[بسمة الشمس]

مساءكم فل ..

قريت مجموعة من الكتب وكلها حلوه بصراحة


سقف الكفاية
للكاتب الشاب محمد حسن علوان ..
الرواية جداً جداً رائعة ..
مليانة أدب وبلاغة ..
يعني تحسين إنك تقرين كتاب من كتب الأدب القديم ..
المهم لا يفوتكم إذا كنتوا تحبون الوصف والبلاغة والتشبيه ..
أنا مرة عجبني ..


رواية مدائن الرماد ..
للكاتبة السعودية بدرية العبد الرحمن ..
الرواية جداً رائعة وما تخلينها لين تخلصينها ..
فها خيال حلو ..
أسلوبها بسيط ويشد من أول صفحة ..
مدخلة فيها خواطر وكلمات جداً حلوه ..
مشوقة بشكل مو طبيعي ..
أنصحكم تقرونها بسرعة ..


رواية .. كم بدت السماء قريبة..
ورواية غايب ..
للكاتبة العراقية بتول الخضيري ..
الروايتين ثنتينهم حلوه ..
تحسين أسلوبها جداً رائع ..
وتوصف لك مكان القصة والزمان بشكل حلو مرة ..
لا تفوتكم القصتين ..

رواية إيراجون ..
من إصدارات جرير ..
خيالية بحتة تحسين إنك تشوفين فلم أكشن وإنتي تقرينها ..
مرة حلوه ومرة مشوقة .. لا تفوتكم ..


رواية اليهودي والفتاة العربية ..
لكاتب سعودي تلقونها في جرير ..
القصة مرة حلوه بدايتها مشوقه وأسلوبها يشبه أسلوب مدائن الرماد ..

وبس ..

ولي عودة بمجموعة أخرى ‘ن شاء الله