السلام عليكم ورحمة الله وبركاته.
بالنسبة للصداقة فهي شوي تقدرين تقولين معقدّة
ومو أي أحد تقدرين تقولين عنّه صديق
الصداقة موجودة بكل مكان ،، لكن الصديق الحقيقي يندر وجوده للأسف ...
في هالزمن تجوفين كل واحد يقول نفسي نفسي ....
ماصار أحد يهتم لأحد ،، كل واحد صار تهمّه مصلحته وبس...
في ناس واااايد يعتقدون أنّ صداقتهم راح تدوم ،، لكن مع أول اختبار لصداقتهم تجوفينها تفركشت
يمكن انتي تظنين أن مافي صداقة حقيقية بهالزمن ....
لكن تأكدي أن أصابع يدج مو سوى ....
الناس فيهم الزين وفيهم الشين ...
وانتي عليج تنقين ^_^
نصيحة من اختج : الصحبة الصالحة هي اللي راح تنفعج في الدنيا والآخرة ،،
الصحبة الصالحة هي اللي راح تصحح لج طريجج وتنبهج لأخطائج ،،
هي اللي راح تخاف عليج وتحطج في قلبها ،، تدرين ليش ؟؟
لأنها راح تكون عارفة حدود الله ،، ماراح تسمح لج أن ترمين بنفسج لطريق التهلكة ،،
راح تحب لج كل خيــر وراح تعينج في حياتج دامج تمشين على الأرض ...
الصحبة الصالحة موجودة ،، لكن مو بكل مكان ،،
لأنها جواهر ودرر والجواهر ماتحصلينها بأي مكان ^_*
الصحبة الصالحة : دايما تحصلينها بمجالس الذكر ،، تجوفينها تحب الخير وتبتعد عن الفتن
أمّــا عن تجاربي : تعرفت على صحبة تعلقت بالدنيا ونست الآخرة ،، للأسف ما استفدت منهم غير السيئات،،
ولكن لله الحمد بعد التزامي ،، الله رزقني بالصحبة الصالحة اللي خذت بيدي
وساعدتني على إن أعيد لملمة شتات نفسي " نفس ما يقولون"
تأكدي حبيبتي إنّ كل صداقة مو قائمة على الحب في الله والتناصح بالخير هي صداقة فانية ...
وذي حبــّــابة هدية مني لج ^_^ ،،
ان شاء الله تعجبج واجوفها يوم من الأيام في صورتج الشخصية ^_^
تقبلي مروري : اختج
الجـــمـــانـــة:010: