ياروعة الضمه !
على صدر مِشتاق
مع واحداً .....
دايم تمنى
تضمه
لاترجمت صدره ...
تعابير الاشواق
ومن الغلا ....
تشِده عليك ! وتلمه
كنك تحس إنه بعد ضمه...
إفراق
تِشد في ضمه وهو ...
ازداد همه يفوح ريح العشق من بين ...
الافاق
واكيد مع ضمه ....
تمنى تِشمه
إحساسها في داخل الجسم ....
ينساق
بين العروق إلى حدود .....
المطمه ....
وهنا المطمه .....
رعشة ً تتبع إرهاق
منها الجسم ماكن .....
يكفيه دمه
من بعدها تحس غلا الشخص .....
بأحراق
وتجلس تمنى انك ...
تجيه وتضمه ...!!!
أنا يا بحر ما جيتك فضى ولمشاهدك شفقان
أنا جيتك أبنسى اليأس وبعض همـ يباريني
على حالك أنا جالس أسامر موجك الغضبان
أسولف له عن أوجاعي وعناي وغربة سنيني
عـلامك يا بحر غاضب .؟ عـلامك تصرخ بكتمان .؟
أنا جيتك أبشكي لك وأبي منك تواسيني
أنا مثلك بحر لكن وسط نفسي أنا غرقان
تعبت أبحر مع نفسي وأسـألها أنا ويني.؟
أنا محتار في وضعي ومع نفسي أنا حيران
أنا لا قادر أفهمها وهي تجهل مضاميني
أنا مليت من حزني وتعبت أبحث عن السلوان
ولا ضنيت به شيء عن أحزاني يسليني
أحس أن الحزن عالمـ بحور وصحره ووديان
وتخيل يا بحر حجمه إذا كله سكن فيني
وتصور لو شقا الدنيا تجـّـمع في كيان إنسان
وتصـدق ما بقى بالكون أسى ما بات في عيني
ترى كل الحزن لو غاب وراح لآخر الأوطان
يغيب ويرتحل لحظات ويرجع يستقر فيني
أنا آخر فصول الحزن وأنا لدربه العنوان
وأنا آخر عزوفاته وأصواته تغنيني
أنا والليل والغربة تعانقنا مثل اخوان
لليلي كل آهاتي وللغربة عناويني
تعبت أسقي ثرى أحلامي وأزرع بالوهمـ بستان
تعبت ولا نبت زرعي وتعبت جفت بساتيني
جحدني حظي العاثر رماني بسكة الحرمان
جحدني ولا قدر مره على الفرحة يرسيني
ألا يا بحر جاوبني وش آخر هذي الأحزان
وش آخر رحلة أوجاعي وعناي وغربة سنيني
((منقول))