[بشائرالخير]

ليلي تحندس وانطفى نور الاشراق .. وقامت هواجيسي تجر المواويل
..

هذي قصيده غم ! من داخل اعماق .. جرحٍ تجسٌد "صورتي" بالتشاكيل
..

بوحي روايه تسكن فبيض الاوراق .. أبطالها : نزفي .. وهمي .. مع الليل
..

((لا بارك الله فالحزن يومه اشتاق .. يحضن علامات التعب والتعـــاليل))
..

الحظ طايح .. كم له سنــين ما فاق .. وازريت اشعشع بالتفاؤل قنــاديل
..

فرقا امل دنياي ! ما بعده فراق ! .. مليت اقول ان العوض في المقابيل
..

مشكلتي أكبر من " تخاريف " عشاق .. ( مشكلتي اني غـــير عن باقي الجيل )
..

اضحك واجامل والحزن وسط الاحداق .. يكشف ملامح عبرتن كانت تسيل
..

((أكبر غبينه تقتل القلب بإحراق .. لا صرت كاتم ! وفضحتك الهـــــــــماليل))
..

ياذا الشقا مره ابي لين بإشفاق .. تعبت اشيد للبلاوي تماثــيل
..

الضيق ! حتى الضيق ! في داخلي ضاق !! .. ماعادت متوني تشيل البهاذيل
..

شربت من جنس البشر كل الاذواق .. ياكثرهم حولي بوقت التساهيل
..

أثر المصايب تملك أسرار وافاق ! .. واكبر دليل انها كشفتلي رياجيل
..

ضميني اكثر يالمواجع بالاعناق !!! .. دام الزمن " حاتم " يجيب الغرابيل
..

إرهاق .. كلي صاير ارهاق بإرهاق !! .. حالت مقاديري تجــيب المحاصيل
..

مشكلتي ادري !! ما ورى ليلها إشراق .. لاصار ما يصلح زماني مع الجيل

المصدر: منتديات بنات دوت كوم

---

i`d rwd]m yl lk ]hog hulhhhhhhhhr

الموضوع الأصلي : هذي قصيدة غم من داخل اعمااااااااق || القسم : سجن بنات دوت كوم || المصدر : منتديات بنات دوت كوم || كاتبة الموضوع : بشائرالخير