لايلحق الخاطر هواجيس وهموم
دام الغلا في داخل القلب مرســام~
واللي ركز حبك وسواله وشوم
تفسيره اصعب من تفاسيرالاحـــلام~
وكان الغلاقسمه ترى البعد مقسوم
وهاذي هي الدنياعلى مر الايـــــام~
القلب من عقبه غرابيل وهموم
وأنا شباب وكني اليوم شايب
هذي سواة الحب ظالم ومظلوم
حسبي على حظ مع الزين خايب
تعب الحشا والعين ماذاقت النوم
واليوم عن حبه فلاني بتايب
أبيك تحب_ _أبيك تحن..
أبي توله_ _مثل أول..
أبي عينك_ _تناظرني. وتترقب بجياتي.!!
أبيك تحس_ _أبيك ترد..
وأبيه البعد مايطول..
أبيك تشوف"حبي لك"
مع قلبي...
وفي ذاتي...
أبيك تلومني_ لوغبت_
أبيك تثور..
وأبيك تزعل_ _!!
وأبي أرضيك بخضوعي معك وبكل غاياتي..
قربك يبل القلب لا صار محروق
وشوفك ينسيني كل هم مضالي
يا شوق أنا مشتاق لك حيل يا شوق
تبقى على طول العمر وسط بالي
قلبي معك من عدة سنين مسروق
هذا مكانه داخل الصدر خالي
تذكرتـ.ـك!
وفي عيني مواري الحزن من ذكراك '
يلتفت يمك الخــافق،
وجتك خطــاه مجنونة
وجيتك ثـ.ـاير العبرة
« أحبك »
من يقول أنسـاك ؟؟
غيابك نار من يقوى
يشيل النار بعيونه ؟؟
يا عيـوني لا تضـايقـت قلـّـي
عشـان أحس بضيقتــك و اتضـايق
يكفــي تلـمـح لـي و أنا أجيـك كلـي
أضيــــــق من شانك ولو كنت رايـق
حـنـا اتـفـقـنـا نشكـي لبعـض ياللـي
تخفــي وري ضحكـة عيـونـك حقــايق
رجعت لك ماكني اللي
نسيــتك
ساري خيالي في متاهات ذكراك ..
ومن حسن حظي يوم جيتك
لقيــتك
وانا ماكنت ولا هقيت اني القاك ..
جيتك .. وضم جروح قلبي
فديــتك
في حضنك الدافي وفي نار لاماك ..
ياطول ليل الفراق وياثقل دمه
من يوم قلبي فقدله واحد غالي
من غاب عني ونفسي شايله همه
إلين ضاقت من إسبابه سعة بالي
فيني من الحزن مايصعب علي لمه
وشلون أبي أفرح وأنا ماشوفه قبالي
وش اسوي بقلب مل صبره وصابر .. ؟
وش اسولف واسولف ياغلاي وحنيني..؟
لو تموت الاماني ماتموت المشاعر
رغم حظي وحظك شوف وينك وويني
انت حلم وصاله ماانقطع دوم عاطر
كيف بنساك قلي وانت .....
"منــي وفينــي"
من بد خلق الله أنا ليه
بالذات ؟
ماتمشي الدنيا على
ماتمنيت ؟
دمعي رجا خدي يعديه
بسكات ..
وخدي عشان الدمع
بيقول عديت !
مرة النصيب يصيب
ويخيب مرات ..
ياليت لي صحبة مع الحظ
ياليت ..
يا نور عيني في غيابك تعذبت
أمشي على دربك وأناجي سرابك
يشيب رأسي عن محبتك ما تبت
مالي وجود بدون حضرة جنابك
لك وحشة في خاطري لا تغيبت
تظلم علي دنياي ساعة غيابك
من عقبك الدنيا بعيني
كئيبه.
لا الحظ صالح لي ولا
النوم طايب.
عرفت ليش دموع عيني
سكيبه.
وعرفت ليش أقول
ماللحب تايب.
ومامرني في طول
عمري مصيبه.
أشد من قسوة فرقـــــا
الحبايـــــــــب
ياللي تغرك ضحكتي بعض الأوقات
أحيان بعض الضحك معناه موتي
أوقات تلقاني أحاكيك بسكات
يوم الكلام يموت داخل سكوتي
يوم الحناجر تحتضر فيها الآهات
واعجز عن الشكوى ولو طال صوتي .
ودي أدق الـرقـم وأقــول كـيـف أنت ؟
ودي أسـولــف عـن مشـاعـــر جــديــده
ودي أقول بعالي الصوت من هو أنت ؟
أنــت غـــلا الـمـشـتــاق وأنــت وريـــده
ودي أسـولــف للـبـشـر كـيـف كـونــــت
فيـني من الحــب معــاني فـريده