[Ms.KuwaiT]

قبل السوالف نبدا بالقوانين :

- لازم الحوار باللغه العربيه الفصحى .
- لازم الخط مـا يكون تاهوما .
- لازم كل رد باللون الأسود أو الرمادي .
- لازم الحجم رقم 2 .
- لازم يكون الكلام بين 6 حروف إلى 70 حرف . ممكن أكثر أو أقل بحرفين فقط . ( ملاحظة في برنامج يحسب عدد الحروف .. في حال تبون الرابط بلغوني )
- ممنوع كلمات أجنبيه مثل هاي باي لول كول .. و غيرها .
- يمنع منعًا باتـًا قول كلمة هههههه أو ههههههاي .
- يمنع التعليق على شي يتعلق بالعضوه السابقه . فقط يسمح بالتعليق على إللي قبل إللي قبلها .
- لكل عضوة الحق في الرد على الموضوع 3 مرات فقط .
- لازم سمايل مبتسم و آخر حزين نهاية كل رد . ( لإضافه نكهة من التناقض و الغموض ) .

ها شرايكم ..؟

لا بس بخرعكم .. :018:

يعني بما إنكم تقولون المنتدى كله ممنوع و قوانين .. عشان جذي حتى السوالف لها قوانين

القوانين المعروفه :

يمنع الحديث في الأمور الدينيه و السياسيه و فتح الحوارات التي تشجع الطائفيه و المذهبيه .
يمنع التلفظ بألفاظ بذيئة و التحلي بالأخلاق الاسلاميه الحميده ؛ أو تقليد أصوات الحيوانات عزكم الله >> ترا صارت .
يمنع وضع الإيميل أو السبيس أو أي رابط لمنتديات أُخرى .

قوانين ( wـــgالــف بــNــات ) الثابته :

يمنع الحديث عن المشاهير ( فنانين - ممثلين - لاعبين - .. إلخ ) و تناقل أخبارهم و سيرهم و طبعًا صورهم .
يمنع منعًا باتا اللعب في الموضوع ، لأنه الألعاب تقدرون تلعبونها بأي منتدى و مع مهمًا كان ، لكن السوالف مو بأي مكان تقدرون تسولفون فيه و لا مع أي ناس . فالسوالف أولى من اللعب + إنه فيه موضوع خاص للألعاب .
ممنوع وحده تشتكي و تتكلم عن عضوه بشي يضايقها ، و ممنوع تحشون بالمنتدى و الإدراه :023: تقدرون تقولون إللي تبون بصندوق الاقتراحات .
ممنوع فتح موضوع للسوالف و تبادل الأخبار غير هذا الموضوع .

قوانين ( wـــgالــف بــNــات ) :
إللي يمكن أعدلها مع الوقت .. يعني على حسب ما تكسرون خاطري :006: و أشوف جديتكم بالموضوع :010:

تمنع الصور بغض النظر عن محتواها و حجمها ؛ إلا في حال كانت لتوضيح شي أو فكره أو سالفة .

بالنسبه للردود :

البنات إللي يبون ياخذون أجر و يقولون أذكار ( سبحان الله - الحمدلله - الله أكبر - أعوذ بالله من الشيطان الرجيم - أستغفر الله - لا إله إلا الله - . . . ) تكون برد واحد . >> أفضل تكون بموضوع اهمسي .

كل بنت تقدر تسولف على راحتها سالفة طويله قصيره .. ( يعني مافي تحديد للحروف .. أصلن مادري لو في برنامج يحسب p; ) و تعلق على غيرها .. بس .. عدد المشاركات في اليوم الواحد ما تزيد عن 10 ردود .. فيعني إللي تدخل تقول : صباح الخير و تعتمد . و بعدين تقول : وينكم ؟ و تعتمد . بعدين تقول ملل و تعمد . و تعلق على غيرها و تعتمد . جذي يكون باقي لها 6 من 10 .. فيعني إللي ما عندها سالفة ختوفر الردود للتعليق (؛ ..
10 >> عشان أنا إللي بقرا رد رد سالفه سالفه .. و أنا طالبه أدرس .. فيعني لو شاركوا 6 بـس ! يعني بقرا 60 رد باليوم:020: .. و هم عشان تطلون على باجي مواضيع المنتدى مو بس تطيحون له قرقر ..

