:
..{ مدخل ..
نافق تعيش ..
و جامل الناس تنحب ..!
وبيع الضمير تشوف كلن يجيلك
هذا هو المنظور في وقتنا [ الصعب ] ..
أما تزيل الصدق ولا يزيلك ..!
.
.
كل الأماكن [ وطن ] وعيونك المنفى
و أنا غريب لقى في عيونك دياره
يا ساكن القلب خذني للوجع " تكفى "
ما دام ذنبي كبير أكبر من أعذاره
البرد موحش دخيلك بس كيف أدفى
و أعصاب جرحي من التأنيب منهارة
أدري مقصر لأنك دايم الأوفى
لأنك إنسان فعلا [ صعب تكراره ]
,,
تملكيني لو بغيتي
تملكيني لو رفضتي ..!
تسحريني لو حكيتي
تسحريني لو سكتي ..!
أنا نجمة في مدآرك
ضي عيني من نهارك
و أنتي قلبي و اللي فيه
لو رضى قلبي بغيرك ما أبيه
أنتي " أغلى " من هجرني
و أنتي أجمل من يغيب
والله لو بعدك قهرني
ما أبي غيرك حبيب
سافري و القلب دآرك
راضي بثلجك ونارك ..!
حبي قلبي واكرهيه
لو رضى قلبي بغيرك
[ ما أبيه ] .../
,,
تذكر !
وعدتك إني أنساك
و وعدتني تبقى لي لو ما بغيتك
تذكر !
كنت قاسية معاك
ليتك كنت وقتها قاسي ليتك
كآن ما ندمت
كآن ما جزمت
أوصد أبوابي بدونك
و أهمس [ ارحل ] ربي يصونك
تذكر !
وقتها سكت وما حكيت
و كان سكوتك قهر
أذكر إني بكيت
بعدها كل " العمر "
تذكر !
رحلت وقلبي ظمآك
لو وجودك عذب كان رويتك
وعدتك إني أنساك
أبشرك
حاولت بس ما نسيتك ..!
,,
حسيت في آخر زيارة
شي بعيونك مختلف ..!
و شي بحديثك مختلف ..!
حتى سكوتك مختلف ..!
كنت بشكوك
و شفت الحقيقة في عيونك [ تعترف ]
موقف غريب ..
موقف أبد مآ ينوصف
وين الكلام !؟
وين الحرارة في السلام
كبير الفرق مآ بين
أول لقاء
و " آخر زيارة "
مدري وش أقول
يآ حب خآنتني العبارة
مدري وش أقول
و الحر تكفيه الإشارة
كل شي حبيته في بيتك
نسآني ..!
الهدوء .. الليل .. الصمت .. الأغاني
حتى لون الورد .. و الفرحة .. و مكآني
داهمتني الغربة
ليتني مآ جيت
ليتني رديت
حزني .. غرّب ضحكتي ..!
لساني .. ضيّع كلمتي
حسيت بالياس و [ مشيت ]
كنت بشكوك
و شفت الحقيقة في عيونك تعترف ..!
,,
إيه
[ خنتك ] ..
لأجل أنا أرد اعتباري
..!
صح هنتك
..
و ماني محتاجة أداري
و لا ترجى اعتذاري
..!
واسمع اللي لك بقوله
يا تفآهات الطفولة
ماني بذيك الخجولة
و باجرحك يآ جارحي
..!
شفت وشلون الخيانة قاسية
لحد
" الإهانة " ..!
مير من باب الميانة
قلت مثلك بطعنك
و أنت بحدود البكي
لا تكثّر بالحكي
و لا تظن انك ذكي
و أنت جرحي يسكنك
..!
تهمتك لي
[ الخيانة ]
زيد معها
..
سبق إصرار و ترصد
..!
يعني النية في قلبي
/ نية مبية
لأني أصلا و بصراحة
..
خنت عمدا
لأجل أوريك اللي شفته
ولا تظن إني
" جبانة "
جيت أواجه
..!
و أسمع لهرجي رجاء
خنتني يوم الوفاء فيني كبير
يعني أنت اللي بديت
هنتني يوم العطاء مني كثير
ودون مآ أدري
..
قسيت
..!
و الفعل لا بد له
/ ردة فعل
..!
و أنا منك انعميت
قلت أسوي مثل فعلك
ثم فعلت
..!
ليه بفهم
.. انفعلت
..!
آه يا ذا
[ المجتمع ]
الصداقة للرجل
و الخطايا للرجل
و الخيانة للرجل
قابلينه في خطاه
..!
بس إحنا
ما لنا غير الخجل
و التغلي و الوجل
و الله أعطانا قلوب
.. تعشق بصدق
/ وتذوب
و لجل حب اللي نحب
نسعى حتى للدجل
..!
آه ما أغباه قلبي يوم ظنيت الوفاء
.. و العاطفة
و أحساس الدفا
ممكن إنها تجتمع بهالزمن في قلب واحد
يآ خايني
/ مع السلامة
..!
رح مع ذاك الطريق
خنتك لانك تستحق الطعن و كفوف الغدر
منت بكفو بنتٍ وفية تملك الحب العميق
طابت جروحي يوم شفتك
منصدم بي منقهر
..!
.
.
من قبل تنهي مسرحك
أسدلت أنا عنك
[ الستار ]
و أنهيت كل اللي جمعنا من كبير و صغير
و أبشرك
..!
قلبي كبير و لا يتأثر بالصغار
و إذا تحداني الزمن لجأت إلى الله
" استخير "
ليلك طويل و لا أعتقد يطلع على مثلك نهار
قلبي نسآك
..!
و موقفي هذآ هو الرأي الأخير
اخترت وضعي مثل ما أنت اخترت وضعك
باختصار
..
هذا الكلام اللي سكن نفسي
و نآبع من
[ ضمير ]
,,
خآطري يآ صاحبي منك انكسر ..!
يوم قررت السفر عني [ بعيد ]
كآن ودي نلتقي
طول العمر ،
و الغلا ما بيننا ساعي بريد
كيف " بصبر " ..!
كيف بقوى ع الصبر ..!
و أنت في دمي و تجري بالوريد
تمسي بقلبي
و تصبح في النظر
و كل يوم ..
الحب في نبضي / يزيد
كيف بوصف حالتي
وصفي قصر ..
فيض شوقي
ما معي شي جديد ..!
الغلا .. و الشوق
في قلبي بحر
هآيج الأمواج .. و إعصاره
شديد
كيف تتركني و أنا بحالة / خطر
حاير الوجدآن و دموعي قصيد
ما يسلّي خآطري غيرك بشر
أنت الغالي
و مضموني الوحيد
,,
.. مخرج }..
نمشي مع التيار من وين ما هب
و أترك عنك من قال قلبك دليلك
إن عشت في نية [ تحارب ] و تنسب ..!
ولا عاد تلقى بالأوادم خليلك
,,
و يسلمـوو على مروركم على توبيكي المتواضع
<~ هذي صح انها بس رسالتين وسائط بس هم
خلوني بجد وغصب عني أحطهم من حلاهم .. ^^
أتمنى يكون التوبيك وبالنهايه أعجبكم ..
وياليت الي تدخل ترد ..
مع خالص الـود ,,
.
.