[حروف]

السلام عليكم و رحمة الله و بركاته









شايفين الصورة
قلت أحطلكم الصورة أول شي
عشان تتشجعون
لأن العنوان غريب
و اسم الأكلة غريب
معنكم تعرفونها كلكم
أدري كلكم مستغربين
و تقولون هذي اندومي
الله يسلمكم هذي صارت معاي قصة
و من جذي سميناها التحتية
و مثل ما تقولون كل طبخة أنا لازم عليها قصة
خلأقولكم قصتي بهالطبخة

قصتي :

في يوم من الأيام .. كانوا بنات عمي بيون عندنا
و كان الوقت ليل
فقالتلنا أمي يلا لازم نجهز العشا بسرعة
لأن جنهم يايين حق عشا .. قمنا نسوي و نرتب
المهم سوينا وايد أكلات
يعني بالحد المعقول حق الي يايينا
قعدنا سولفنا شوي معاهم ليمن طاف وقت
و قمنا نحط العشا
حطينا العشا .. و كانوا الخدامات يسلمو ايدينهم مسوين اندومي
و انا قاعدة يم الاندومي
و كل شوي اسال من يبي اندومي عشان احطله
المهم ..
أختي فديت قلبها .. راحت تستعبط و تقول حق بنت عمي الصغيرة عمرها سنتين
اسمها روان .. تقولها روان تبين تحتية >>> قصدها عالاندومي
و روان تقولها تحتية .. تحتية .. تبين تحتية >>> يعني هي تبي بس بلغة الأطفال

فشسمة .. كلنا ضحكنا ان سمتها اختي تحتية
و احنا ناكل كلهم قاموا يقولون تحتية .. حطيلي شوي تحتية يا حروف
ابي تحتية ماما
قومي وكلي اختج تحتبية
المهم صار اسمها تحتية .. و انا و اختي ميتين ضحك
طلعت اسم عليه و مشى
و بس .. قلت اعلمكم التحتية الي هي الاندومي على طريقتي الخاصة
انا مادري الناس شلون يسوونها
انا عندي وايد طرق .. و هذي وحدة من الطرق الي اسوي فيها التحتية الي هي الاندومي

ماذا نحتاج ؟

1- طماط مقصص إلى شرائج صغيرة
2- اندومي
3- زيت
4- معجون الطماطم

ماذا نعمل ؟


1- يتم وضع الطماط الي قصصناه على المقلة بدون زيت انتبهوا
>>>> نص فصحى و نص عامي

2- بعد ما نحس أن الطماط شوي انطبخ لمن نحس يعني .. نضيف عليه كوب ماي




3- نخليه بالماي شوي على النار .. على نار عالية مو خفيفة لمن تحسونه شوي قام يغلي
( ممكن أنكم تضيفون البصل و البطاط بس انا ماحطيت على حسب رغبتكم )

4- لمن يصير يغلي .. تضيفون عليه الاندومي




5- تخلون الاندومي على نار عالية .. ليمن ما يغلي و خلوه يغلي ليمن تحسون الاندومي بدا يلين و هو بروحه بتفكك عن بعض

6- عقب ما تحسونه بدا يلين .. تمسكون كل الصلصات و الملح و البهارات الي موجودين مع الاندومي و ان تبون تضيفون اي شي على حسب رغبتكم .. و تحطون كل شي فوق الاندومي



>>> أنا حطيت اكسترا فلفل عشان يصير لذيذ


7- عقب ما حطيتوا الصلصات كلها .. تقومون تحركونها بنفسكم و تفككونها عن بعض



8- تتركونها على النار .. ليمن يبدى شوي شوي الماي يتبخر

9- لمن يتبخر شوي شوي الماي مو كله انتبهوا لمن يبقى شوية ماي تضيفون عليها معجون الطماط .. و شوي مو وايد




10- تبدون تحركونها و تقلوبنها عشان ينخلط كل شي مع بعض



11- حركوها شوي على ما ينخلط كل شي مع بعض .. بعدين هدوها على النار من ثلاث دقايق الى خمس دقايق .. و شيلوها و حطوها بالصحن الي تبونه


12- الشكل النهائي

ملاحظة : كل ما تحسون الماي تبخر ممكون تزيدون ربع كوب ماي بحيث ما يكون وايد بس عشان الاندومي لا يجف

و هذي هي الاندومي على طريقتي الخاصة
طبعا هي سهلة و حلوة و لذيذة
أنا أحبها
و أختي دوم تقولي سويلي الاندومي بلمستج السحرية
و هذي طبخة يديدة
و قصة يديدة
يلا تعليقاتكم
و ماوصيكم جربوها ترى لذيذة
و قولوا حق اهلكم اسمها التحتية مو اندومي

و سلامتكم ~
حروف ~

المصدر: منتديات بنات دوت كوم

---

■ █ hgJJJJjJJJpJJJJjJJJJJdJJJJJm █ ■

الموضوع الأصلي : ■ █ الــــتـــحــــتـــــيـــــة █ ■ || القسم : "الأرشيف" مغلق || المصدر : منتديات بنات دوت كوم || كاتبة الموضوع : حروف