[Ms.KuwaiT]

.. السلام عليكم ..

×× أتمنى تصبرون على ما تفتح كل الصور .. :040: ××

ما عرفت مخلوقاً من مخلوقات الله ألطف من الورد
هذه حقيقة أجمع الناس عليها بعدما فتنوا بجماله ..
و سحروا بشذى عطره ، و أعجبوا بدماثة خلقه ..
كرسول للمودة و الحب و الصداقه و الوفاء و الرقه و النقاء ..
و لألوانها مدلولات مختلفه ..‏

اللون الأحمر يدل على الحب والجرأه .

اللون البنفسجي يدل على الإخلاص .

اللون السماوي يدل على مدى المرح و محبة للحياة .

اللون الأبيض يدل على الصفاء و الطهاره :

ليتل برنسس

هذي لولو برنسس

اللون الأصفر يدل على الغيرة ، و لو إني أشوفه يدل على المرح و النشاط :

اللون البرتقالي يدل على الاثاره و بيان الشخصيات : >>مادري شتطلع !

تأكيد ترا هالصوره ما غيرت فيها و لا شي بالفوتوشوب .. غير الحجم طبعًا .. يعني ألوانها من داخل من الله ..

و بسمي هالوردتين .. عزوف و مكون .. و كل ما تزاعلوا غطيت ورقه ملونه منهم ,, تويج ،،( 14 وحده لكل ورده )
و بدزلهم أول بأول شلون صاروا الوردتين من بعد زعلهم ..
و يمكن يهوّنون .. و يتراضون .. عشان الورده :006:
أو يمكن ما يبينون جدامي لوول :014:

اللون الزهر أو الوردي يدل على العاطفه و البراءه :

هالصوره ذكرتني rose love...m

بسميها.. هتون السعد

هالورده .. اسمها : طير الجنه .. >> مو أنا مسميتها !

المفضلين عندي : :040:

القطرات طبيعيه 100 % p;

و هذي .. لعروبـ قبل الـ ... :(

ســـبـــحـــــان إللي خلقــ هــم

ملاحظات

أفضل وقت لتصوير الورد :

أيام الغيم .. لما تكون الشمس موجوده ورا الغيم .. فأشعتها المباشره و الحاده ما تغير لون الورد و لا تحرق رونقها . >> حلوه رونقها ..

بعد المطر مباشرة .. لأنه قطرات المطر تكون أكثر و أحلى .. و انعكاسها و لمعتها يعطي جمال للورده .

في حال التصوير وقت الشمس .. حاولي تصورين بعد الشروق أو العصر .. لأنه الأشعه هاديه و الهوا غالبًا أقل .

في حالة إنج تبين تصورين ورده بالبيت .. أحلى ضـوء هو ضوء الشمس غـيـر المباشر .. يعني بغرفه إضاءتها من الدريشه بس .

نصايح قبل أخذ اللقطة :

لا تصورين الورده و انتي فوووق بعيده عنها .. حاولي تنزلين لمستواى الورده . :010:

توقعي تطلع لج نحله فجأه .. سواء من داخل الورده !! أو من وراج .. :006:

دوري زاويه يديده .. مو متعودين نشوف الورده منها ..؟! :010:

مثل هالصوره :

للأمانه بعض النصايح تعلمتها من كتب التصوير عندي .. حـبـيـت أقولكم ياها ..

كلمة أخيره

إللي تبي تاخذ أي صوره .. لا تستأذن ماعندي مانع .. سواء كانت وحده ردت على الموضوع أو لأ :027: ..
سواء كانت عضوة أو وحده ضيفه من إللي يزحمون السيرفر :012: ..
كله ما عندي مانع ..

يمكن تلاحظون ضفت اسمي بطريقه بسيطه .. يقدر أي أحد يقص الصوره ..
مو مشكلة .. أفرح لما أحد ياخذ و يستفيد من تصويري ..
>> أحس عروب مو عاجبها الكلام
و إن شاء الله محد ينسبهم له .. حكمتكم ضمايركم :010:

و إللي ما طلعت لهم بعض الصور .. تسوي تحديث ( رفرش ) أو رايت كلك على الصوره بعدين ( شو بكشر )

أشكر كل من صبرت على الصور كلها و طولت بالها معاي :040:

المصدر: منتديات بنات دوت كوم

---

---\--₪ >> Ro$e§ & FlowerS >> ₪--"---

الموضوع الأصلي : ---\--₪ .. Ro$e§ & FlowerS .. ₪--"--- || القسم : "الأرشيف" مغلق || المصدر : منتديات بنات دوت كوم || كاتبة الموضوع : Ms.KuwaiT