[Ms.KuwaiT]

و عليكم السلام و الرحمة ..

أشكرج على هذا الطرح - الفريد - و المميز ~

أنا بسنة 4 جامعة ..

أغلب موادي عند دكاتره رجال ..

و بصراحه الدكاترة الاناث أتجنبهم ، بس أتجنب النوع اللي يحبون يدرسون شباب و يعطونهم درجات

بالنسبة للدكاترة الرجال ، اممممم أغلبهم بسن جدي ..

أو أبوي .. ما أذكر مر علي أحد صغير ..

هذا بالنسبة للدكاترة ..

أما الاساتذه ، و المعيدين المساعدين ..

فمروا علي 3..

الاول .. فهذا كل بثاني فصل بالجامعة , ما أذكر إلا إنه يشرح لنا على البوربوينت ..

و كان يخربط وايد بالانجليزي و لا أدري شسالفة ..

و يدخل علينا كل 3 اسابيع يشرح شوي و ياخذ الواجبات و بس ..

و أصلن ما كنت أعرف انه في معيدين ، و كان عبالي إنه طالب يساعد الدكتورة

بس لما اسمعها تقول الاستاذ فلان >> أظن يوسف أو أحمد !

فهمت شسالفة

أما الثاني ..

واحد ثقيل دم و نكره المحاضره اللي يدخلها ..

و ما كان لنا احتكاك فيه .. نكون مع الدكتور و بس ..

و الثالث ..

فكان يشرف على بحوثنا ..

هو محترم و رسمي و جدّي و لا حتى يبتسم لغير الدكتور ..

و بنفس الوقت .. يساعد و يعطينا مهلة ..

يعني مو جدّي شديد ..

اللي اقصده مو شرط المتساهل يكون واحد خفيف و متسظرف أو مو محترم ..

طبعًا كنت أفضل إنه لو كانت استاذه ..

خاصه اني أنحررج أروحله المكتب .. و أطر أخذ صديقتي معاي ..

لأنه مستحيل أدخل عنده بروحي ..

و أصلن أمي محذرتني عشان تقول في ناس يطلعون كلام !!!!

فكنت ما أروح لمكتب ما معاي أحد .. و لو ما لقيت أنطر بنت تدخل و أدخل معاها ..

و أسئل عن المهم و حتى لو ما فهمت ما أعيد ، أطلع و أخلي صديقتي تعيدلي ..

ماهي علاقتك بأستاذك في الجامعه؟؟

 

 

علاقتي .. علاقة علم و شغل ..
و أكيد فيها احترام و حدود ..
هو يحترمني طالما محترمه نفسي ..
و أنا أحترم مكانه سواء دكتور أو استاذ أو طالب ..
ما أروح إلا وقت الحاجه ..
و بطريقة رسمية جدًا ..
و أصلاً على حسب البنت .. يعني اللي تلبس محترم ..
و إللي تتكرم بطريقة جد ، بدون مياعه ..
و تختصر الحديث ، ما تعطي مجال لأي أحد يمصخها ..

وكيف تتعاملين معه؟؟

 

 

مثل ما قلت رسمي ..
يعني استاذ جامعة .. سوالفي محصورة عن المقرر و بس ..
مراح أقوله شلونك ؟ شلون الشغل !
شخبار الاهل ..؟

>> أحس في يسوونها !

أما عن كلام الخوات .. إنه في بنات مو محترمات ..
و دكاتره يزودونها ..
فعلاً حتى لو كان دكتور كبير مو استاذ تووه ..
تصرفات ما تليق بمكانة دكتور بالجامعة ..
و هو بسبب الطالبات صراحه ..
أنا مهما كانت الدكتور سمعته مو شي ..
مستحيل يمصخها معاي ..
و حتى لو يظلمني بالدرجات .. لي ربي ياخذ حقي ..
و لا أروح له كل يوم ، و لا أتمصلح عنده ..
صج مره في دكتور يمكن عمره 70 سنه ..
كنت أسويله بحوث وايد و استبيانات .. عشان يحطلي درجات زينه ..
و كنت أسوي نفسي مستانسه على الماده و ابي اشتغل p;
بس ما كنت كل شوي عنده و اتدلع و اتعذر ، و أغيب و اتمسكن ..:seku:
عاد و لا فاد .. حطي c+
و غيري يغيبون و يدخلون متأخر و لا يسوون شي ماخذين B
بس على الاقل ما قل احترامي عنده و اسمي ناصع ..
مشكلته هو و ضميره !

.

سأجيب ولكن بعد أن أسمع ردودكن...وبكل جدية

 

 

بانتظارج ~

شاكرتلج اهتمامج و طرحج الشيق ^^
بصراحه فرحت بالمووضوع ..
كله ودي بمواضيع تلامس مشاعرنا و همومنا الجامعية ..
و أتعرف على بنات جامعيات بمنتدانا ..

و إن شاء الله هالموضوع يبرزهم (=

.

و لو عندج بحث ، شي جامعي .. قوليلنا >> ما صدقت !