[sweetbutterfly]

هلا و غلا حبيبتي آنسة وردية ..

أولا أشكرج على هالموضوع الجاد و المفيد..رائع و يستحق التميز

أنا بعد طالبة جامعية في السنة الأخيرة و باتخرج في هالكورس ان شاءالله

فأنا طالبة قديمة بالجامعة و لدي خبرة طويلة و معرفة بقوانين الجامعة و تعاملي مع الطلبة و الدكاترة

فأنا أؤيدكم بصراحة في كل اللي قلتوه ..حتى جامعتنا جذي ..

في طالبات عندنا مسخرة و يتدلعون و يتضحكون بدلع و بصوت عالي جدام الطلبة ( الشباب) و اللي تلبس لها اكسسوارات كأنها رايحة عرس و اكسسوارات تطلع اصوات يلفت انتباه الدكاترة و الطلبة و اللي عطرها فايح ريحته في السكشن أو الحرم كله ..الحمدلله و الشكر اقول

هاذي كله عوامل انه يخلي الدكاترة يكونون مسخرة في تصرفاتهم مع الطالبات و ممكن يدلعهم و..و ..
مابي أتكلم زود في ذي الشي

و ممكن يكون العكس اي انه الدكتور هو اللي يبتدي يسوي جذي في الطالبات يكون قليل أدب ووقح

فلازم يكون هناك في حدود جيد و شريف بين الطالبات و الدكاترة ( الرياييل ) حتى مع الطلبة ( الشباب) أي ان يكون في حدود الدراسة و الشغل مثلما قلتوا بس لا غير ..

و للأسف هناك شوية تمييز عند الدكاترة لأنه يكون أحيانا في بنات شطار أو شكلهم حلو أو جذاب أو في بنات يحبون يتكلمون في السكشن فالدكتور ياخذ فرصة في هالشي فيقوم يعاملها معاملة خاصة حتى ولو بينها و بين الدكتور علاقة فيها ادب و احترام بس يقوم يعطيها شغلات ثانية اي انه يساعدها في اجتياز الامتحانات وواجبات و يطرشها تروح مكتب الدكتور تييب اغراضه او ما شابه ذلك ..و عقب المحاضرة تلقون انه سيولف معاها و يضحك بعد و يسأل تدريجيا في امور شخصيا ...

هاذي رايي كله ..مشكورة على الموضوع الرائع حبيبتي