. . 1 . .
لولو ..
الله يسلمج حبيبتي ..
أمس اعتمدت الرد و قمت ما قدرت اكمل داايخه ..
و بليل نومي .. مو نوم .. أقوم مكتوومه $: ..
بس بعد الفجر .. الحمدلله صرت أحسن ..
اليوم الصبح قايمه مرتااحه .. أقدر أتنفس من خشمي شوي ..
ما صمت لأنه ما كنت بقدر لازم آخذ الدوا ، و كل شوي أشرب شي دافي ..
إن شاء الله باجر أبدا صيام 6 ..
الحمدلله إنه هالتعب يه على الويك إند ^^؛ ..
سنوي .. يحليلها الكل يحبها بالبيت .. أمي إللي كانت تقول مابي أنثى بالبيت غير الام ..
ميته عليها .. خاصه إنها بيضة و أطرافها ناعمه و كيوت .. غير صوتها لما تتدلع ..
خبر بايخ .. سوشو .. أمي بتعطيه صديقتها .. $:
بس أنا متحمله و ساكته .. و قلت ما عليه هو كان بيروح مني للموت ..
الحين بيروح لشخص ثاني نعرفه و نقدر نشووفه وقت ما نبي ..
أنا كان كل أملي يرجع يطيب و يرد له بصره ..
أختي إللي هي صاحبة سوشو .. مو راضيه .. و تقول يا أبيعه مبلغ غالي يا لأ .
و أمس تقول ما بيعه بفلووس الدنيا ..
بس هي تقهر أذكر يوم صار مريض صاحت عليه ..
و بعدين و لا تدري عنه و أنا بس أجابله و من دكتور لي الثاني ..
و لما تعافى ما تلعب معاه .. صارت بس تحب بنتي سنوي ..
الحين ما أقدر أعترض على قرار أمي ..
خاصه إني خالفت قانونها إنه مافي بنت بالبيت غير الام ..
و هي وافقت انه بنتي سنوي تقعد بالرغم إنها بنت ..
و ثاني سبب .. هي قالت من قبل كل عيال لوله الام يتوزعون ..
نرجع نفس قبل قطوة وحده بس ..
فلازم أحترم نفسي و أسكت .. لا تقولي حتى بنتج بوزعها $": ..
ههههههههههههههههه
كتبت لج قصة حياااتي ..
شسوي هذيله هم حياتي و دنيتي ..
...
..
.
عازفة ..
إي بالمدرسه مو اختلاط .. بس نادر محد يقط حجابه ..
مادري من أنا بالمدرسه و ما تعجبني إللي تقط حجابها بالصف و غيره ..
خلاص يعني إنتي متحجبه .. بعد ماله داعي بكل مكان مافيه ريايل تقطين حجابج .؟!
يعني قطيه بالبيت .. بيت أهلج .. بمناسبات زيارات ..
أحس المدرسه مكان رسمي حتى لو كل يوم ..
و لما يقطون بالمدرسه المشكلة .. لما يدخل مصلح المكيف أو أي عامل ..
نقولهم لبسوا حجابكم .. يقولون عادي شدراه إني متحجبه !
>> سنين و أبي أفهم شنو هالعذر .؟؟!!
|
 |
|
مـختـلطـه ..!!!!!!
|
|
لوووووووووووول شفيج حاطه وايد علامات تعجب !!!!!
صج مختلطه .. بس و الله الجامعه مافيها مغاازل أبدددد ..
و طلبة الجامعه .. مادري خاصه جامعتي ..
حيل محترمين .. و مخهم مو فاضي .. و يمشون بحالهم ..
من كثر ذرابتهم .. لو كان هو واقف ناطر الاصنصير( المصعد )
و يت بنت .. ما يركب بنظر المره الثانيه ..
يعني مو يركب و يسكر عليه و يطنش .. معنه حقه ..
و لو مثلاً فتح المصعد و كان بيركب و لقى بنت أو بنات ..
ما بصعد معاهم .. ينطر ..
و لو مثلاً دخل مكان و فتح باب و هالباب من النوع إللي يتسكر بروحه ..
يفتح الباب مده لين يمرون البنات >> تقولين موظف فندق !
تصرفاتهم بالممرات بالمواقف .. بحالهم ما جنه في بنات ..
يمكن الشباب بكل مكان يسون جذي يعني مو جامعتنا و لا ديرتنا ..
بس بهالزمن زين في جذي !
هو ممنوع محاضرات مختلطه .. إلا للخرجين و الخريجات ..
مو حصلوا مكان .. يفتحون شعبة طلبه .. و عادة ما تتعدى ال 30 ..
و يدخلون معاهم بنات ..
أو العكس ..
و يكون دايمًا عدد البنات دبل الأولاد ..
و كل منهم يقعد بجهة .. يعني مو مثل أفلام مصر عادي يم بعض ..
و يكون بينهم احترام لا في نظرات و لا غيره ..
و حتى الدكاتره ما يتكلمون بمواضيع حساسه أو خاصه ..
و الغريب إنه الطلبة خجولين .. يعني ما يستقوون و يتشطرون جدامنا ..
إي و في مقولة بالجامعاات كلها عندنا ..
إنه الدكاترره يعطون البنات درجاات أكثر من الأولاد ..
و الدكتورات يعطون الطلبة درجات أكثر ..
إي صج هذا يصير ^^ ..
و الدكتورات ما يهاوشون الطلبة تدرين يعني ريال طول و عرض .. عيب ..