و ترا 10 زين .. لاحظوا أغلبكم ما يعدي 10 ردود باليوم باهمسي ^^؛..

إللي عندها كلمه وحده .. تقولها موضوع : °¨ღ♥ღ°¨° عبـّري .. اهمسي .. و بكلمة واحدة فقط ... تسجيــل حضـور .. شاركينـا ˆ¨°ღ♥ღ¨°
و العكس .. إللي عندها سالفة تحطها هني .. و أي وحده تحط رد مناك بدون همسه راح يحذف بدون تنبيه . .

إللي عندها مسج .. تضيفه ¸•.¤§¦ .. سجلي دخولكـ ,, للمنتدى بمسج,..¦§¤.•¸

أي بنتين عندهم كلمة راس . . سالفة بينهم :053: . . ما نبي تشفير ( إللي بالي بالج - إي يا شينها - الشي إللي قلت لج عليه ) تقدرون تسولفون على راحتكم بالرسايل .. و إلا غصب نعرف شسالفة :006: ، و أحسن لو ما تسولفون أحاديث جانبيه . . نبي جماعي . . خاصه مع العضوات الجدد .

كله ممنوع .. عيل عن شنو نسولف :023: .!!؟؟

هالموضوع عشـان :

تعرفون أخبار بعض .. تسئلون عن بعض .. لغابت وحده تدخل الثانيه تقولنا عنها ..

تسولفون عن الدراسه و المواقف إللي تصير مع المدرسات و البنات بالمدرسه أو الجامعه "012" ..

تقولون أي موقف مضحك محزن مرعب مؤثر مفرح غريب .. إن شاء الله حتى مُمل .. عاادي .. :013:

تفضفضون تشكون لبعض همكم تقولون إي شي مضايكم ..

تكلمون عن اللهجات .. تعلمون بعض كلام بعض .. ، تستفسرون عن مصطلحات عادات أخبار بلادكم ..

بذكركم بالأسباب اللي قلتوها عشان نفتح الموضوع :-

لا للتعارف و السوالف الفارغه بل لتقصي الأخبار و المساعده في الدراسه و هكذا .. فأفضل وضعه حتى لا يحدث كبت على العضوات و حتى لا يجعلوا أي موضوع يطرح للسوالف بدل الموضوع الأساسي .. و ذلك لعدم وجود المكان المخصص لذلك .
الهدف هو لقاء الأصدقاء لأن الكثيرون يرفضون المحادثة على الماسنجر لذا ستكون طريقة رائعه للتعارف و السوالف و التقارب بين العضوات ، و المساعده في الدراسه .
لان ساعات الوحده ضايق خلقها و تبي تسولف مع أحد ماتلقى ..!!
أنـا أؤيـد فتح موضوع خآآص للسوالفــ .. منه نستفيد من كلام بعضنـا .. ونتكلم و نتحاووور .

أتمنى تلتزمون فيها

إي القوانين اللي بالاسود أول شي .. خرابيط .. عطوها طااف :027:

أشكر ندويه على سماعها وجهة نظري و مناقشتي و اقتناعها بكلامي ..

و على سماحها لي بفتح الموضوع بقسمها .. رغم إني عشرينيه ..

المصدر: منتديات بنات دوت كوم

---

|§| Z ¨->°•>-» ₪ wJJJghgJJt fJJNJJhj > CôM ₪ «->•°>-¨ Z |§|

الموضوع الأصلي : |§| ~ ¨-.°•.-» ₪ wـــgالــف بــNــات . CôM ₪ «-.•°.-¨ ~ |§| || القسم : "الأرشيف" مغلق || المصدر : منتديات بنات دوت كوم || كاتبة الموضوع : Ms.KuwaiT