و عليكم السلام و الرحمة
أخيرًا نزل موضوع ثالث ~
مبروك × 3
على التخرج ، الكتاب ، القبول
+
و يعطيج العافية × 3
+
على التعب بالدراسة ، التصميم ، الموضوع
+
تسلم إيدج × 3
على التصوير ، و الأفكار ، و الإخراج
يعني بما إنج علمي لازم نحاجيج بلغة المعادلات و الرياضيات p;
و بما إنج متخرجه من ثالث فكله مضروب بـ 3
==========
الغلاف مو تصميمج يعني ؟
مو إلا نعلق عليه ppp;
لووووول لاجد ملائم مع ستايل الكتاب ككل ~
الرسمه تعبر عن فرحة التخرررج من قلب
و خاصة فتحة إيده ، شكله جنه رافعينة إللي تحته و طاير بالهوا من الفرحه D=
إلا علامة التعجب إنتي حاطته ؟ا
علامتج المفضلة هي ! و هذي الفاصلة الطايرة ‘
المقدمه حيل مؤثرة
ذكرتني بأشياء قديييمه
و الله لو كنت توني خريجه جان بجييت
بس الحين خلاص ودعتهم من زمان
و قل الحزن و ألم الفراق بس الحنين موجود
ألوان المقدمه شي شي
أحب الفوشيا مع الأسود
لون غااامج ناس تربطه بالكآبه
مع الفوشي الحيوي و الملفت
و الخلفية المزخرفه جنه ستايل الزيبرا
يعني ستايل كشوخي (؛
==========
باقي صفحات الكتاب
أنا متأكده راح يطلع حلو من أول ما قلتي عنه
و صج طلع يهبل ، و يفتح النفس وستايل كوول
و ألوان فرايحيه ، و الخطوط المنوعة مخليته مميز
أستخف على شي منسق و ملوون جذي
فكرة مكاني في الفصل حيل مميزة ما شفتها بكتاب تخرج من قبل
ذكي إللي فكر فيها ..
==========
صفحتج
ليش 26 ، المفرووض إنتي أول وحده و الله ما يصير أحتتتج ><
عسى بس الأبلات آخر ناس ، عشان أسحب اعتراضي pp;
--
حتى بكتاب التخرج التعجب و الفواصل ^.^ باقي التمطيط
شكلج ودج تسوينها بس الصفحة ما تكفي بعدين
من أولها كيندر ، ترا يقولون انهم من ضمن المقاطعة p;
خاصه بوينووو عاد
و لا بعدها قهوة عربية شتان مقاطعة و عروبه ppp:
مقولة أحب المبدعين و لست منهم ، هذي تأليفج و لا سامعتها و عاجبتج ؟
كلمة دايم على لسانج ليتج حاطه الموضوع قبل لا تحطين اختبار الشخصية اللي عنج
جان نقيت إيه صح ، ، بدال ما انقي ما شاء الله ^^؛
إي أمنياتج مو طالعين كلهم ، الكلية و الوظيفة و شنو .؟
أما التواصل جنج مدمنة منتديات ، كاتبه شكله بالمنتديات بعد (=
إلا رقمج بالصورة الكبيرة باين ، حتى تبين أتصل عشان تصدقين p;
لووول لا أبي أعقدج عقب الشسمة
و الله شكلج تعبتي و انتي تمسحين مخليه بقايا أرقام
دققت وايد صح ؟، هذا و أنا بعدي ما قلت إنه الباند إللي بشعرج ملون لايق مع الصفحة لووووووووول
========
باقي الصفحات
قريت كل شي يُمكن قرائته ، لو تصورين الكتاب كله هم أقراه كله
حدي مندمجه ، حلو تقرين الالقاب و الألوان المفضلة و الميول لكل بنت
حتى لو ما تعرفينهم بس وناسه ، لقافة بنات لوووول
أحلى كلمة وداع عندي مالت فارسة بلا وجود
أما كلمة وداع إسراء ، هذي يكتبونها بدفاتر الاتوغراف لوول خاصه كلمة ناقوس يكتبونها لي من أيام الابتدائي
و ما أفهمها !
و الله لي الحين مادري شنو تصدقين !؟
بس هو شي يدق شي ، دقي عليها سئليها لوووول
==========
لووووووووووووووووووووووول تعليقج على الأبلاات
ترا أبلة حنان كاتبه هالبيت لكل الدفعات لا تفرحون p;
لو أقدر أقراه عدل جان دورته بقووقل >> شفيج محتره !
==========
إمبين إنج تعبااانه حييل :""(
كل صفحة ستايلها غيرر يعني مو مجرد تغيير الكلام و خلاص
يزااج الله خير عن جد تسلم إييدج
أتوقع باجي الصفوف تحسفوا إنج مو بصفهم p;
==========
عجييييبة فكرة المكووونات هم ذكي إللي مسويها
و طريقة كتابته شبابية كوليه مثل توبكات المسنجر إللي يكونون بخلفية ملوونه (؛
عبارة ترايخ الصلاحية رووووووعة حيل عاجبتني
==========
باقي تصويرج أبي أعلق عليه بس بمكان ثاني
طووولت واايد ..
عالسريع قبل لا أنسى
مقلمتج عجييبة جان زين عندي مثلها !؟
و خطج كبرااان بالسبووورة ؟!؟
الكلام اللي كاتبينه على الجدول عن الضغط و النفسية و إلخ .. يعوور القلب و الله
و هم ما عجبكم ، ما بقى مادة مو مشخطين عليها باختلاف الفترات كلهم مشخطين
جدول لعبة
O ×
مو جدول مدرسه !
اللزاق بروحه أزمة نفسية شفيه جذي !؟
و المساحه شكلهم خاشينها لما أختج توصل ثالث p;
==========
عذرًا على الإطالة
بس انا مستانسه و أنا أعلق
و اندمجت جني أسولف شفويًا مو قاعده أطبع !؟
و لا تردين علي رد طويل و لا تعلقين و تتعبين نفسج كافي الكتاب هذا بس :"(
ثانكس عَروب على مشاركتنا كل شي خاص و مميز عندج (F)