بأمانة انا مش عارفة اقولك ايه؟؟ الكلام دة صادق جدا وفي غاية الاحساس والروعة كان ده بالظبط نفس شعوري وسؤالي (ايه اللي اتغير في رمضان)؟؟ انا كنت بقول ان التغير دة عندنا في مصر بس .. لكن من كلامك عرفت ان رمضان كمان طعمة اتغير كمان في مناطق عربية اخري .. فاكرة ايام فرحة رمضان بجد لما كنا نجلس امام القناة الاولي قبل المغرب بربع ساعة نشوف حلقة الشيخ (محمد متولي الشعراوي ) كلام كبير ممكن نفهم نصة ونصة لا بس بنبقي فرحانين نصلي التراويح والكبار يصلو قيام الليل والتهجد .. القطايف والكنافة البلح المعمول بالتمر وقمر الدين ؛زينة رمضان!! .. 30 يوم سعادة متصلة .. في حوالي25 رمضان كدة نبدأ في مراسم (كعك العيد) الذي كان يعمل منزليا ؛ ويسوي ؛ هدوم العيد _بجد كانت ايام هايلة_ كلامك رجعني لايام جميلة وعلي رايك(لا فضائيات ولاخرابيط مالها اي نكهه ولاطعم ( بس ذنوب وقلة حيا ) يارب احنا نتغير السنة دي عشان رمضان يتغير معانا ونبطل ننجح (خطة ابليس اللي بيرسمها في عقول اصحاب القنوات قبل ما الشهر يدخل ويتحبس).. فعلا رمضان اللي فات عندي كان من غير تلفزيون ولا مسلسلات بامانة كان كله رمضان زمان الرائع ؛ يارب يكون رمضان قرآن رمضان تهجد رمضان تراويح رمضان رحمة ومغفرة وعتق من النار قولو يارب؛؛ اشكرك فدوي