أدري موضوعي حده متأخر ^^؛
بس ما عليه .. نرجع لجو رمضان .. و يا حلو أيام رمضان :"( ..
+ حسافه عليهم تنتهي صلاحيتهم لي السنة اليايه :018:
تعريف بالقرقيعان :
( منقول ) مع تعليقات و إضافات بسيطه مني ^^..القرقيعان هو احتفال شعبي يتم في منتصف رمضان تقريبًا
يرتدي فية الأطفال الزي الشعبي و البنات تلبس ( الدراعة و الثوب و البخنق )
و الأولاد ( الدشداشة و الطاقية " القحفيه " )
يذهب الأولاد جماعة بالفريج و يقرعون باب البيوت سائلين : ( عندكم قرقيعان ) ؟
إذا كان الجواب نعم ,, يخبر صاحب البيت الأولاد عن اسم ابنه , فإذا كان محمد مثلاً غنو له :-
سلّم محمد يالله .. خلّه لأمه يالله
سلّم محمد يالله .. خلّه لأمه يالله
سلّم محمد يالله .. خلّه لأمه يالله
سلّم محمد يالله .. خلّه لأمه يالله
>> و بس وايد عليهم :023:
و عندما يفرغوا من الأغنية يأتي صاحب البيت بالحلويات و المكسرات و الشوكولاتة و يملأ كيس كل واحد من الأولاد و يذهبون لبيت آخر ثم آخر ثم آخر لغاية ما يملون و يرجعون البيت :)
أما البنات فبنفس الطريقة و لكن إغنية البنات تختلف عن الأولاد ,, فالبنات يقولون :-
قرقيعان و قرقيعان ,, بيت إقصيّر و رميضان
عادت عليكم صيّام ,, كل سنه و كل عام
الله يخلّي محمد ,, الله يخلّه لأمة
عسى البقعة ما تخمّه ,, ولا يواسي على أمه
>> إللي تحتها خط مادري شنو يعني .؟
و إن كان في بيت ما فيه قرقيعان رموا اهله بالمكسرات و غنوا لهم :-
ويس ويس كل بيتكم مجاعيص
ويس ويس كل بيتكم مجاعيص
ويس ويس كل بيتكم مجاعيص
>> هم إللي تحتها خط مادري شنو يعني .؟ :018:
.
مره يونا و قالوا نغني لمنو .؟
قلت لهم اسم قطوتي .. 
قالوا منووو .!!!؟
جان إختي تقولهم أحد ثاني نسيت منو .. "026"
و مرات نتهاوش جدامهم أنا أقولهم يقولون اسم اختي
و تقول لا إنتي .. :030:
أول و هي صغيره تستحي و تنحااش !! :012:
و همه يقولون خلصونا يلا "026" >> بينهم و بين نفسهم
>> مادري منو اليهال الحين أنا و إختي و لا إهم ! :018:
أدري طوولت ..
1 : هذي شمعه داخل سراي : سراج = فانوس .
هذا شكله كامل .. بس الصورة طالعه مأساة مو واضحه >< :
2 : واحد ثاني معاه حلاو :
3 : هذا قرقيعان صديقات إختي .. لازم كل سنه كل وحده تسوي علبه أو جيس و يحطون اسمهم عليه و يوزعون على الصف و الأبلات .. و بعدين يعطونهم بريك يروحون يقرقعون على الصفوف الكبيره يغنون الإغنيه و يقولون أسامي بنات الصف كلهم .. و يعطونهم حلاوه (؛ :
العلبة الصفره .. هذي قرقيعانها كان كوول ..
و إللي تحت هذا ماكدونالز وزعوا علينا ..
في علب وايد .. بس هذيله أحلى شي ^^ ..
طبعن البنات يهمهم محتوى العلبة ..
كل ما قلّت المكسرات و زاد الحلاو النادر .. كان أحسن شي (؛
4 : هذا محتوى قرقيعان إللي وزعته إختي ، و كلهم قالوا هو أحلى شي (= :
5 : و هذا القرقيعان إللي نوزعه ببيتنا لما يطقون الباب و يقولون عندكم قرقيعان ، و يدخلون و يغنون و نعطيهم بالدوور :031: :
6 : يا حلو شكلهم و إحنا نحط لهم عيونهم تللمع و عينهم عليه و هم يغنون .. يظهر كل ما عجبهم كل ما زادوا حماس و هم يغنون :018: :
7 : أما هذي الصوره (: ..
إختي كانت ماكله مصاصه حمرره ..
و يت طلعت لي لسانها ..
و يتني فكره .. :001:
شوفوها و فهموها (= :
قلت لها يبي ورقه شجر ، نحطها تحت خشمج ،
يعني فراوله .. راحت قصت ورقه خضره على شكل الورق ..
و لزقناها بصمغ ^^ >> و الله مطاوعتي هالاخت :018: ..
عاد يننتني فوق الـ 20 صوره ..
مره تلحس الورقه .. و نسوي وحده يديده ..
مره تقول إففف ريحة الصمغ ما أستحمل ..
مره تقول تعبت باخذ نسم ..
مره تحرك لسانها و تطلع الصوره مهتزه ..
لين لحست إيدي و أنا أثبت الورقه ..
جان أعصب و أقوم أغسل إيدي و أهوِن :030: ..
و كانت هذي كانت أحسنهم ..
و مشكوورين على المتابعه و المرور (= :025:
الفواصل ملطوشه ^^؛
۞ >¸>•°•>¸> ₪ § rJvrJdJ3Jhk , GrGe3aN § ₪ ¸>•°•>¸> ۞
الموضوع الأصلي :
۞ .¸.•°•.¸. ₪ § قـرقـيـ3ـان و GrGe3aN § ₪ ¸.•°•.¸. ۞
||
القسم :
"الأرشيف" مغلق
||
المصدر :
منتديات بنات دوت كوم
||
كاتبة الموضوع :
Ms.KuwaiT