ومــرت الأيـام لمــن صار يوم الخميس اللي الكــل كان ناطــره وأولهــم هديل بتشوف خالد واخيرا هديل واهي سرحانة ياااااااااي مو مصدقة اليوم بشوفه وربي اني اشتقتله حيييييل اشتقت لغشمرته لمن صك علينا الكشافات واحنا نتسبح اشتقت له لمن كان يعصب لمن نتأخر بالقهوة والجاي اشتقت لمن يطفر حنان اخته اشتقت له لمن قعد يحص فينا والله مو مصدقة اليوم بشوفهـ
حنان:ألو قوة مروة
مروة:هلااااا والله
حنان:وينج طلعتوا ولا لأ..
مروة:لأ ابوي قاعد يحط الأغراض بالسيارة
حنان:أشووووووووووه إنزين تكفين جيبي معاج بندول الباكيت الأحمر عندج..؟!!
مروة:إي عند دلال
حنان:انزين جيبيه معاج لا تنسين
مروة:أوكي انتوا وينكم
حنان:احنا بالطريج
مروة:اوكي يلااا باي
حنان:باي
اول من وصل ابو خالد
وكان كل من يجي المزرعه يقط الحريم عند الشاليه ويروحون الرياجيل الخيمة
ام خالد:حنون روحي فجي الخيمة
حنان:الحين بيجون الناس وانا بغبرتي وصاختي
ام خالد:قومي بس قومي بسرعه قبل لا يجون
حنان:أففففففف زين
ام خالد:بسرعه لأن عمج بدر بالطريج
راحت حنان واهي حاطه ملفعها على جتفها ورافعه شعرها ذيل حصان
حنان:مو انا اللي ابتلشت مفقعتهم من صباح الله خير وجينا اول ناس هذا جزاي والله
حنان تبي تروح عن نفسها شوي قعدت تغني
حنان:
سلام العشق وأعماقه ...
يضمالقلب وأشواقه ..
تجيك الروح مشتاقه ...
وتهديك القصيد ألوان ...
بنفس هاللحظة وصل بو فهد وعياله
حمد لمح حبيبة قلبه:يبا قطني عند الخيمة بعدين قط امي وشوق
بوفهد:تبي انزل هني
حمد نزل وراح عند الخيمة وراح بو فهد يقط الأهل عند الشاليه
حنان:
علىدرب الهوى جينا ..
من أول ما تلاقينا ...
تغير كل ما فينا ....
وعشنا فرحةالأزمان ...
أفففففففففففف انا وحظي المقرود
حمد استانس يا سلااام تغني بعد بصوت واطي: جعلني فدوة لهالصوت والله
حنان حست بأحد ولفت لقت حمد واقف استحت ولبست ملفعها
واهي طالعه
حمد:سوري مو قصدي
حنان كانت حدها مستحيه طلعت ولا تكلمت
حنان واهي تمشي:يا سلام شافني بغبرتي وريحتي اللي تبط الراس ابيييييييييه والله فشلة وركضت دشت الحمام على طول وتسبحت ولبست نفنوف ناعم لونه اصفر فاتح وفوقه جاكيت قصير أبيض وتحته بنطرون وملفع سكري واهي تلبس ملفعها والله انه حمد حلو ماشالله كبر واحلو بس كان قليل ادب قاعد يغزغز ولمن انتبهت قال آسف خوش شي وطلعت ولقت الكل موجود إلا بيت عمها سلطان
حنان:السلام عليكم
الكل:وعليكم السلام
سلمت حنان وقعدت يم شوق
شوق:شلونج..؟!!
حنان:تمام الحمدلله وانتي شلونج..؟!!
شوق:بخير الله يسلمج
حنان:سارة وين مروة ما جت
سارة:يقولون بالطريج
حنان:اها
حنان:شوق امشي نتمشى بره
شوق:يلاااا
واهم طالعين ولا يوصلون بيت عمهم سلطان
حنان:هــلاااا
شوق:مابغيتوا تجون
ويسلمون على عمهم
مروة:اشوفكم نسيتوني
حنان:ما عاش من ينساج
مروة:احم احم وراج شي صـوـوـوح..؟!!
شوق:ههههههه اقول يلاااا امشوا
مشعــل منصدم هذي شوق بنت عمي والله كبرت من زمان مو شايفها يا حليلها
راحـوا البنات يتمشون ودقت دلال على مروة تقولها انهم حطوا الغدا وهديل قاعده على اعصابها ياربي متى بشوفه وين اختفى..؟!!
