[~ أشـواقـ اللـقـا ~]

و أنا أبدأ ..

أتذكر موقف لا يمكن أنساه بحياتي ..

كنّا أنا و 3 من زميلاتي من جماعة المصلى و مافي حد غيرنا

كان عمرنا وقتها 14 سنّه ..

فتجمعنّا واقترحت انو خلونا نبدى ننصح الأبلات ؟!

طبعاً شي كبير انج تنصحين معلمه أكبر منّج بأكثر من 10 سنين ..

و أول أبله قررنا ننصحها أبلة اقتصاد منزلي "الله يذكرها بالخير" ..

ماكانت متحجبه و كانت قمه في العصيبه!!

آنا و زميلتي أخذنا شريط معانا .. و رحنا بكل ثقه .. لآن طريق الدعوه لله كان رووعه ..

دخلنا .. القسم شفناها قدامنّا ناديناها ببتسامه ,,

لو سمحتِ أبله ممكن شويّ من وقتج ؟

ابتسمت وقالت اتفضلوا ..

ورحنا معاها لأحد المختبرات الفاضيه .. وكان وقتها فرصه "فسحه"
قلنا :
والله أبله احنا ماجينا إلا لأنا نحبج .. و نبي لج الخير ..
فبتسمت .. و تنطر انا نكمل ..

بعدها استرسلت زميلتي الـنصيحه ..
وكان تطالع و تبتسم ..

و لمّا طق الجرس .. و خلصت الفرصه ..

وقفنّا وقلنا مشكوره أبله على استماعج لنّا واذا تقبلين هذي هديه منّا ..

وعطينها الهديه ..

اهي ابتسمت ولا تقول : تدرون والله يـا أشواق و يا "فلانه" .. لو في وحده غيركم جت نصحتني
جـــــــــــــــــــان طردتها !! وقلت مالج شغل فيني ..

لكن لأني أحبكم انتي وأعرف نيتكم الطيبه جان ماسمعتكم .. ,,


----------------------------------------------

بعدها ما تعرفون الفخر اللي كنا فيه .. احنا سوينا انجــــــــــــــــــــــــــــاز
و أكبر انجاز .. اللهم لك الحمد ..

.....

موقفي هذا .. تعلمت منّه .
1/ أكون ايجابيه ... بكل شي
2/ اكون مبادره .. ولا أسمع لغيري (لا هذي ابله عصيبه لا تروحين لها ماراح تقبل منج ...إلخ )
3/ حسن الأسلوب
4/ أثر الابتسامه
5/ أن الدعوه لله ترفع من قدر الإنسان !


و أشكر معلمتي من كل قلبي ..



وهذي نصيحه لكل معلمه :
بالله اذا جتكم وحده تحاول تنصح لاتقسوا عليها .. فمهما كان والله انها طفله ولا قد جربت ولا تعرف الأسلوب .. يعني تخيلوا لو أبلتي هذي هاوشتني و طردتني و ماتقبلت منّي ..

تتوقعون اني بكمل بمجال الدعوه ؟؟ وخاصه اني كنت طفله 14 سنّه ؟؟