SMS : سبحان الله والحمد لله ولا اله الا الله والله أكبر
أنا اسفة والله سامحوني قبل جم يوم وصلت من السفر وحشتوني موت انشاء الله من إليوم كلا أنزل لكم الأجزاء بدون إنقطاع و هذا الجزء ال-٨. الحــــــلقــه الــثــــامنـــــه ******************** وعدتيني اذا دار الزمن فيـنا .. واذا درب الهوى تعثـر .. وعدتيني .. اذا أمست أمـانيـنا .. بعيده والبخت قصـر .. تشيلني .. على جناح الأمل ذكرى .. وعلى هم الهوى نكبـر .. نسيـتيني .. وماكان العشم تنسـين .. ***************** شوق كانت واقفه مع نواف راجعين البيت من بعد ماودعوا شهد وسمر ومحمد من بعد االغدا والوناسه نواف: شوق سارة ليش مايت ... صراحه غريبه اول مره ماشوفج معاها..?? شوق: Nawaf serios jeg gider ikke snakke om noget lige nu..pleas lad os snakke om det bagefter (( نواف صج مالي خلق اتكلم عن شي الحين .. خلينا نتكلم بعدين)) نواف: اوكي... كيفج وصل القطار ووقفوا بيركبون .. لكن شوق لمحت شخص تعرفه ركزت اكثر وعرفت انه الولد نفسه الي ساعدته لما كانت رايحه حق سارة.. ابتسم لها ورجعت الابتسامه وراحت نواف: hvem er det( منو هذا) شوق والاعجاب فيه مبين فعيونها وابتسامتها: هذا واحد شفته وساعدته مره لأنه ماصار له وايد هني وما يعرف نواف: اها..اوكي.. وليش يطالعج جذي ? شوق: شفيه...ابتسم الولد وراح .. ماسوا شي غلط نواف: امشي بس امشي بأقرب كرسيمشى نواف وقعد راحت له شوق: نووواف نواف: هلا شوق: شلون بنت خالتك عنود نواف عدل من قعدته وطالع شوق باستغراب: شنو? شوق: شفيك نقزت... بس سؤال يعني سكت نواف... وشوق ماحبت تجبره على الكلام وسكتت نواف: تدرين أذا ما شفتها موجودة ع الماسنجر يوم قلبي يعورني و أحس أني صج.. تعلقت فيها شوق: أهي تدري عنك ... نواف:لا تعرف بس أن أحنا أصدقاء.. ولا تنسين أن أهم عيشتهم غير عنا... وتعرفين شوق.... لما خبرتها عنج انصدمت بس بعدين عرفت أن أحنا أصدقاء.. وشافت صورنا قالت ليكون تحبها أنا متت ضحك شوق: ههههههه(شوق تمثل بشاعريه غبية) نواااف احبك نواف بنفس الغباء: وأنا أموت فيج هههههههههههههه كانت عجوز دانمركيه تطالعهم وكانها تطالع مهرجيين شوق: شوف شوف هالعيوز نواف يكلها واهي مو فاهمه هاللغه الغربيه : شلووونج حجيييه شخبااارج شوق: ويه نواف اسكت لا تتصل على الشرطة وتبلشنا نواف: ههههههه شوفي حليلها خايفه شوق: اكيد بتخاف دامها عيوز وشافت وحده محجبه و واحد عربي نواف: مالت عليهم يخافون من كل شي شوق: هههههههههههههه أقول شرايك نروح حق فرح...مآبي أروح البيت نواف: شنو نسوي عند فررح.. مدري شلون تقعد ساعات فهلمحل الممل ... شوق: اسكت لا تسمعك فرح بس و يالله قوم الله يخليييك بليييز راحوا عند فرح وكانت مع وحده تساعدها فرح تكلم البنت وتعطيها ميك آب يناسبها نواف: hejsaa ( هاااي ) فرح: هاي شوق: هااااي فاارة فرح: اهلييين ورجعت تكلم البنت .. نواف: hva saa smukke ( شخبارج يحلوه) ( يكلم البنت) ابتسمت البنت بفرح: fint...hva saa med dig ( تمام.. وأنت ?) فرح : نوافوو انجلع هناك خلني أساعد البنت نواف بنظره طيحت البنت وكان ودها ترقص: فدييييت البنت... تعااالي شووق شوق: ههههههه عجبتك هـ الخايسه نواف: ووووع... أنا غير عنووودتي ماحب ...