يسلمو بنات لوجودكم بمتصفحي
شاكرة لكم وقفتكم وتعاونكم
اللي ان شاء الله بردها لكم في الأفراح
بقول لكم الأفكار اللي جمعتها
أول شي المسيرة
برنامج ما يطلبه المستمعون
يتكلم المذيع ويرحب بالمستمعين
و يقول الرقم اللي تستقبل عليه الاهداءات
بعدها يستقبل أول اتصال من وحدة
تطلب انها تهدي و تهدي أنشودة أو أغنية معينة للطالبات
و تبارك لهم وتشكر المديرة والمعلمات و الحضور
وتسكر بعدها يعلق المذيع و يبارك للبنات
و يشكر المديرة و المعلمات و غيرهم
من اللي حضروا الحفل في .............
ونسمع معاكم أنشودة أو أغنية كذا و تبدى المسيرة
المدرسة فيها ثلاث طوابق و سلمين ( درجين ) متقابلين في الزاويا
راح يكون سلم بيكون لأدبي و سلم بيكون لعلمي
ويتقابلون القسمين وهم يمشون في الممرات << وناسة حركة حلوة
و قبل المقدمة تصعد معلمة على المسرح وتقول ان الحفل تأجل
تقوم وحدة من الطالبات منقهرة
و تشيل سطل موية بترشه على المعلمة
المعلمة تخاف و تنزل جهة الطالبات وترش البنت السطل عليهم
و يكون السطل مليان ورد ويجي على البنات
المقدمة طالبتين يتخانقون بشكل مضحك
كل وحدة تبي تقدم الحفل و كل وحدة المعلمة قالت لها تقدم
و يروحون يسألون اي وحدة فيهم تقدم وتجي وحدة
و تقول أنا بقدم الحفل ان شاء الله ما يجون
الانشودة الترحيبية دويتو بين بنتين و ألحان الأنشودة كأنها أغنية
و البروجكتر يشتغل طول الحفل و لو كام في كلمة أو تلاوة تجي الكتابة سطر سطر
يتخلل الفقرات عروض فلاشية + عرض وثائقي عن المدرسة
و مسيرة الثلاث سنوات اللي درسناها و صور لأماكن المدرسة و شنو سوينا فيها
بنسوي مشهد عن نصرة الرسول
و نبغى مشهد ثاني فكاهي أفكر نسويه صامت شرايكم كيف يكون المشهد؟
مدري كيف نسوي عرض الحفل مرة سوو عندنا العرض مثل رحلة بالطيارة
و تنتقل الطيارة من مكان لمكان ما نبغى نسوي مثل غيرنا
أبغى أفكاركم بليز
و على المحبة نلتقي
معزوفة الأحلام