بس في منهم ما يهمهم .. المهم الالتزام بوقت المحاضره ..
و الدكتور كله البنات كاسرين خاطره و عندهم مو من الذوق يهاوشون بنت ..
بس يعطونا درجات لأنه إحنا أشطر .. وهذا معرووف ..
الحين أنا عندي 3 مواد معانا فيها طلبة ..
ما يفرق عندي لأني سواء بوجودهم ولا بعدمه ما أشارك ..
في بنات يستحون يسؤلون بوجود الطلبة ..
أنا بالثنوي مع أبله و نااادر حييل أسأل ..
لو سألت ما يكون عن الشرح .. كله شي ثاني .. مثل متى الامتحان ؟ لي وين الامتحان .؟
أنا وين دخلت بهالسوالف كلها $: ..؟
المهم ..
الوضع عندنا أوكي ..
إحنا متعودين عليهم بالسوق بالشارع معانا ..
يت على الجامعه يعني .. ؟
و أكثرهم عقل هم إللي بالجامعه ..
فيعني لو هان علينا الاشكال بالشارع أكيد بيهون بالجامعه ..
البنت عندنا مو شرط تكون متغطيه عشان محد يتحرش فيها ..
في متحجبات بدون نقاب ..
الواحد يستحي يطالعها ..
البنت إللي تبي أحد يكلمها .. تترس ويها ميك أب ..
تتسبح بعطر .. تلبس كعب .. و ألوان ملفته ..
لبسها ضيج و مخصر .. غير الاكسسوارات و غيره ..
هذي انا أنظر لها باحتقار خااصه لو متحجبه >< ..
هي البنت إللي يطالعونها الشباب ..
و جد و الله في مو متحجبات ..
أدب و احترام و سنع .. محد يقرب منهم ..
مجتمعنا خليط .. و كل واحد تربيته ..
|
|
يـاحبـي لـنـا نـكشـخ بـالشـعـر والـميـك آب بالـجـامعـات
|
|
إي أعرف بنات يقولون لازم كشخه بالجامعه ..
أنا أكشخ بالجنطه بالساعه بالأشياء الظاهره ..
لكن ويهي مستحييل مكياج ..
أشوه إنه مخلتط ..
فاضيه كل يوم أجابل المنظره و أتسنع ..
أنا رايحه أدرس مكان علم مو زياره عائليه و لا يمعة بين صديقاتي ..
عاد في عندنا ما يعوقهم مختلط و لا لأ ..
كل يوم تسريحه و لون ميك أب ..
و اكسسوارات .. و جناط ما يكررونها ..
و كل اسبوع تشتري طقم ملابس ..
الفلوس إللي يعطونها الجامعه تروح على السوق أو الفواتيير ..
.
|
|
|
يـقـوولـون مـدرسـه مـو عـرس هــ ع
|
|
صاااجييييييييييييين و الله .. هع
|
|
وأبـشـركـم سـمحـوا للـطـالبـات بـالكـحـل
أول كــان مـمـنــووع ..
|
|
إي حتى إحنا مرات يطق ببالهم مافي كحل بالمدرسه ..
حتى تيي الناظره ( المديره ) تمسحه لهم ..
و مرات يكون فيه مسكره ..
و كلهم تقولهم ليش حاطين .؟
و كل من يقوول .. أمس عندي مناسبه و ماراح ..!
و في منهم يحطون كريم أساس يا قثهم
ما عندهم ثقه بجمالهم الرباني ..
حلاة الوحده بالمدرسه تكون بريئة على طبيعتها ..
لاحقه على التكشخ و التمكيج .. طوول عمرها ..
أنا إن حطيت مافي إلا فازلين لو ما حصلت مرطب .. >> حلوة فازلين لووول
أذكر لما بآخر سنة ثنوي ..
كنا مجموعه بنفس الصف .. كلنا عندنا مثل المرطب ..
بس كل وحده نكهة و لوون معين .. ما تغيره حتى لو خلص ترد تشتريه ،،
كنت لما أطلعه أحط .. ألتفت على إللي عندهم .. و كل وحد تدور وحده قريبة و تطالعها و تحط ..
و الثانية تفهم . و تطلّع مالها و تحط ..
كلنا نقعد نحط بنفس الوقت ^^ ..
ههههههههههههههههههههههه و الله ذكريااات ..
حركه هبلة .. بس تستانسيين لما تسوينها (= ..
هذا إللي أقصده : أنا كنت الكحلي ( شفاف ماله نكهة ) أو الوردي .. نسيت على شنو !
http://www.b2bcosmetics.ch/b2bshop/images/labello_set.jpg
و كل ما نزل نوع يديد .. قلنا لبعض و رحنا نجربه ..
الأصفر مرطب زين .. بس إنه جنه شمع .. و يترك أثر على البراطم .. ما يتوزع عدل ..
http://maya.html-girl.com/blog/media/27062005(002)_labellini_edit.jpg
هههههههههههه و الله قمت اتذكر فلانة شنو كانت تحط و أي لوون (=
...
..
.
|
|
|
مس سلاماااااااتك ماتشووووووووفي شرررر
|
|
الشر ما ييج حبيبتي .. مشكوووره
صوورتج الشخصية يمي يمي (؛ ..
تعالي مو مرة صغرت لج صور و ضفت اسمج عليهم ..
وينهم ما حطيتهم ..؟
>> ليش الفضاايح خخخ
...
..
.
الله يا طوول الرد عن سنة !!
بعد هذي سوالف البنات إللي تخلص لووول