[Ms.KuwaiT]

السلام عليكم





ما عندي مقدمااات .. الفكره مني مو ملطوشه .. :027:





الله يسلمكم .. من جم شهر ..

أيام إمتحانات الفاينل ..

كنت أتصفح مواقع التصوير ..


و كل يوم أطيح على موقع أحلى من الثاني .. و أبتهر بالصور .. :020:

و ألهى عن كتبي و دراستي >< ..

و طبعًا لما خلصت امتحانات .. إلا أنا شبعانه تأملات ..:008:

>> أدري الكل يصير فيه جذي وقت الدراسه يا تطلع عنده المواهب بأنواعها أو تلهيه المُغريات بكافة أشكالها .. :027:





و أكثر موقع كانت تييني منه إيميلات .. هو الموقع الغني عن التعريف : شبكة بو نواف ..

و كان عنده أنواع و مستويات مختلفه من الصور ..

يعني الاحترافي .. و العادي .. و البسيط .. و المعقد .. و الفلته .. و البايخ >> لازم تطلّع عيب :006:





عاد قلت .. و الله مافي أحد أحسن من أحد ..

و أنا شفيني مبتهرة زيادة .؟

قمت ألاحظ صور حلوه .. لدرجة تتوزع بالمواقع و الإيميلات .. ما يبيلها شي .. !؟

فصرت .. كل ما أشوف صوره .. بسيطه و أحس أقدر أسويها بالبيت و عناصرها متوفره ..

أخزنها .. بملف سميته [ أفكار للتصوير ]

و لكن للأسف ما بديت بالتطبيق إلا قبل جم يوم .. :027: >> لأنه بدينا دراسه :008:


و قررت .. نتعلم كلنا أسرار كل صورة تبهرنا بأفكارها و ألوانها :010:

>> قولي جذي من الصبح $:صدعتي راسنا :006:






فكرة الموضوع :


كل فتره .. بنزل صورة عجبتني .. و أنزل صورة تشبهها أنا مقلدتها .. :040:

و أقولكم شنو استخدمت .. و شلون قدرت أقلدها .. :027:

و تبدون إنتوا تطبقون على راحتكم .. وقت ما حصلتوا الأغراض .. :010:

و أكيد تقدرون تغيرون و تضيفون لمساتكم .. :014:

لكن بشرط تسوون نفس الصورة الأصليه ..

بعدين تسوون وحده مع تغييراتكم و على ذوقكم .. :040:







أهم شي نحتاجه لكل صورة :


1 . حب التصوير : مافي وحده تقول أنا ما أعرف .. صعب .. أنا مو موهوبة .؟
أي وحده مسكت بيوم الكاميرا .. يعني هي أكيد عندها موهبة تحتاج تنميها :010:
حب التصوير هو أكبر دليل على الموهبة إللي تبي تطلع و تبيج تبدعين و تكتشفين شي فيج ما تدرين عنه ؟!؟ :027:





2 . الصبر .. طول البال : يعني ممكن تقعدين تصورين 80 صورة عشان تطلعين بلقطة وحده حلوة لبيضة مثلاً .. !
صج بتطوليين .. لكن راح تفرحيين حيل بالنتيجة إللي طلعتي فيها :010: .





3 . الثقه : محد يحبط نفسه و يقارن بغيره ، مافي مصور إلا و صور لقطة مهتزه لقطة قعد عليها ساعه و آخر شي مسحها .

المصدر: منتديات بنات دوت كوم

---

© «->¸ ¨¨¨ ¸>-»© jJrJgJdJ] hgJwJ,v © «->¸ ¨¨¨ ¸>-»©

الموضوع الأصلي : © «-.¸ ¨¨¨ ¸.-»© تـقـلـيـد الـصـور © «-.¸ ¨¨¨ ¸.-»© || القسم : "الأرشيف" مغلق || المصدر : منتديات بنات دوت كوم || كاتبة الموضوع : Ms.KuwaiT