البارحة ما غمض الجفن واعي
ما مسيت لين الصبح بين شعاعه
والهم زاود هاجسي بنتزاعي
عقب انبساط القلب جاه انفجاعه
سبة خبر جاني وسبب وقاعي
ذاعوه بالتلفاز وأيضاً الاذاعه
يضيق منه اللي هنا باتساعي
من يسمعه يضيق عقب اتساعه
من كان ابه مفجوع زاد انفجاعي
ننعي سعد رمز الوفا والقناعه
الشعب ينعى واكثر الناس ناعي
اميرنا الوالد ورمز الشجاعه
كل الوطن حزن لفقد الشجاعي
ذكراه تبقى خالده كل ساعه
مرحوم ياللي بالمهمات ساعي
عسى الولي ينزل عليك الشفاعه
وادعيلك الفردوس والكل داعي
ويمد قبرك بالوسع مد قاعه