موضوع حلو و أسئلة فعلاً بدها جواب...
لماذا البنت تخاف من قول الحقيقة لأمها ؟؟؟؟؟
أنا بظن إنو مرات بتكون الحقيقة ما راح تعجب الأم أو إنو الأم عندها مواقف من بعض الأمور إحنا بنفكر إنها عادية وهي ما بتعجبها وممكن كمان إنو الأم يكون عمرها بعييييد كتييير من عمر بنتها فما تفهما فبتفضل البنت ما تحكيلها شي...
لماذا لا تسأل البنت أمها عن الصح والخطأ؟؟؟؟؟
ممكن لأنو البنت بتعرف إنو لو سألت أمها عن موضوع معين إذا صح أو خطأ راح تاكل بهدلة ...ممكن....وكمان إذا البنت أصلاً عندها توقع عن شي معين إذا صح او خطأ فما بتلاقي ضرورة تسأل أمها...
لماذا الفتاة تقول لأمها الكذب دائماً؟؟؟؟؟
ممكن كتييير البنت تكذب على أمها بس مو دائماً ومش على أمور كبيرة ( يعني مثلاً إذا سألتها أمها إذا رتبت شي أو اذا عملت كويس بامتحانها وهي ما عملت هاي الأشياء بتختصر البنت وبتكذب) بس أنا شخصياً ما بفضل إني أكذب على ماما لأنو إمي أولها أخرها راح تعرف الحقيقة فليش أحط حالي بوقع الكذابة وأنزل من عين أمي وأبوي .....وعشان ما أكذب أنا ممكن أجمّل الحقيقة أو أحكي نصها !!!!!!بالأخير إحنا بشر ومنخطأ وإنشا الله بنعقل!!!!!:ثانكس:
شكراً على الأسئلة خلتني أشغل عقلي كتييير