وش باقي من الالام والتجريح ..
وش باقي من الأحلام ..
وش باقي من الأوهام ..
غير اني ألاقي في هجيرك فيّ ..
وألاقي في ظلامك ضيّ ..
وأوقد شمعتي في الريح..
شبيه الريح..
شبيه الريح أنا ما اقدر
أكدر صفوك العاصف..
شبيه الريح انا من لي
سوى احساسك الجارف..
بقايا زيف اشواقي ..
سما أمطار أحداقي..
شبيه الريح وش باقي..
ابي اعرف متى تسكن رياحك..
وابي اعرف غرورك هو متى يطلق سراحك..
وابي اعرف متى تعصف
ومتى تعطف
و متى تنزف جراحك..
وابي اعرف اذا باقي في بحرك موج
اكسر فيه مجدافي..
وابي اعرف اذا باقي في همك هم
ما شالته اكتافي..
وابي اعرف اذا باقي في هالدنيا حزن ما مرني واستوطن اطرافي .. ؟
بقايا زيف اشواقي ..
سما أمطار أحداقي..
شبيه الريح وش باقي..
سنيني يم
وقلبي المركب المتعب وانت الريح..
مجاديفي عذاب وهم
وزاد الوجد والتبريح..
وصبري صبر بحارة
بغو في اليم محارة..
غشاهم موج كان من الغضب اغضب..
وكانوا للهلاك اقرب
لولا كثروا التسبيح..
حبيبي الأصدق الأكذب..
تعبت اوصل شواطئ طبعك الأعذب..
تعبت اجمع ألم كل الموادع
في الموانئ واحضن اطيافك..
تعبت السهد في ليل الشوارع
والثواني تنطر مصابك..
تعبت الظلم واجحافك..
بقايا زيف اشواقي..
سما أمطار أحداقي..
شبيه الريح وش باقي..