آه بس شوق: أقول اسكت بس راحوا قعدوا يأكلون من أكل فرح ويشربون من الكولا فرح خلصت ورجعت شافت كل شي أكلوه فرح: ويييين غدااي شوق: والله أنا ونواف نواف: ايه كنا يوعانين فرح: اهئ أبي غدااا وشوي رن موبايلها شالته وكان رقم غريب ردت : الو... لكن مافي رد فرح: hallo بعد مافي رد سكرته شوق: منووو فرح: مدري مايردون نواف: يمكن حبيب الئلب هاهاهاهاها فرح: اقول اسكت لاااا الحين اصكك بهذا اطير راسك نواف: الله ... خوفتيني... فرح : انتوا الحين شتبووووون شوق: افاااا ... اجينا نخفف عنج وعن لا تملين نواف ياكل من الشوكولاه ألي حاطينها للزبايين : انا قلت شحقه نجي هني... بس هين يام بريص فرح: هههههههههه ام شنو شوق: ههههههههه ام بريييييص ههههههه نواف : مااالت عليكم بس **************************** فهد كان يكلم رفيجه على بضاعه يديده بتوصل قطع سيارات وجذي فهد كان بس يبي يخلص لأنه صج تعبان فهد: okay okay..bare gore det som du ser bedste...jeg kan ik mere..wallah er meget træt (( اوكي اوكي .. سو ألي تشوفه زين...انا و والله بعد مقدر تعبان Simon: ok..du kan bare gaar jeg bliver faerdig om et kvatere..(( اوكي آنت تقدر تروح...انا بخلص بس ربع ساعة فهدk ses ( اوكي.. سي يو ) اخذ أغراضه ونزل بيروح أي مكان هادئ... فتح باب الشركة واستنشق الهوا ألي كان مثل الماااي البارد على النار ألي فداخله ماوقف أكثر وراح صوب سيارته كان وده يروح البيت بس ماله خلق ولا يبي يروح الشقه حقته راح لمكان من زمااااان ماراح له مكااان ماحس فوجده الا بعد ما اهي تواجدت فيه وحطت لمساتها فيه وقف سيارته ونزل قعد يتامل المكان ومتى اول مره كان فيه قبل اربع سنين من كانت اهي هني ومن اول واخر زياره لهم كانوا طالعين " كشته" مثل مايقول عمه بوعلي نوف كانت قمر يومها بس كان يحاول يبعد عيونه عنها نوف: فهد انت كله هني... ودنا لاحلى مكان فالغابه فهد استحى يقول لها انه اول مره ايي هني بما ان شقته قريبه من هني فهد: اوكي حياكم مشى ونوف الوحيده من اخواتها الي راحت معاه كان مايبي يطالع نوف فسمع صوت خطواتها وعرف انها يت بروحها نوف: فهد انت وايد محظوظ فهد: ههههه ليش ان شاءالله !! نوف: علشان عندك سيارة اخر موديل وشقه وتشتغل فهد: لا اله الا الله لا تحسديني ضحكت نوف من قلب حس انها مثل ياهل بس يحبها نوف: انزين شرااايك نروح هذيج البحيره..... امشي بسرعه شفيييك بطيئ ههههه فهد كان مستحي بس راح يمشي بخفه وراها واهي تمشي بسرعه نوف : فهد تعاااال صورني هني فهد: حااااظر عطيني الكام نوف وقفت قريبه منه وكانت تعلمه شلون التصوير فهد كان واايد مستحي من جرئتها كانت توقف فكل مكان وتقوله صورني واهو يستغل الفرصة ويدقق فملامحها اكثر وهالفرصه بالنسبه له ما بتتكرر لانه لين الحين ما طالع لها بدقه ولا نظراته لامست نطراتها فهد الي كان واقف فنص الغابه الاشجار محايطته من كل مكان حس بضحكتها بعدها ترن فهلمكان الكبير الهادئ كان يمشي ويتذكر كل كلمه تسجلت فمكان وكل مكان كان يخبرها عنه وكانه كل يوم هني ويعرف كل جذر من جذور الغابه اهتز جسمه بقشعريره حملها معاه الهواء المغطى فالثلج رفع راسه للسما العاليه رفع ايدينه بالدعاء وقال بصوت مسموع الهي ارحمنا برحمتك واستر علينا فكر بالكلام الي قاله ايه يستر على اخواته فهلغربه الي ياما نصح فيها