"مهند"
طلعت من الغرفة مو بس الغرفة إلا بيت جدي بكبرة ما حبيت أظل هناك وخصوصاً بعد ما عرفت إني ذي ولاء قلت بتسوي لي مشكلة أنا بغني عنها واكيه هي بنفسها قالت بتشتكي عند أبوي وعمي وجدي بل عليها ما يكفيها وااحد لازم كل أمة لا إله إلا الله تدري ,, سكتيت شوي وحاولت اطردها من بالي وبعدين غصباً عني جلست أفكر بيني وبين نفسي معقولة هذي ولاء بلللللللللللللل كبرت وتغيرت وااايد من متى آخر مره شفتها قبل لا تتغطى عني أو يمكن أنا ما كنت ادقق بملامحها بس بصراحة وااايد حليوة ملاااااك بس لسانها أعوذ بالله منه صراحة الله يعين إلا بياخذها ويش فايدة الجمال ولسان كذا ما ينفع
وإلا اسمع صوت موسيقى بالبداية ما استوعبت بعدين انتبهت إن جوالي وكان المتصل عمي خليل عقدت حاجبي ياربي مداها توصل الأخبار جلست أفكر أنا من ويش خايف وايييد عاطي أهمية حق هالولاء وأنا رجال واقدر أدافع عن نفسي رفعت جوالي وكان صوت عمي خليل عالي لدرجة حسيت بيخترق طبلة أذني
خليل:كان لا رديت هااا صار لي ساعة اتصل
ابتسمت غصباً عني على عمي خليل إلا مهما كبر ما راح يتغير: هلا عمي
خليل:آحر ماعندي أبرد ماعندك وين ذلفت
مهند:طلعت ليه فيه شي
خليل:لا بس قلت بتروح تأخذ اللاب توب وتالي أسمع طلعت أيا الخاين ولويه ماقلت لي
ترددت شوي أقول له أو لا لكن فكرت بنفسي عمي خليل متفهم جداً وأكيد بيفهم حق لو سوت هالعة بلبلة يوقف بصفي
خليل:مهندووووووه ووجع وين رحت
مهند:هاا عمي معاك معاك
خليل:واضح معاي اتكلم وما ترد علي
مهند:بصراحة عمي صار لي موقف مع بنت أخوك فتضايقت وطلعت ما حبيت أظل بالبيت
خليل باستفهام :بنت أخوي أي وحده منهم
مهند:عندك بنت أخو أم المواقف والمشاكل غيرها
خليل بابتسامة:ولاء؟؟
مهند وهو ياخذ نفس :إيه ولاء
وقال له عن الموقف
خليل:هههههههههههههههه يحليلك يا مهند وأنت ويش إلا طيحك على ولاء
مهند:حظي المقرود وبتشتكي عليه اكيه
خليل:تطمن ما راح تسوي شي أعرف ولاء كيف تفكر واكيه أصلاً جالسة مع البنات وأيمن ولد عمتك وضحك ولا على بالها
مهند: مو كأن كبروا على القعدة مع أيمن وهذيه أيمنووه ما يستحي كل راز بوجهه معاهم المفروض خلاص يتغطون عنه
خليل:شنسوي بعد
مهند:الله يهدي الجميع
عاااد الجميع إلى منزله ليظل منزل الجدين هادئاً بانتظار قدوم الأبناء والأحفاد كي يملؤه بأصواتهم وضحكاتهم
.
.
انتهى الجزء الأول
ما هي انطباعاتكم عن أبطال قصتي وما هو رأيكم ببداية القصة
ولاء ما ذا ستفعل مع ابن عمها مهند؟
منال ما هو دورها من هذا كله؟
العم خليل هل سيكون له نصيب من الأحداث؟
اتمنى أن لاتبخلوا علي بردودكم