انا صار لي هذي الايام موقف غريب
ابد ما توقعته :"(
بصراحة اعتبرها خيانة للصداقة
.
.
الدكتور طلب مننا اننا نكوّن قروبات وكل قروب يسوي بحث خاص له
وطبعا فيه استبيان وفروض واهداف البحف والكم والكيف
يعني عادي يوصل للـ 50 في افضل الاحوال
...
المهم انا من البداية لاحظت ان البنات ما يشاركوني بآرائهم
وانا نفسي احاول اتأقلم وياهم خاصة ان من بين المجموعة صديقة الطفولة
واحاول آخذ واعطي وياهم وابدي رايي
.
.
من ايام اتفقنا اننا نجتمع في المصلى علشان نكتب اسئلة الاستبيان
بس انا تخلفت عنهم لان كان عندي واجب ثاني
والاسبوع اللي بعده كامل ما حضرت الجامعة لأسبابي الصحية
من يومين اسالهم ، شو سووا بالاستبيان وشو آخر التطورات
فـ ربيعتي ارتبكت وقالت ولا شيء وووو
قلت لها : عطيني الاستبيان انا بنسخه وبرتبه
قالت : لا أنا اللي بسوويه
والبارحة سألتها قلت لها وين الاستبيان
فارتبكت مرة ثانية ، وقالت لي الكلمة القاضية : نحن طلّعناج من مجموعتنا !!
ذهلت
قلت لها كيف طلعتوني وبأي حق
قالت ما ادري ، اسئلي فلانة
قلت لها : اكيد بسالها ، لان ما يصير جذي !
وفعلا اتصلت بصديقة الطفولة ، وسألتها عن السبب وقامت وقالت ان البنات هم اللي قالوا ما نباج وياج ويانا
وانج تعارضين كل الكلام اللي نقوله وما تشتغلين ويانا !!
قلت لها كيف وانا سويت جذي وجذي وجذي
قالت : نحن سوينا اسئلة الاستبيان وشافها الدكتور وقام يسأل من سوى هذا ومن اشتغل
ولما سأل عنج قلنا له انج ما سويتي شيء
والدكتور نفسه عصّب عليج !
قلت لها : كل شخص وظروفه وانا كلمتج قبل وقلت لج اني بفرّغ الاستبيان واني غبت لظروفي الصحية ، انتِ ما قلتي للبنات ليش غبت ؟
قالت : لا . !! انا برجع اكلمهم مرة ثانية وبشوف
وبعد فترة طرشت لي مسج تقول انهم ما طاعوا انهم يرجعوني للمجموعة !!
فعلى طول ارسلت لها مسج اقول : أن إذا قررتوا مرة ثانية تسوون هذي الحركة فواجهوني
مب تحكمون علي بالاعدام من وراي وما تعطوني خبر !
.
.
وانا للحين ما اعرف شو اسوي
يعني صديقتي اللي هي صديقتي واللي تعرف ظروفي ما دافعت عني
فما بالكم بالغريب !!