اخواتها من الغلط فهلمكان وسمعوا نصيحته الحمدلله نزل راسه وشاف عصفور ينتقل من شجره لشجره وعصفور ثاني يحلق وراه وكانه يطلب منه القرب وهذا مب راضي ابتسم ... وكانت فكرة ان نوف ماتقبل تزعجة معقولة بعد كل احلامه وكل حبه لها قطع حبل افكاره الموبيل نغمته كانت موسيقى هااادئه ابتسم ورد: هلا شواقتي شوق: هلا حبي الاول والاخير فهد: شوقووو شعندج قولي شوق: ماعندي... بس ابي اشوفك... وينك فيه?? فهد: انا عند شقتي اتمشى... تحت فالغابه.. حيااج شوق تعرف ان فهد صار مكانه المفضل هالمكان شوق: زين بزعج هدوئك ... وبمرك... يالله سي يو حبيبي فهد: مع السلامه راحت شوق خبرت كل ربعها وكلمت حمد وفيصل و راحت السوق اشترت كيكه.... وشغلات عيدميلاد راحت وسجلت اغنية " غنوا لحبيبي " ف Cd وكل شي جهز وراحوا كلهم له اول ماوصلوا... شغلوا له الاغنيه بصوت عالي واستغرب اهو ركض وشاف 3 سيارات ووحده منهم عرفها حقت حمد نزلت شوق منها والكل نزل واهو مو فاهم شسالفه فهد: شوق شسالفه شوق: Happy birthday فهووودي فهد: اوووه عيدميلادي شوق: ههههههههه صباح الخير فهد: تسلمييين لي والله فديتج عطته شوق هديته ابتسم كانت الهديه.. عطر فهد المفضل من Boss وكانت الحركه وايد حلوة سله صغيره.. وفيها ورق ورد احمر ووردة حمرة كبيره فهد: الله... ياااحظ ريلج ياااشوق...هههههه حمد وفيصل هداياهم كانت ساعه من حمد و فيصل اشتري له كاميرا لان فهد يحب التصوير... وشوق اكثر منه شوق: ياااااقلبي... كاميرا... نقطت ضعفي وجاسم كان يضحك على خبالهم جاسم:وخروا عني وخروااا لا اكفخكم حرااام اكلتوا الرياال تقدم جاسم ونزل على ركبته وقدم باقة ورد وفيها علبه صغيره جاسم بشاعريه: فهد... تتزوجني فهد: لالا اصلي انا مخطوبه ياخويه.. مش عاوزه شوق: امبيييييه,...كبروا وخرفوا ¨ الكل ضحك حتى فرح الا وحده تراقبهم من بعيد تقدمت سارة: عيدميلاد سعيد فهد... قدمت هديتها وراحت ومحد انتبه لها بين الضجه راحت بس وحده كانت تضحك ودموعها على طرف عيونها سكتت شوق وقعدت تقطع الكيك مع فهد و توزع لهم ويصورون وسارة كانت واقفه عند البحيرة شوق كانت تتكلم مع حمد ورن جواله حمد كان يوصف المكان حق رفيج فهد وشوق راحت تتمشي وبايدها كوب الكاكاو الحار وصلت عند سارة خلاص لازم تكلمها مايصير يبقى كل هالصد من بينهم بعد ماكان الكل يحسدهم على علاقتهم القويه تقدمت شوق.... وقالت بنبرة صوت منكسرة ومترددة شوق: .... س..سارة ..؟؟ سارة فنفس الهدوء وماتحرك منها شي غير الهواء الي يطير شيلتها وجاكيتها السميك كانت تطالع لمكان مب محدد لكنها بنظر شوق كانت تطالع الذكريات وايام بعمرهم مابينسونها شوق: سارة اخر مره بكلمج حبيتي تكلميني حياج الله ماحبيتي..... ( سكتت شوق ... ودموعها الي ماتشوفهم سارة... لكن سمعتهم) ... ماحبيتي تكلميني....