نزل الخبر كصاعقة على ريم مستحيل مستحيل ليش اشيبي فيني ليش جذي يصير اشذكره فيني ...
لولوه :_ صج والله قول والله يبه ما اصدق ريمووه رح تتزوج .
ريم توقف و الكل يناظرها :_ و من قال لج رح اتزوج مب اهو ما يبيني و سافر يبي يهرب و ما ياخذني خله يهرب مرة ثانية ليش ياي الحين صباح الخير توه متذكر ان هشي وصية و لازم يريح يدي و يدتي بقبرهم و لا يبدي نفسه على كل شي هذا لأنه أناني و أنه مستحيل لو تنطبق الأرض على سماها ما أعيش مع واحد اناني خله يروح لأنانيته و يعيش و ياها يمكن تنفعه .
اطلعت بعصبيتها و راحت تركض لغرفتها و قفلة الباب و رمت بحالها على سريرها و بدت تبجي على حالها ....
قام ناصر بيلحقها قعده ابو طلال :_ اتركها كنت عارف هذي ردة فعلها لكن صدقني ريم عقلها اكبر من هشي و ترضى بكتبت ربها عليها خلها الحين تو الخبر سامعته لازم ما تتحمله .
ام طلال :_ الله يهديها بس على متى رح يزورونا .
ابو طلال :_ على تسع في اليل .
ام طلال :_ حياهم الله .
.................................................. ...................................
بين أجواء بعد الغدى وين ما كان بيت أبو وليد يعمر بجمعتهم بصالة و وليد إلي كان طالب أبوه بهلجمعة معاهم ليخبره بزيارتهم اليلة لبيت عمهم و سببها يمكن يحن قلبه على جاسم و يكون وياه بهلخطوة إلى كل ولد يطلب ابوه يوقف معاه ليكمل نص دينه و يكون ريال ينشد فيه الظهر و يكمل حياته ....
نوف إلي كانت تهمس لبدور :_ تهقين شنو رح تكون ردة فعل ابوي .
بدور :_ علمي علمج بس اشفيهم للحين ما تكلموا بشي .
نوف :_ سألي ريلج إلي راز فيسه و مب متحجي .
بدور :_ لو سمحتي ما أرضى على ريلي لا تعقرين فيه .
نوف :_ يا قلبي عليج عن اتغزل مو وقته الحين وقت الأكشن .
وليد إلي قطع همسات بدور و نوف :_ يبه اليوم طالبك بموضوع و أن شاء الله ما تردني فيه .
نوف :_ أوووووووش بدور بدأ الأكشن و بطلنا وليد .
بدور :_ فديت قلبه هلبطل ساحرني ليل و نهار .
نوف :_ اووش خلااص خلينا مع الأجواء الحماسية .
و تفقع بدور على اسلوب نوف و تمسك ضحكتها ....
ابو وليد :_ ما عاش إلي يردك يا بوخالد سم أنت و مالك إلة طيبة الخاطر .
وليد :_ رح أدخل بالموضوع مباشرة و أقول لك الموضوع يخص جاسم .
سكت أبو وليد و تم يناظر في الفراغ و عيون كل من محمد و ام وليد و نوف و بدور و وليد عليه ...
ابو وليد يرفع عينه لولده :_ شموضوعه .
وليد بصعوبة يتكلم و يحس الموقف اشكثر فيه صعوبة عليه و ناظر محمد يمكن ينجيه من هلموقف ...
وليد :_ يبه السالفة ...
يقاطعه محمد :_ عنك وليد يبه بعد اذنك الموضوع و ما فيه جاسم فكر زين بشي الي انفرض عليه وهو وصية يدي و يدتي و زواجه من بنت عمي ابو طلال حسب لسالفة الف حساب و قلبه ما يطيعه يبقى عايش و مستمر و ابوه مب راضي عليه و لا ينفذ الوصية و يريح يدي و يدتي بقبرهم فاليلة يا يبه موعدنا مع بيت عمي ابو طلال نزورهم لنطلب ريم لجاسم و طبعاً الموعد على أتم أستعداد و عندهم خبر بزيارتنا لهم جاسم حب يرتب كل شي و بعدين نخبرك و منوة عمره توقف معاه بأول خطوات حياته مثل ما وقفت معاه من صغر سنه و يطلب رضاك قبل كل شي .. فيا يبه من بعد اذنك تكون ويانا اليلة ببيت عمي ابو طلال و اعرفك زين يا يبه ما ترضاها على جاسم الغالي عندك يكمل نص دينه و لا تكون انت ابوه واقف معاه بهلخطوة الي بحياته .
وليد وهو يناظر محمد الي انتهى من سيل الكلام اشلون قدر يقوله لابوه بهلجرئة اما ابو وليد الي وطى راسه و كلام ولده محمد يصدمه اكثر و اكثر بعد ما فقد الأمل بأن جاسم يرد لصوابه و يوافق على كل شي يسمع كل هذا الحين و بدور و نوف و ام وليد يترقبون ردة فعل ابو وليد بعد الكلام الي سمعه . ... .
