اسفة اسفة اسفة وقامت تردد هالكلمة واهي تبجي
خالد مل من بجي حنان وكلامها اللي يعور القلب
خالد بصراخ:خلاص يا حنان الحين بيطلع ما فيه إلا العافية شفيج..؟!!
حنان ودموعها اللي على خدها: لو تدري انت منو حمد بالنسبة لي جان ما قلت هالكلام
وتكمل نوبة البكاء اللي اهي فيها
عند مروة والأهل بالمزرعهـ
مروة دخلت على الحريم واهي منهارة وتبجي بهستيرية
قامت ام مشعل:بسم الله اسم الله عليج جيبوا ماي
ام فهد:خلاص يا نيتي شفيج..؟!!
مروة عقب ما شربت الماي:حمد
ام فهد تحط ايدها على قلبه:شفيه وليدي
مروة وبصوت متقطع من البجي:بالمستشفى
ام فهد بهلع وخوف:مع منو شفيه..؟!!
مروة:خــ ـ ـ ـالـ ـ ـد و حنـ ـ ـ ـا ن
وتدق ام فهد على ابو فهد وتقوله ويقومون العمان كلهم واهم مو فاهمين شي ولحقوا خالد وحنان
خالد ويحط ايده على جتف اخته:حنان حبيبتي خلاص الحين بيطلع ما فيه إلا العافية تفائلوا بالخير تجدوه
حنان:.................