ولا تبين تفهين شي... فهذا شي راجع لج.. وانا ما ابي ارجع واكلمج بعد.... سكتت ونطرت أي رد من سارة لكن سارة الي كانت تسمع صوت شوق الي اشتاقت له.. كانت تبي تشكى لها... عن كل شي صار معاها بدون شوق... بس فضلت السكوت شوق الي فهمت ان سارة خلاص ماتبيها مشت وكانت تمشي بسرعه تبي توصل الشقه سمعت صوت سارة الي كان مب صوتها الي تسمعه كل مره سارة: شوق!!!! سارة: مابيج تبررين... ولا شي... ابي اعرف.... شنو الي بينج وبين صالح شوق: انتي الحين من صجج .... تشكين فيني سارو؟... انا الي تربيت معاج... وبعمري ما خبيت شي عليج... تقولين لي عندج علاقة مع واحد ماعرف شنو اهو.. ولا ولد من.. سارة: هذا صالح... اخو نور.... شوق: اها... مابي اعرفه... ولا اعرف اهوو منو ولا شيبي سارة: يعني بتفهميني انج ما تعرفينه ... بعد الي شفته شوق بعصبيه خلاااااص الي قاعد تقوله سارة مب طبيعي.. شوق: والله ياسارة لووووووو كنت احبه ... او ابيه ماكان خفت من شي ولا سويت شي غلط... وانتي تعرفين هالشي.... لكني اوقف مع ولد بملجة اخته... لا اعرفه ولا يعرفني.... واسوي شي غلط... فهذا شي مب من طباعي ولا تربيتي... شوفي سارة.... اذا انتي ما تعرفين شنو تربيتي...ولا انا بنت منو .... فهذا غلطج... لانج انتي اكثر وحده لازم تعرفني.... سارة : خلصتي....؟ شوق انصدمت من برود سارة..:طيب من بريحج مني قريب..... سارة ما فهمت الي قالته شوق... وحست بالذنب كان ودها تروح وراها وتقول لها اسف... لكنها تركتها.... شوق راحت تركض وتصيح.... و ما انتبهت حق الولد الي كان قاعد فالسيارة .... وقفت شوق وطلعت موبيلها من جيبها وكانت بتقول حق فهد انها رايحه البيت.. وماحست الا واحد دافشها للسيارة وسكر الباب بسرعه وركب وساق بسرعه شوق كانت تصرخ ومب عارفه شنو الي صار... ************* فرح و جاسم كانوا واايد فرحااانين بوجودهم فنفس المكان كان جاسم يصور فمبايله... وكل حركه تسويها فرح يسرقها بصوره ويجكها فرح كانت واقفه تطالع السما .: اقوووول فهد ادخلوا شكلها بنتزل ثلج فهد: يالله دخلنا....بس وين سارة و شوق فيصل: يااااهلبنتين الغريباااات حمد: ايه مدري شفيهم هاليومين فهد ( حتى انتوا شاكين فشي) : انزين خلونا ندخل ربع فهد كلهم كانوا رايحيين وكان بس جاسم ؛ حمد؛ فيصل وفرح كانوا يعدلون الاغراض ويشيلونهم جاسم قرب من فرح:: احم... طالعه حلوه اليوم فرح انقلب لونها الابيض الى احممممممر فرح: اقووول ممكن تمسح كل صورة صورتها اليوم لي جاسم بهبال: يعني تبيني امسح كل صوري فرح: ليش جم صوره صورتني انت.. جاسم: همممم ... ماذكر والله....انتي قولي لي جم حركه تحركتي اليوم فرح: هاااه... شنو.... مم حركه؟؟؟... ضحك جاسم وراح يدخل الكراسي داخل الملحق الصغير التابع حق شقة فهد رجع وشاف سارة راجعة جاسم: سارة ..؟؟ سارة: هلا عمي! جاسم: بروحج... عيل وين شوق سارة: شوق....رجعت من زمااان ... اصلا ما كنا مع بعض...بس شفتها راجعه الباركين من شوي!! جاسم: رجعت بروحها.....؟؟ جاسم طلع موبيله ودق على شوق كان الجوال طايح فالباركين راح له جاسم ومسكه خاف على شوق ورااح حق فهد جاسم: فرح وين فهد فرح: هناك يكلم رفيجه.... جاسم: انزين ما شفتي شوق..؟؟ فرح: ليش اهي مو مع سارة؟؟ جاسم : لا... انا بروح حق فهد راح جاسم و فرح وراه جاسم: فهد فهد: هلا جاسم جاسم : شوق مب لاقينها... واتصلت فيها...لقيت موبيلها طايح فالباركين فهد: ليش وين سارة جاسم: موجوده وسئلتها قالت انها شافتها راجعه الشقه راحوا الشقه ومالقوها ومرت ساعتين واهم يدورون ويتصلون على اصدقائها واهلها ومحد يعرف وين راحت ******************************************** لمتى ياسارة ويا شوق ويا فهد ويا جاسم وفرح وساااارة شوووووق وين راحت ومع منوووو كل هذا فلحقله القادمة دمتم بود بنووته