كانت بتسأل حنان بس تراجعت ابيه والله اني هبلة انا ماقلت حق دلال عشان اقولها..
مروة:لااااا الحين بيطلع فيلم تركي تمثل فيه لميس اسمه هذا ولدي مادري ولدي هذا
حنان:بعدين شوفي الإعادة ضروري يعني
مروة و مبوزة:لا هذي الإعادة خلاص روحوا وانا الحقكم..
طلعوا البنات وراحوا يتمشون حنان:بنات شفتوا الشجرة اللي هنااااااااااكـ دلال:الكبيرة ولا الصغيرة
حنان:لأ الصغيرة اللي ع الجنب
هديل:إي شفيها..؟!!
حنان:ههههههههههههـ قبل كنا سهرانين انا ومروة وكنا نتمشى ولا نشوف سارة وفيصل لا تشوفون اشكالهم كانوا توهم متزوجين
دلال:والله انج ما تستحين
حنان:ههههههههههههههههههههههههـ كان مشهد لا يطوف
شوق:هههههههههههههههههههـ والله انج خطيرة
دلال:بس انتي وياها اشوفكم استانستوا
مروة بصوت عالي:بنااااااااااااااااااااااااااااااااااااااااااا اااااااااااااااااااات
مروة بنفس متقطع:مـ الـ ـت عليكــ م لفيــ ت المـ ز رعه ياللـ ه لقيتـ ك م
مروة:حنون ابييييييييييه مالي وجه جدام اخوج خالد
فزت هديل من سمعت طاري خالد
حنان ودلال ماتو من الضحك:ههههههههههههههههههههههههههه
شوق وهديل:شنو؟؟؟؟؟؟؟؟؟؟؟
حنان واهي تضحك:شفتيه
مروة:جب زين جب أي شفته
دلال وحنان قعدوا يضحكون
هديل بنفاذ صبر واهي منقهرة شللي صار بين مروة وخالد قامت تغلي من داخل
دلال قالت السالفة حق هديل وشوق وكانت هديل منتبهه على كل كلمة تقولها دلال
شوق:ههههههههههههههههههههههههه والله ما تستحين
هديل تحاول تكون طبيعيه لأنها انقهرت واحترت هذا حبيبها خالد اللي تعشقه مو أي احد:ههههـ لا وبعد شتبي فيني تخطبني غصت هديل من قالت هالكلام لأن الكلمة كانت قوية بالنسبة لها
دلال:هههههههههههههههههههههـ
حنان:انزين ما قالج شي
مروة:لأ طالعني وقعد يضحك ولا يقوله مشعل شيضحك جان يقول خالد لا ولا شي
هديل حز بخاطرها:بنات انا بتمشى شوي بروحي وخلت البنات وراحت تمشي وين ما تجرها رجولها وقعدت تسترجع كل كلام مروة ويا خالد
تمنت اهي اللي كانت مكان مروة تمنت انها تنشق الأرض وتبلعها بعد كلام مروة قامت الكلمة تتردد
((ليش تبي تخطبني
ليش تبي تخطبني
ليش تبي تخطبني))
طردت هالكلمة وسبحت بحر حبه سبحت بعالمها الوردي اللي كل تسبح فيه تذكرت لمن كانوا صغار شلون كان يدافع عنها وكله يلعب معاها واذا راح البقالة يشتريلها معاه حلاوة
هديل:ياترى لمن الحين يتذكر الأيام الحلوة يتذكر شلون كان يدافع عني ويشتريلي حلاوة والله اني احبه اهو ليش مو حاس
:صدقيني يذكر
اخترعت هديل ونقزت من مكانها لفت ولا تلقاها دلال
هديل:وجع فضختي قلبي
دلال:هههههههههههههههههههه
هديل رجعت لحزنها لعذابها لآلامهــا لجروحهــا
دلال:منو هذا هدول ما توقعتج تخشين عني شي هذا وانا صديقة عمرج
هديل كافي اللي فيني لا تزيدين علي:أفااا ما عاش من يخش عليج
دلال:أوكي اسمعج
هديل:دلال انا احب خالد ولد عمي جاسم
دلال ومنصدمة:من متى..؟!!
هديل:بصراحه من كنا صغار