[عاشقة العراق]

هلو بنات حبيت أعرفكم على الشعر الشعبي العراقي وراح أكتبلكم بعض الأبوذيات والدارميات واذا ما افتهمتو إسألوني واني أفهمكم
جمالك زاد فوق الحسن وصفه
ودليلك صافي مثل الذهب وصفه
عليمن يكتب الدكتور وصفه
إذا إنته الدوا والصيدليه .
وهذي أبوذيه ثانيه أتمنى تعجبكم :
تعال احسب بهمي عده إنته (احسبه)
وكلبي شعنده غيرك عده إنته (لا يملك غيرك)
أزعل الدنيا كلها عده إنته (غيرك أنت)
لان زعلك يزعلني عليه.
وهذي ثالثه اقرو وانطوني رأيكم :
تلوعنه وشفنه كل حلاوتهم ومرهم (المر)
والروح تمشي على طوعهم ومرهم (أمرهم)
حبيبي دوه لجروحي ومرهم (علاج)
تمنيته يجي ويحن عليه .
وهذي بعض الدارميات :
1) لا تظن يوم أنساك واتبرى منك
بس الكفن والموت يبعدني عنك.
2) بالعيد إلك دزيت قلبي هديه
وبعيدي حفن جروح دزيت إليه.
3) صح البشر حلوين بس إلك ميزه
دخلت القلب تهريب وبليه فيزه.
4) كل البشر دولار بس إنته يورو
تنخاني بالشدات تلقاني زورو.
هذا شي بسيط من الشعر الشعبي العراقي إذا عجبكم قولولي واني اكتبلكم غيرهن .

المصدر: منتديات بنات دوت كوم

---

Hauhv uvhrdi

الموضوع الأصلي : أشعار عراقيه || القسم : المخالفات || المصدر : منتديات بنات دوت كوم || كاتبة الموضوع : عاشقة العراق