السلام عليكم و رحمة الله و بركاتهأكيد بتقولون شهالعنوان الغريب
و تفكرون شنو حلو الزرع
و أكيد صايرين جذي أنتو 
المهم خلأقولكم قصتي مع هالزرع الي زرعناه
انا و خواتي
بحطلكم الصورة
عشان تشوفون جهدنا المبذول
بقولكم شلون سويناه 
هالمرة مو ليلة رعب و لا حلو الرعب 
قصتي :
كنا معزومين انا و ماماتي و خواتي على حفلة
حضرنال الحفلة و كانت حلوة
و بسيطة و مافيها وايد ناس يعني
حفلة حق الاهل القراب بس
عقب ما قعدنا فترة طبيعي يكون في بوفيه بالاخير
كان البوفيه في الطابق السفلي
المهم نزلنا تحت .. كلينا و شبعنا
و ترسنا بطونا اكل 
عقب ما خلصنا .. ما كلينا حلوو بعدنا
فقالتنا وحدة يعني بعد ويانا من اهل البيت هي
قالتلنا تعالوا اكلوا الحلو
فمرينا و عطتنا اكواب صغار الي حاطتهم فوق اهمه
قالتلنا هذا زرع تاخذونه بالبيت و تزرعونه
انا طالعتها جذي 
و خواتي جذي 
مستغربين يعني هذا شي ما تعودنا عليه
ما خذينا ضلينا واقفين بمكانا مستغربين
و لقينا المرة يحليلها تضحك علينا و تقولنا هذا حلو اخذوا اكلووه
انا طالعتها
و ماخذ .. و خواتي ما ياخذون عطتني اياه بايدي و انا واقفة بمكاني
و اقولها مابي 
و هي تقولي والله ان حلووو اكليه و انا خايفة يطلع زرع
المهم كلينا الحلو .. و طلع لذيييييييييييييييييذ 
و بالنسبة لي خذيت 2 
و بس قلنالها تعلمنا شلون تسويه
و هي طريقة بسيطة و سهلة بس تاخذ وقت .. المهم سوينا انا و خواتي
و قلت اوريكم الطريقة عشان تخرعون الناس الي عندكم
المقادير :
1- 4 قيمر ( قشطة ) سواء معلبة أو طازجة
2- بسكوت أوريو حسب الرغبة ( يعني هو في موضع الرمل فحسب ما تشوفونه كافي )
3- بسكوت مطاحت (شوي مو وايد احنا حاطين وايد بس استعملنا تقريبا واحد و نص )
4- جلي .. الي هو البودرة الي نسوي من حلو الجلي .. يكون بنكهة الكرز أو التوت او حسب الغربة .. بس عشان احنا بنسويه وردي
5- أكواب قهوة بلاستيكية
أوراق صغيرة من البقدونس أو الريحان
الطريقة :
1- يطحن بسكوت الأوريو حتى يصبح ناعما جدا
2- يتم خلط القشطة مع بسكوت المطاحن ثم يضاف عليهم علبتين الجلي
3- يتم تصفيف أكواب القهوة البلاستيكية على صينية
4- حينما يصبح الهليط متجانسا .. و مثل العجين بحيث يكون ثقيلا ليس كثيرا فإنه يصب في الأكواب البلاستيكية ( هذا هو الي ياخذ وقت )
5- حالما ننتهي من صب الخليط يتم وضع عليه بودرة بسكوت الأوريو حتى يصبح بهذا الشكل
6- للتزيين نضيف أوراق البقدونس أو الريحان
هي طريقة سهلة و بسيطة جدا
بس الي ياخذ وقت الصب .. صب الخلطة في الأكواب
لأنج لازم ترتبين و تمسحين الي يوصخ الكوب على الجوانب
و جذي يكون عندج الحلو بحيث يكون الطبقة التحتية الخلطة الي سويناها
و الي فوق طبقة خفيفة لا تكثرون من الأوريو
بحيث بس يكون شكله كزرع
و جذي الناس تخترع تقول شلون ناكل زرع
أنا أخوي لمن اليوم الثاني سوينا الحلو
لمن عطيته الحلو بايده كان قاعد عالجهاز
طنشني و حطه عالجانب
و انا اقوله اكله يقول ويع تبيني اكل زرع
و انا ميته ضحك بالاخير قتله تعطيني مليون دينار ( كويتي ) و انا اكله
و يطالعني و يقولي ما تقدرين
قتله على مليون دينار
قال خلاص خلاص مابي . مسكين خاف ههههههه
و كليته جدامة و هو يقولي جذاااااااااابة هذا حلو
و سلامتكم ~
حروف ~
Ω pJJgJJJJ, hgJJJ.vu Ω
الموضوع الأصلي :
Ω حــلــــو الـــزرع Ω
||
القسم :
"الأرشيف" مغلق
||
المصدر :
منتديات بنات دوت كوم
||
كاتبة الموضوع :
حروف