[**كارولين**]

regalo4. افكار للمسابقات فى الحفلregalo4.


أولاً:تختارين بنتين يضبطون اللهجة القصيمية..:

بعدين تلبسينهم لبس عجز..
تسمينة وحدة مثلاً أم صويلح \والثانية أم عبّيد
بعدين تخلين كل وحدة منهم تدخل مع جهة .
يدو الحوار التالي:رمز ام صويلح(ص) ورمز ام عبيد (ع)..

أم صويلح:

هلا والله بام عبيد وش علومتس (تس \خاص بالقصمان) ..الخ

أم عبيد :هلا والله بام صويلح ,هلا بالطش والرش والبيض اللي مفقش.


(حين السلام تقبل أحداهما على الأخرى وتحاول أن تقـّبل رأس الاخرى

وكلاهما تحاول الرفض)
ع-استرحي بام صويلح شكلتس تعيبانة

ص-اي والله خلينا نرتاح بذيّا (يعني هنا )

ع-وين الدنيابتس ياوخيتي..صرنا مانشوفتس

ص-ياخيتي مادريتي ؟؟!!

ع-خير انشا الله وش هنّا؟!!

ص-تمنطرنا مع المتمنطرين(تطورنا مع المتطورين)

صرت ادرس بنحو الأمية


ع-صدتس (صدق) يام صولح ..اجل صرتي ماتنطالين الحين..

ص- ايه اجل وش تحسبنن شوية..

تبين اقرالتس (اقراء لك) ولا أقولتس خلنا نوسع صدور هالحريم (وتؤشر بيدها نحو

الحضور) ونسألهم هالأسئلة اللي معي..

السعال الأول :ماااااء..ماااااء ...ماااااء(و كانها تحاول أن تقرا من الورقة )

ع-حشا يام صويلح حنا بحضيرة غنم وحنا ماندري؟؟!!!

ص-يابنت الحلال الحين ابقراه..ماااء..مااااااء

(ثم تطرح السؤال باللهجة القصيمية)

فإذا جاوب أحد علىالسؤال تقوم برمي الهدية عليها وتكون الهدية مكونة من بعض

الشكولاتة وملفوفة بقماش العجز(شالكي)ومربوطة ..