[@محبةالورد@]

المشاركة الأصلية كتبت بواسطة لؤلؤة الخليج و الله أنا أمي اتسولي نفس الشيء مع أنها تفضل أختي علي . و أنا لله الحمد درجاتي عالية و أمي كل مرة اتشوفني اتقولي درجاتك موزينة علشان ربع أو نصف درجة ؟؟!! و أختي لا ؟؟!! بدل مما تشجعني تحبطني . و لما أخوي الصغير يغلط علي و أزفه ( و هذا الشيء دائم ) اتقول حق أخوي لا تكلمها هذي مسببة المشاكل ؟؟؟ مع أني مو أنا الغلطانة . و لا عمرها تحترم رغباتي و أنا كل إلي أبيه قطوة بس ؟؟؟ و اتقولي القطط حيوانات قذرة ووسخة و خلت أبوي يبيع قطوي الأول ( إلي ما خليتهم يشترونه إلا بعد عذاب ) و باعوه قبل يوم ميلادي إب يومين مع أني كنت متعلقه فيه و القطو صراحةٍ ما كان يسوي شيء غلط . آسفة علشاني عصبت لكن هذا إلي صج ايسير . لكن أمي طيبة و عزيزة عندي لكن مع كل إلي اتسويه فيني اتخليني ما أحب وجودها معاي في الغرفة نفسها . و ما أحس إب حنانها إلا لما أمرض .

 

 

حبوووووبه

عادي في بعض الأحيان نحس أن أمهاتنا مايفهمونا

مع أنهم يفهمون بس يتجاهلون

أنا أتوقع أنك في سن مراهقه صح

وهذا شعور عادي يجيك

بس أنتي تقولين ما أحس بحنان أمي إلا إذا مرضت معنى ان أمك حنووونه بس أنتي أعرفي كيف تكسبينها

أعرفي وش اللي تحبه واللي يرضيها ساعديها في المطبخ والبيت أول الأمر راح تستغرب

أجلسي معها سولفي عليها صحيح أنها راح تعطيك كم كلمه مثل :أزعجتينا يالثرثاره

لاتهتمين وسولفي صدقيني إذا في يوم ما جلستي معها هي راح تجيك وتقول لك: وينك اليوم ماشفتك ؟يعني بتفقدك ..

في بعض الأمهات مايتكلمون بس انتي تحسين بكلماتها في عيونها ورعايتها لك تحسسك بهذا

وعلى القطوه حبووووبه عااااااااااادي أنسي السالفه أنتي بتعرفين إذا كبرتي أن كلام أمك صح

أبحثي لك شي أحلى من القطاوه مثل السمك
<<تحب السمك تشوفه وهو يسبح
السمك إذا شفتيه يساعد على تهدأت الأعصاب والإسترخاء وشكلها حلو إذا جلست تسبح

وبالتوفيق ياحياتي إن شاء الله

وأي أستفسار راسليني على الخاص


محبةالورد