بعد لحظات طولت عليهم رفع راسه ابو وليد :_ وينه فيه الحين .
عمرت الفرحة بمحيا كل من الحاضرين و قلب ام وليد الي ما وسعها من الفرح :_ الله يرضى عليك يا ابو وليد الولد عاف البيت بعد ما حرمته عليه و سكن بالمزرعة يا بو وليد قلبي تقطع على رقاده بعيد عني جدام عيني و ما اقدر المه يا بو وليد ارضى عليه و روح له و طيب بخاطره .
ابو وليد يوقف على ريله :_ يصير خير يا أم وليد أنا صاعد فوق الحين عن أذنكم .
وليد :_ يبه .
أبو وليد :_ لبيه .
وليد :_ توعدنا تكون و يانا اليلة .
ابو وليد إلي كان بكل شوق يبي يوقف هلوقفة مع ولده جاسم لكن خش هشي عنهم :_ ما أظن عندي أجتماع عن أذنكم .
تنكست أعلام الفرح على ردة فعل ابو وليد الي رمى كلامه و مشى و يخش اكبر فرحة بدت تعمر بخفوقه لولده مشى وهو يقول لعياله و مرته بسيطة في اليل الله رح يفرجها كل شي بوقته حلو .
محمد :_ ليش سأل جاسم في وين الحين .
أم وليد :_ اذا ما خاب ظني يبي يجوفه .
محمد :_ صج يمه قولي والله .
وليد :_ اصبر زين تهقين يا يمه ليش يبي يجوفه شرح يقول له .
ام وليد :_ العلم عند الله و لكن الله يسهل الحال و ييسره بأذنه .
نوف :_ حمودوه شهلأكشن القوي الي طحت فيه .
محمد :_ احم احم لازم تعرفين بعد انا محمد بن فارس مب هين .
وليد :_ تكفى عااد طيرت عقلي من راسي الحين .
صعد ابو وليد من صوب ثاني و ركب غرفتهم و سكر الباب سحب تلفونه و رفعه ليتصل بحارس المزرعة ....
لحظات و يشبك الخط ...
موسى :_ هلا عمي ابو وليد .
ابو وليد :_ هلا فيك يا ولدي الة موسى بسألك جاسم أهني .
موسى :_ توه راد من دوامه تامرني في شي اوصله له .
ابو وليد :_ لالا لا توصل له شي بس حبيت اعرف اذا اهو اني او لا و اذا ما عليك أمر لا تييب خبر لأحد بتصالي هذا حتى جاسم نفسه .
موسى :_ ما طلبت عمي تامرني على شي ثاني .
ابو وليد :_ ما يامر عليك العود يلا في أمان الله .
موسى :_ الله وياك عمي .
سكر اتلفون و دخل غرفة اتبديل ليبدل اثايبه خمس دقايق بالكثير و يكون زاهب بهيبته و أناقته الرجولية حمل تلفونه معاه و مفتاح السيارة و طلع .. أول ما نزل الصالة ناظروه الكل ...
ام وليد :_ على وين يا ابو وليد .
ابو وليد بجدية :_ اجتماع طارء بالشركة ما رح اطول فيه مع سلامة .
الكل :_ الله يسلمك .
وليد :_ حمووود قم قم الحق ورى ابوي .
محمد :_ ليش .
وليد :_ اشفيك انت الحقه حاس قلبي مثل ما قالت امي بيروح لجاسم المزرعة .
محمد :_ باين ما خلص الأكشن يا نويفوه يلا عن اذنكم .
وليد :_ لا تحسسه انك وراه .
محمد :_ لا تشيل هم في أمان الله .. و سكر الباب و طلع مباشرة ورى ابوه ...
نوف :_ وااي على قلبي انتوا راعين اكشن احس روحي اعيش بفلم اكشن .
بدور :_ حسبي الله على بليسج اشفلمه هذا الله يستر الحين من تواليها .
وليد :_ اكيد الله بيستر احس ابوي رد بقلبه يحن على جاسم .
ام وليد :_ الله يسمع منك .
.................................................. ...............................
زياد وين ما كانت بسيارته يمشي بهدوء و أرتكاز و ينظم كل كلامه إلي رح يواجهه فيه مع سامي ولد عم سارة بنص دربه رن تلفونه لمحه لقاه رقم سارة عمر الفرح بمحياه حتى بالأوقات الي يكون لحاله يواجه ما تتركه و تكون وياه ...
رفع اتلفون زياد :_ الو .
سارة :_ هلا حبيبي وينك فيه .
زياد :_ ما كو مشوار اصغير تامريني في شي .
