[عيون مغليها]

مرام:الجازي حبيبتي قومي جيبيلي مويه عطشااانه
الجازي قومي انتي مافيه احد العيال مهب فيه
مرام طيب اوريك هذا واحنا ضيوفك
بعدين طلعت للمطبخ وشربت مويه وفي اثناء الشرب دخل معاذ وهي طبعا تجمدت موعارفه وش تسوي
معاذ::!!!!!!!!!!!!!!!!!!!!!!!!!!!!
مرام شوي ويغمى عليها من الخوف
معاذ حس فيها وطلع بسرعه
مرام وصلت عند البنات ركض وهي معصبه على الحازي
وخنقتها بغت تموت بين ايديها
والبنات بعد ماعرفو السالفه نقعو ضحك على مرام
معاذ عقب ماطلع من المطبخ دخل الصالة وجاء ينادي على الجازي
الجازي:شالبلوى بعد هذا
الجازي طلعت له بسرعة قبل لا يذبحها
الجازي : نعم خير وش عندك
معاذ: ما عندي شي بس من عندك داخل
الجازي: سخيف والله ما يخصك
معاذ: كيفي حب استطلاع
الجازي : خل استطلاعك على اشكالك
معاذ: الي يسألك يتحسف على اليوم اللي انولد فيه
الجازي: ضيعت وقتي الثمين
معاذ: ما اقدر انا على ذا الوقت اللي بيضيع
رجعت الجازي للبنات من غير ما ياخذ من الجازي أي معلومة بسيطة
ملاك: هاه مرام وش رايك فيه حلو ولا لاء
رهف : لا بس هو وشو سوى يوم شافك اكيد ابتسم لك وغمز لك ورقمك
شذى: اقول بلا سخافة ترى اخوي ما يعرف هالسوالف البايخة
مرام: ما يخصكم ويللا بنروح البيت
مها:ايه انا الحين بتصل على سلطان يجي ياخذني
الجازي: لا يا حياتي انتي وياها تو الناس
ملاك: لا خلاص انا قلت لامي الساعة 8 راح اكون في البيت
شذى: يللا عاد اجلسوا بلا ملاقة تو الناس
مرام :ا سكتوا رد خالد
اسكتوا البنات طبعا عشان اصواتهم ما تطلع
مرام : هلا خالد يللا تعال خذنا
خالد: طيب يللا بسرعة لاني مشغول
مرام: ok احنا جاهزين باي
خالد: مع السلامة
ملاك : والله فشلة اخوك وش بيقول عني الحين ماخذها من بيتها وبعد برجعها ما ادري وين اخوها اكيد هايت في الشوارع
رهف: لا عادي اصلا خالد ما يقول شي
مرام : يللا هذا هو جاء
الجازي: يللا باي ترى بكرة الجمعه في المزرعة حقة جدتي لا تنسون تجون
ملاك: طيب يللا باي