[نبض قلب]

المشاركة الأصلية كتبت بواسطة الجوهرة الزرقة مشكورة يا نبض قلب ويا رفيعة المقام وممكن اعرف كيفية العناية بالشعر العادي وبطرق سهلة ونصائح؟؟؟

 

 

العفو ياغلاتي
وهذي نصايحي لج ولكل بنت تبي تحافظ على تاج جمالها



طريقة العنايه بالشعر..,,

اهم شي تاخذين الحديد والفتامينات من الاكل الصحي
واذا حستي ان عندج نقص راجعي اقرب دكتور وخليه يوصفلج مكملات غذائيه
لان اساس الشعر الصحي من الداخل
ومهما سويتي مارح يفيد اذا ما كان اكلج صحي



والعناية من الخارج::
اولا: استخدمي الشامبو المناسب لنوعيه شعرج
واستخدميه كمن مره بالاسبوع
يعني..,,
اذا شعرج وااييد طويل مره بالاسبوع
واذا شعرج نص 2-3 مرات بالاسبوع
واذا قصير كاريه او دقرديه 3-4 مرات

ثانيا:استخدمي البلسم من نفس ماركة الشامبو
واستخدميه حسب ماهو موضح على العلبه يعني كم دقيقه وكم مره..

ثالثا:حطي زيت عسب يرطب الشعر
وانا انصحج بزيت الزيتون او السمسم

رابعا: ابعدي كثر ما تقدرين عن السيشوار والصبغات والمواد الكيماويه
وانتبهي من اشعة الشمس والمياه اللي فيها كلور

خامسا: قصي شعرج بين كل فترة والثانيه من 2-3 شهور


واتمنى انج تستفيدين من نصايحي