سارة :_ ما يامر عليك العدو بس يعني مشغول .
زياد :_ انا الحين بالسيارة بس اوصل لمشواري رح اكون مشغول بس قلبي مستحيل ينشغل عنج .
سارة :_ عساني ما اخلى منك دام جذي الله الله بالسواقة و موفق بدربك اكلمك في اليل اوكي .
زياد :_ الي تجوفينه تحملي بروحج عمري .
سارة :_ و انت أكثر .
زياد :_ لا توصين حريص .
سارة :_ في أمان الله .
زياد :_ بحفظه و رعايته ...
سكر و واصل دربه و يحس سارة معاه بقلبها حتى لو اهي بعيدة عنه بالمسافات فهياهات يكون قلب المحبين بعاد يمكن بعيدين الاجساد ولكن القلوب قربهم قرب الوريد و اكثر .....
سامي من صوب ثاني وهو يفتح سيارته يلتقي بأخته إلي توها واصلة من الجامعة ...
عبير :_ هلا سامي .
سامي :_ هلا توج واصلة من الجامعة .
عبير :_ اي والله تعبت اليووم من الجدول للمحاضرات يذبح .
سامي :_ الله يعطيج العافية و يوفقج .
عبير :_ طالع .
سامي :_ اي والله مشوار و راد يلا اخليج ما ابي أتأخر .
عبير :_ اخذ راحتك ربي وياك .
سامي :_ و معاج بدربج ...
تحركت عبير لداخل بيتهم و ركب سامي سيارته وهو بباله شلي يبي منه هلريال و شكوا فيه اهو بذات طالبه و من وين له يعرفني و يعرف رقمي و اسمي و كل شي عني و الله حيرة هسالفة و لكن تركها على الله و واصل بدربه ....
.................................................. ........................................
محمد الي تم يمشي ورى ابوه بسيارته بهدوء و تركيز و وصل للحظة الحاسمة الأشارة الي تسلك لطريق المزرعة و الي يمكن ياخذ يسار و يتوجه لطريج يوصله لشركة ....
تم يحسب الثواني لتفتح الأشارة و ينفتح هلمصير الي تم على نار ينتظره محمد ... لحظات و تعلن الاشارة بلون اخضر و تتلألأ عيون محمد بالفرح لمن لقى سيارة ابوه تاخذ اليمين طريج المزرعة لف باليسار و خذا طريج ردته للبيت و حمل اتلفون ليخبر وليد ...
وليد الي من صوب ثاني بالبيت على نار ينتظر شرح يصير مع محمد فز قلبه مع رنة تلفونه و رفعه بارتباك :_ هلا محمد بشر شصار معاك .
محمد :_ كل الخير يا وليد كل الخير راح بدربه للمزرعة .
وليد الي صدم الكل :_ يعني سالفة اجتماع طارء بالشركة مب صج .
محمد :_ هذا هو حطها حجة ليروح لجاسم .
وليد :_ الحمدالله الحمدالله الله يكون ويا جاسم ان شاء الله .
محمد :_ والله شايف لك بتصيبه جلطة جسووم لمن يلقى ابوي رايح له .
وليد :_ صل على النبي و لا تفاول يلا القاك على خير باي .
محمد :_ اوكي مسافة الطريج و انا بالبيت باي .
سكر اتلفون و تشبك عليه نوف :_ ها وليد بشر .
وليد :_ يقول راح المزرعة .
ام وليد :_ الله يستر الله يحنن قلبه على ولده يارب .
بدور تقوم لناحية عمتها :_ لا تحاتين يا يمه ما رح يصير الة كل الخير ادعي بس يا يمه يحن قلبه على جاسم و يرضا عليه.
ام وليد :_ الله يسمع منج .
.................................................. ...............................................
وصل زياد عند البحر و بركن سيارته على المكان المحدد و وقف برة سيارته و باله و نظره بهلبحر الواسع و الكبير و بتلاطم امواجه إلي تعصف الجو لقوتها و روعة منظرها .. بعد نص ساعة تقريباً وصل سامي و على وصف زياد له لسيارته عرفها و توجه ناحيتها تحسس زياد لوصول سيارة ناحيته و التف ليلقى شاب بعمره بسيارة بيضة هوندا و تتميز بفخامتها و لكن مب كثر فخامة سيارة زياد السودة الأنفلون الواسعة و الراقية بمنظرها و طولها الحلو الأنيق ...
دق قلبه زياد بعنف و ذكر ربه ليقوي نفسه ....
بركن السيارة سامي و بندها و لبس الكاب و نزل من السيارة متوجه لزياد استقبله زياد بتقدمه له بخطوتين و يمد يده ليصافحه ....
زياد :_ هلا والله بسامي اشلونك عساك بخير أن شاء الله .. عاش من شافك .
تــــــــــــــــــــــــابــــــــــــــــــع